Efisyàns 4:22 - The New Testament in the Babanki language

²² Və ə nziʼi la ghə̀ŋ maʼa ntsìnə̀ ə mu ə ghə̀ŋ byìʼì ando təkwòʼtə̀ tə byɨtə ə ghə̀ŋ titə a tə tə nè ghə̀ŋ nè to ənyʉ̀ byɨvə li ə ntenə ghə̀ŋ a kù.

Efisyàns 4:22 ပူးပေါင်းရင်းမြစ်များ

Lumans 6:6

Vəghəŋ ə kɨ la və ə sə bayntə Yesò a kəntò ə bayntə boʼsə nə̀ ntsìnə̀ ə mu ə vəghəŋ ndiʼ kədyòʼ kə mbyɨ kì a kə ndiʼ a wen ə mu ghə̀ na ghèn mè, ko vəghəŋ ə be a ndiʼ əkòs a mbyɨ,

Lumans 7:11

Mbyɨ lobtə mo chò fa a nyʉ̀ yi a əsoʼ chuŋsə mo mu zhwi mo.

2 Kolìntyàns 11:3

Ma gaʼa alə̀ fwàynə̀ la viʼi zizi və vi lobtə ghə̀ŋ ko ghə̀ŋ be a nghʉ kətʉ nzhʉ fa Yesò nə̀ tyɨm ə ghə̀ŋ no tsèm ndə̀ŋndəŋ ando Satan nvi nə̀ mənàŋ mə wen ə lobtə Ivè.

Gàlesìyà 1:13

Ma kɨli la ghə̀ŋ nzhʉ li ji yi a ma ə ntsi to ando ma mbo dzɨ̀mtə̀ ji shisə a viʼi Jus nkuʼsə Nyìngòŋ fa tsu. Ghə̀ŋ kɨli to ando ma ntsuʼ kəghʉ kə nòyn ə viʼi və byɨməvə no nànto be mwomsə ə myetə vəwenə.

Efisyàns 2:3

Vəghəŋ vətsèm ə ntsi to nə̀ viʼi və byɨvə a venə fa ambì, ne to nyʉ̀ ə byɨvə vyi a njòsə əwen ə vəghəŋ sə kòŋ, a fwomə tèbe ghò a vəghəŋ, vəghəŋ ne to ne ando əkwoʼtə ə̀ vəghəŋ kəŋ. Mbyɨ a sensə ndiʼ nè Nyìngòŋ kù ə ngəʼ a vəghəŋ ando ghə̀ ndiʼ ə kù a viʼi mbyi.

Efisyàns 4:17

Ma gaʼa a ghə̀ŋ a əzhiʼ ə Bobo be kumtə la kə ghə̀ŋ be tsì to nə̀ viʼi ətɨm. Vəwenə kiʼi to təkwòʼtə̀ tə zɨmtə.

Efisyàns 4:25

Kə le diʼ luwen la ghə̀ŋ diʼ ə maʼa ndzɨ̀ŋsə, no ndo ə ngàʼà to nəmwèʼè a lèmə̀ wen byìʼì ando vəghəŋ və tsèm diʼi to nə̀ viʼi a və tsèntə sə diʼ to əwènə mùʼ.

Efisyàns 4:31

Ghə̀ŋ maʼa kwoʼtə ə əbyɨghə no ə tsèm nə̀ ətoŋ ə fwi ghə̀ nə̀ tinə fwi nə̀ kəŋkə̀ nə̀ telə mbaʼsə nə̀ əgaʼa bàm a bàm no tèbe nə̀ əbyɨf ə kò.

Kòlòsyàns 2:11

Və nshɨtə li ghə̀ŋ ando ghə̀ŋ nsə diʼ a kənyʉ̀ kə mùʼ vye vəwenə. Əshɨtə na ghenə ko diʼ yi a viʼi nə̀ shɨtə ne kəvu kə. A diʼ yi a Klistò ə shɨtə, ə shisə ətyɨm ə byɨghə fa ghə̀ŋ wen.

Taytùs 3:3

Andìʼ a mbì nkàyntə̀ vəghəŋ ə̀ dzɨ̀ŋtə̀ kèn la vəghəŋ ə zhʉ gɨ̀ be nè shwè. Vəghəŋ ndìʼ əkòs à tənkì tə nyʉ̀ mbi, be nè no ghò a vəghəŋ ə̀ nkòŋ ənè. Vəghəŋ ə ntsi tò a ne ənyʉ̀ byɨvə be shəmə, viʼi bàynə̀ vəghəŋ, vəghəŋ be kiʼ kəbàyn à vəghəŋ a ntìntìn,

Hibùlù 12:1

Ando vəghəŋ sə diʼ mù və yen li ənòyn ə nchwò nsòʼ kumə əbyɨmə mu və kaʼ li mbum vəghəŋ to kədə̀ŋ lə, vəghəŋ maʼa li no tèbe kəbyèʼè kə kò ki a kə taʼsə vəghəŋ be maʼa no mbyɨ ə kò yi a ghə̀ kwiʼi vəghəŋ ə wensə nyɨŋə kənyɨŋ ki a Nyìngòŋ ə ghʉ̀ la vəghəŋ nyɨŋə.

Hibùlù 3:13

Ghə̀ŋ boŋsə gyamtə tyɨftə təwenə tyəŋtə to mətsi ə tsèm ə zàʼa ando Nyìngòŋ ə bo gaʼa a ghə̀ŋ, ndi kə mbyɨ na lobtə ghə̀ŋ ə ne la ghə̀ŋ to kətʉ.

Jems 1:21

Kə mu sə diʼ la ghə̀ŋ maʼa ntsìnə̀sə byɨsə bènə̀ ntsìnə̀sə kəmɨ̀ŋ ghə̀ŋ ə̀ shìʼsə təwen təŋtə shi ntɨm yì a Nyìngòŋ ə we à ghə̀ŋ a tətyɨm a ghə̀ zì ghə̀ bwòŋsə ghə̀ŋ.

Jems 1:26

No ndò sətsèn ə nkwòʼtə̀ la ghə̀ dìʼ wu byɨmə ke nkɨ jì ə tisə kəlyɨmə kə wen mu ghə̀ lobtə̀ wen ə wen kò a ndiʼ la byɨmə wen ə kwʉʼʉ̀ tè a kənyʉ̀ kətsenkə.

1 Bità 1:18

Ghə̀ŋ kɨli la Nyìngòŋ ə loʼ li shisə ghə̀ŋ fa ntsìnə̀ ə mu yi a vətiʼi və vəghəŋ ə ntsi. Nyìngòŋ ə nko ə zen ghə̀ŋ nə̀ kəfo kə to nə̀ əko mu ghə̀ zizi ghə̀ byɨf.

1 Bità 4:3

Ghə̀ŋ sə diʼ mù ghə̀ŋ byɨsə li əzhʉ̀ ə ghoʼo ghə, tsi ntsìnə̀ yì a viʼi vyi a və ko kɨ Nyìngòŋ ə kòŋə. Ghə̀ŋ tə ntsi ətsìnə̀sə kəfwaʼlə, ashɨ a ghəŋə bàŋbàŋ, ghə̀ŋ nyʉ məlʉ̀ʼ bomə, ghə̀ŋ ə dyʉ̀ akəshi kə kəzhɨ, ghə̀ŋ sə nè to nə̀ bʉ̀sə. Ghə̀ŋ tə ə kuʼsə nshəʼsə, ko əsoʼ ə Nyìngòŋ ə byɨmə.

2 Bità 2:13

Nyìngòŋ ə lu loʼ vəwenə to nə̀ ndə̀ŋndəŋ ngəʼ na ghèn a vəwenə ə ku a viʼi vətsenvə lə. Vəwenə ə̀ zhʉsə kəŋ ə zhʉ̀ a fwom, vəwenə sə dèmə̀ kwetə no tèbe ghò, nè to nè, no tèbe a kəntokə chwìchwì. Vəwenə nə̀ nyʉ̀ʼmə ə zhɨ̀ vye vəwenə, kənyʉ̀ a kì ə sə diʼsə kətʉ no nànto. Vəwenə ə̀ lobtə ghə̀ŋ no zhʉ̀ko, vəwenə sə saŋlə.

2 Bità 2:7

Ghə̀ ə sə byɨbsə təloʼ a tentə ə bwoŋsə Lòt. Lòt ndiʼ wù kənyʉ̀ kətɨməkə, ghə̀ nki ə ntsìnə̀sə kəfwaʼlə shisə a viʼi lòʼ a venə ə̀ tsi, kənyʉ̀ a kì ku ngəʼ a wen no nànto.