Efisyàns 5:18 - The New Testament in the Babanki language

¹⁸ Kə ghə̀ŋ nyʉ məlyʉ̀ʼ moʼtə mə ghaʼ ghə̀ŋ byìʼì ando məlyʉ̀ʼ ne viʼi tsi ntsìnə̀ nyamsə. Ghə̀ŋ boŋsə moʼtə kəzhwì kə Ŋwoʼkə lywinsə ghə̀ŋ.

Efisyàns 5:18 ပူးပေါင်းရင်းမြစ်များ

Matìyò 23:25

Ngəʼ ghoʼo diʼ à ghə̀ŋ ndìʼsə̀sə təsoʼ bènə̀ viʼi Falàsi. Ghə̀ŋ viʼi kəmbɨ̀lə̀ kə ashɨ venə! Ghə̀ŋ lyɨ̀ kaŋ vəŋə nə̀ ndoŋsə shəŋsə ghə̀ŋ tùʼù shʉ̀ tò dzemsə shisə alì tin shisə diʼ mu sə lwin li tò nə̀ kəmɨ̀ŋ kə fo a ghə̀ŋ ghaʼ nshi byìʼì kəmbàŋ mbàŋ.

Matìyò 24:49

mù zìtə̀ nyàblə̀ nə̀ viʼi shyèʼ vətsenvə vi tò nyàblə̀, zhɨ be nyʉ məlyʉ̀ʼ wenə̀ viʼi məlyʉ̀ʼʉ.

Ŋwàʼlə̀ Luk 1:15

byiʼè ghə̀ lu ndiʼi no wu ghoʼo a shɨ Bobo. Ghə̀ kò ə nyʉ məlyʉ̀ʼ no fa mpfen, kəzhwì kəŋwoʼkə lu lwin a wen tyɨm ghə̀ bu a bèm ə li wen.

Ŋwàʼlə̀ Luk 11:13

A zhʉ a ghə̀ŋ viʼi nè nyʉ̀ byɨvə, zì ghə̀ŋ kɨ əku fo jùŋ və à vunə vəŋə, no Tìʼ ghə̀ŋ a ghə̀ diʼi a kàŋ ne faŋ ale ke ku Kəzhwì kəŋwoʼkə à viʼi vyì à və bèmə̀ à wen a?”

Ŋwàʼlə̀ Luk 12:45

Ali wù shyèʼ a ghèn sətsèn ŋwʉʼ ə kwòʼtə̀ tò fa wen a ngə̀ŋ la, ti shyèʼ a tàŋ mimbu bwenə pfwo, mu zìtə̀ əghòm viʼi shyèʼ,vətsen və vyi, lyʉmə nə̀ kyi, zhɨ be nyʉ məlyʉ̀ʼ bomə,

Ŋwàʼlə̀ Luk 21:34

Ghə̀ŋ tuʼmə nə̀ tə wen təŋtə, bwen alì, ghə̀ŋ a lyɨ̀ kəzhɨ nə̀ məlyʉʼʉ̀ a ndiʼ shyèʼ ghə̀ŋə. Ko nyʉ̀ mbyi venə bʉʼ ashɨ ghə̀ŋə, kətsi kèn sə vì kò ghə̀ŋ lə kɨ.

Joyn 2:10

ə gàʼ a wen la, “Viʼi nə̀ diʼ la wù boŋsə ku məlyʉ̀ʼ mì a mə bòŋ la və nyʉ̀ ambì, viʼi nyʉ̀ sə dyuʼlə, və mu vi nə̀ myimə a mə ko tuʼ ə bòŋ, wù jeʼ ale ə ghʉ̀ məlyʉ̀ʼ mə jùŋə mèn ə sə vi nə̀ məwenə luwen a?”

Shwèʼ 11:24

Balnabas ghèn ndìʼ wu jùŋ, kiʼ byɨmə no a nkàyn be diʼ mu Kəzhwì kə ŋwòʼəkə lwin li à wen a tyɨm. Viʼi byɨmə à Nyìngòŋ byìʼì wen no vəghoʼo.

Lumans 13:13

Vəghəŋ ə nshɨtə ghaʼa təwen tə vəghəŋ a nə̀ viʼi a və tsi a ntìntìn əbayn. Kə vəghəŋ ne kwetə no tèbe ghò, no tèbe fè və zhɨ, kə vəghəŋ ne moʼtə məlʉ̀ʼ ghaʼa vəghəŋ. Kə vəghəŋ ne nè nyʉ̀ ə kənfwàʼlə̀ nə̀ təwen tə vəghəŋ. Kə vəghəŋ ne taŋmə, kə vəghəŋ ne ghə̀ʼə̀ viʼi.

1 Kolìntyàns 11:21

Byìʼàndo ghə̀ŋ zhʉ sə zhɨ̀, viʼi vətsenvə sə kwoʼtə to əfo ə zhivə ngeŋsə ə vəwenə, vətsenvə pfʉ kə jɨŋ sə, viʼi vətsenvə nyʉ məlyʉ̀ʼ, bomə̀.

1 Kolìntyàns 5:11

Ma tə boŋsə nyòʼ ə gàʼ la, kə ghə̀ŋ ə̀ ntsèntə̀ vye wìʼ a ghə̀ gàʼa la yi diʼ wu byɨmə ali tsi ntsìnə̀ kəfwaʼlə a nə̀ ə dzɨ̀mtə̀ ki kò lʉ̀mə, bàŋbàŋ, ghə̀ be kuʼsə nshəʼsə. Ma gàʼa la kə ghə̀ŋ ne ntsèntə̀ vye viʼi vyi a və ghamə, be nyʉ chòsə̀ məlyʉ̀ʼ bomə, ko və tsoŋ. Kə ghə̀ŋ a mwomsə tebè mwomsə zhɨ̀ vye nki viʼi a venə.

1 Kolìntyàns 6:10

nə̀ və tsòŋ nə̀ viʼi kəmbàŋbàŋ, nə̀ viʼi a və nyʉ məlyʉ̀ʼ bomə nə̀ viʼi vyi a və byɨbsə əzhiʼ ə viʼi, nə̀ viʼi a və tsoŋ ə tsoŋ toghə ko lu zhɨ̀ kəshi kə əfòynə ə Nyìngòŋ.

1 Tèsàlonyà 5:7

byìʼì ando viʼi nə̀ nè və sə bʉnə to nətʉʼ, viʼi a və nyʉ məlyʉ̀ʼ əbe nyʉ bomə to nətʉʼ.

Taytùs 1:6

Chəʼ ngə̀ŋ Nyìngòŋ diʼ ndiʼ wìʼ yì a və ko ghàm mə ə wen a nyʉ̀ mu ghə̀ ne li, kiʼ tò wùwì muʼ. A diʼ ndiʼ wìʼ a vunə wen diʼ viʼi vəbyɨməvə, zhʉmə, kènla vəwenə tsi ntsìnə̀ kətolə̀.