Efisyàns 4:29 - The New Testament in the Babanki language

²⁹ Kə əgaʼa byɨkə ə lu fʉ̀ fa wìʼ chʉ̀. Ghə̀ŋ ə boŋsə gàʼa to kənyʉ̀ ki a ghə̀ŋ zizi ghə̀ŋ gyamtə viʼi və tò a vəwenə byɨmə ndiʼ no ndo a ghə̀ əzhʉ əgàʼ ə ghəŋə, ghə̀ a sè kənyʉ̀.

Efisyàns 4:29 ပူးပေါင်းရင်းမြစ်များ

Matìyò 5:16

A diʼ tò ndə̀ŋndəŋ ando ghə̀ŋ diʼi baynə a viʼi ndi viʼi yen nyʉ̀ jùŋ və vyi a ghə̀ŋ nè mù nkuʼsə tiʼi ghə̀ŋ yi a ghə̀ diʼi a kàŋ.”

Ŋwàʼlə̀ Luk 4:22

No məndo yen la ghə̀ gàʼli a nkàyn sə̀ kayntə̀ la gaʼa gàʼà fwomə ghə̀ ghenə̀ fʉ̀ tò fa wen a chʉ̀ lo? Lu fa tsu ə bwènə̀ sə bèmə̀ la “Gàʼa kò ghèn diʼ wàyn Josèf lo?”

Joyn 1:37

Ndzɨ̀mtə̀sə bàm ə wen na shìsə zhʉ̀ ali ə lu ə sə dyʉ̀ fa bàm ə Yesò.

Lumans 14:19

Vəghəŋ mwomsə ə nè to nyʉ̀ vyi a və vì nə̀ mbwaʼmə, nè la viʼi ə kwi a vəwenə byɨmə.

Lumans 15:2

No ndò ə ne to kənyʉ̀ a lèmə̀ wen na saŋlə to saŋlə ndiʼ na kèn kə gyàmtə̀ ə kwisə wen.

1 Kolìntyàns 14:19

Alì mu mà yi ngàʼà a ngə̀ŋ ə Nyìngòŋ, mà ne kòŋ ə gàʼ to nyʉ̀ à tayn la viʼi zhʉ kɨ ə ziʼi kənyʉ̀ fa kənyʉ̀ a ma gàʼà chò ando mà yi gàʼà nyʉ̀ nkamsə əwùm a təgaʼ tə kədyàŋ, ko viʼi lu ə nzhʉ.

Efisyàns 4:12

Ghə̀ ə ne alə ə baʼtə̀ viʼi və byɨməvə la vəwenə kɨ ə ne shwèʼ ə Nyìngòŋ ndi ngə̀ŋ Nyìngòŋ ə nkwi, a diʼ əwènə Klistò.

Efisyàns 4:16

Klistò tsentə li viʼi a kənyʉ̀ kə mùʼ ando əbàs wen ə tsèm ə diʼ a kənyʉ̀ kə mùʼ, no tèbe zhuŋ ə kò a wen ə gyamtə ə ghaʼ to əwen ə tsèm. No tèbe əshyə ə kò ne shwèʼè to ando ghə̀ diʼ ə nshwèʼè, əwèn ə tsèm ə sə kwi be shɨtə totə. Adiʼ ji a ntsèntə̀sə viʼi vəbyɨməvə diʼi ndiʼ a zhʉ a vəwenə ə kòŋmə təwentə vəwenə.

Kòlòsyàns 4:6

Əgàʼ ə ghəŋə ndiʼ ə nə̀ mbwaʼmə be fwomə to məzhʉ̀ ə tsèm, ndi ghə̀ŋ kɨ ə shɨtə ə bwensə no ndo.

1 Tèsàlonyà 5:11

Ali ma sə gàʼa la, ghə̀ŋ ku ətyɨm ə to ghə̀ a vəlemə vəŋə, gyàmtə̀ vəwenə no tèbe ando ghə̀ŋ sə gyàmtə̀ to no luwen.

1 Bità 2:12

Ghə̀ŋ ə ntsi ətsìnə̀sə jùŋsə ndiʼ viʼi vyi a və tsi a ghə̀ŋ a ntìntìn, a vəwenə ko kɨ Nyìngòŋ ne sə nkumə ghàm tèbe ghə̀ŋ, ali yenə nyʉ̀ ə jùŋə və vyi a ghə̀ŋ nè, a lù ndiʼ ando Nyìngòŋ ə bwenə vi a kətsi kə ə nsòʼ, vəwenə ə nkuʼsə wen.

1 Bità 3:1

Ki, ghə̀ŋ be ngumlə̀ və lɨmə ə vəŋə. Ghə̀ŋ sətsen ə ne alə, ətsìnə̀sə jùŋsə ə ghə̀ŋ sə zizi sə nè vəlɨm ə vəŋə vi a və ko tɨmə ə byɨmə, vəwenə kwitə tətyɨm tə vəwenə ə byɨmə a Nyìngòŋ ko ndiʼ la ghə̀ŋ gàʼ li tèbe kənyʉ̀ a vəwenə,

2 Bità 2:18

Vəwenə ə ghaŋsə wèn gàʼà no nànto be gàʼà gaʼa ə kənkoyn, lobtə viʼi vyi a və sə nyɨŋ fʉ̀ vi fa a ntìntìn ə̀ viʼi vyi a və ko kɨ ji Nyìngòŋ, kəŋ la viʼi a vyi vi ə tsèntə vəwenə, wenə vəwenə ə nè nyʉ̀ vyi a njòsə əwen ə̀ vəwenə sə kòŋ.