Efisyàns 5:19 - The New Testament in the Babanki language

¹⁹ Ghə̀ŋ ne zhɨmə ndzàŋsə a ghə̀ŋ a ntìntìn. Ghə̀ŋ ə̀ zhɨmə dzaŋsə Nyìngòŋ nə̀ dzaŋsə shisə a sə fʉ̀ fa ŋwàʼlə̀ Nyìngòŋ nə̀ shisə a kəzhwì kə Ŋwoʼkə ə̀ ne la ghə̀ŋ ə zhɨmə, ə zhɨmə ndzàŋsə Nyìngòŋ nə̀ ndzàŋsə a sə fʉ̀ fa ŋwàʼlə̀ Nyìngòŋ ə, kuʼsə Nyìngòŋ nə̀ ətyɨm ə ghəŋə no tsèm.

Efisyàns 5:19 ပူးပေါင်းရင်းမြစ်များ

Matìyò 15:8

Viʼi venə ghoʼsə̀ mò tò nə̀ chʉ, alì tətyɨm tə vəwenə tə diʼ kəghaf fà mò.

Matìyò 26:30

Vəwenə zhɨ mwètə̀ zhɨmə ndzàŋ mù fʉ̀ kùʼ a kwi pfèn Olìf.

Shwèʼ 16:25

A nè sə̀ ndiʼ a ntìntìn nəntʉʼʉ, Bol wenə̀ Silàs sə jɨ̀mə̀, zhɨmə̀ ndzàŋsə à Nyìngòŋ, viʼi mfɨŋ vətsenvə sə zhʉtə̀ nyʉ̀ vyi a vəwenə nzhɨmə gàʼà.

1 Kolìntyàns 14:15

Kə sətsèn ndiʼ alə̀, ma ne a le? Kəzhwì ə kòmkə diʼ ə njɨ̀mə̀, kwoʼtə ə ghomə be jɨ̀mə̀, kəzhwì ə kòmkə ə zhɨmə ndzàŋ, kwoʼtə ə ghomə zhɨmə.

1 Kolìntyàns 14:26

Vəghəŋ zizi və gàʼà no la gho a vəlemə vwomə? Ghə̀ŋ zizi a ghə̀ŋ gàʼà la, ghə̀ŋ zhùŋtə̀ no zhʉ̀ko, wìʼ ə sə kiʼ dzàŋ ə zhɨm, ghə tsen ə kiʼi kənyʉ̀ a ziʼi, ghətsen kiʼi kənyʉ̀ a Nyìngòŋ ə diʼ làynsə a wen, ghətsen ə kiʼ kənyʉ̀ ə gàʼ a gàʼà ə kədyàŋ, ghətsen diʼ ə shə̀ʼtə̀ nyʉ̀ vyi a və gàʼa. Ghə̀ŋ ə ne nyʉ a venə ə no tsèm to gyamtə viʼi və byɨməvə.

Kòlòsyàns 3:16

Əgaʼa ə Yesò ndiʼ a ghə̀ŋ tətyɨm. Ghə̀ŋ lyɨ̀ ətof ə tsèm ə ziʼi be ku kətyiftə a ghə̀ŋ təwen. Ghə̀ŋ zhɨmə dzaŋsə Nyìngòŋ nə̀ dzaŋsə laynəsə shisə a kəzhwì kə Ŋwoʼkə nè la ghə̀ŋ zhɨmə. Ghə̀ŋ zhɨmə, ku kəzòŋ a Nyìngòŋ a ghə̀ŋ tətyɨm.

Jems 5:13

A sətsèn wìʼ ə ndiʼ à ghə̀ŋ a ntìntìn a ghə̀ yenə ngəʼ. Ghə̀ jɨ̀mə. A sətsèn wìʼ ndiʼ à ghə̀ŋ a ntìntìn a ghə̀ saŋlə̀. Ghə̀ nzhɨmə ndzàŋsə ghoʼsə Nyìngòŋ.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.