Efisyàns 4:18 - The New Testament in the Babanki language

¹⁸ Vəwenə zhʉ ko andiʼ la və kɨ kənyʉ̀, ko və kɨ kənyʉ̀ kumə ntsìnə̀ Nyìngòŋ byìʼì kəkoyn kə vəwenə mu à vi nə̀ kətʉ̀kə ə tokə kì a vəwenə ə kiʼi.

Efisyàns 4:18 ပူးပေါင်းရင်းမြစ်များ

Matìyò 13:15

Viʼi venə dìʼ mu tətof tə vəwenə tə bwaʼli. Vəwenə shwintə li tiʼitiʼi vəwenə be nchiʼtə ashɨ vəwenə, à bwen a lì mu tiʼitiʼi vəwenə zhʉ kɨ nyʉ̀ ashɨ vəwenə be yenə shi a zhʉ ayì vəwenə bwenə vì à mò mà chʉʼ vəwenə.

Ŋwàʼlə̀ Mak 3:5

Yesò ki kaʼsə nə̀ vəwenə alə̀ mu tin wen fwi li alì be kusə̀ nshinsə byìʼì chiʼi kətʉ vəwenə. Ghə̀ mù gàʼ à wìʼ ayì la, “Nàʼsə kwoŋ wu.” Ghə̀ nàʼsə̀ no a zhʉ kò kwoŋ ayì to.

Joyn 12:40

“Nyìngòŋ ə nè li, vəwenə nfyɨf ə be ntosə tətyɨm tə vəwenə, ndiʼ vəwenə ki tèbe ki ko və lu yenə, kwòʼtə̀ tèbe kənyʉ̀, ko andiʼ la və kɨ; byìʼàndo vəwenə sətsen ə yenə be kɨ nyʉ̀ a və bwensə ə vi a Nyìngòŋ ghə̀ chʉʼ vəwenə.”

Shwèʼ 17:30

Nyìngòŋ ghʉ li la ghə̀ zì kò ghə̀ a ku ngəʼ à wìʼ byìʼì mətsi mì a wìʼ nko ntɨmə̀ kɨ̀ kənyʉ̀ byìʼì wen lì, alì gàʼà à no tè ndò, no tè fe luwèn la ghə̀ kwitə tyɨm wen fà wen a nyʉ̀ byɨvə.

Shwèʼ 3:17

“Luwèn a vəlèmə̀ vwomə, mà kɨ la kənyʉ̀ a ghə̀ŋ nə̀ tʉtʉ vəŋə ə nè à Yesò ə̀ ndìʼ tò byìʼàndo ghə̀ŋ nko kɨ kənyʉ̀ a ghə̀ŋ ə nè.

Lumans 1:28

Ando vəwenə tyenli əbyɨmə Nyìngòŋ, ghə̀ moʼtə li vəwenə a ntìntìn kwoʼtə ə nəkwoŋ ə vəwenə a ghèn, vəwenə sə kumə tsì, ne nyʉ̀ a və ko kwʉʼʉ.

Lumans 11:25

Kənyʉ̀ kə lyomtəkə kə tsen kə diʼ a ma kəŋ la ghə̀ŋ kɨ a vəlemə vwomə ndi kə nè ko ghə̀ŋ be ghaŋsə əwen. Kənyʉ̀ na kì ə diʼi la viʼi Islel vətsenvə diʼ luwen, to kətʉ ali diʼ ə na ə kwitə ə byɨmə azhʉ̀ a viʼi ətɨm vi a Nyìngòŋ ə tsuʼ tə ə byɨmə li mwetə.

Lumans 11:7

Kə lə diʼi la viʼi Islel və ghoʼovə ə ghʉ li kəfo kì a vəwenə və tsèm tə kəŋ no nànto ə kiʼi, à kiʼi to təshɨ tə viʼi alə̀ ando Nyìngòŋ ə tsùʼtə. Viʼi no və ghoʼo tosə li tətyɨm ə zhʉ̀ fa Nyìngòŋ.

Lumans 2:19

A ghə̀ŋ kɨli la ghə̀ŋ diʼi ji a nfyɨfə be diʼi əbayn a viʼi ətɨm vi a və tsi a kəbəŋ kə fenəkə,

1 Kolìntyàns 1:21

Nyìngòŋ ə nyen li fa wen a tof la viʼi ko lu kɨ tebè wen nə̀ ətof ə ngəŋ ə vəwenə. Ghə̀ boŋsə ghʉ̀ la ghə̀ be lù bwòŋsə viʼi vyi a və zhʉ ntɨm yì a yès ə shə̀ʼtə̀ ə byɨmə no tèbe ando viʼi vətsenvə gàʼa la à diʼ kəkoynkə kənyʉ̀.

1 Kolìntyàns 2:8

Nò wù ə soʼo ə mùʼ a mbyi a shèn ə nko kɨ ətof na ghenə. A tu ndiʼ la vəwenə nkɨ li, mu vəwenə nko ə bayntə Bobo yi a ghə̀ kiʼi kùʼsə.

2 Kolìntyàns 3:14

Nò fa mpfen, vəwenə nyenə ko andiʼ la və kɨ kənyʉ̀, à sə diʼ tèbe layn ghə̀ŋ bo diʼ to ali. Vəwenə ndzàŋə̀ ŋwàʼlə̀ məkàyn mə mumə̀, ko və lu zhʉ kɨ. Kə ndiʼ alə̀ byìʼì ando kəfo ki bo chiʼtə ə tof ə vəwenə to chiʼtə, a diʼ to Yesò a ghə̀ zizi ghə̀ lyisə kəfo na kì.

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

Gàlesìyà 4:8

A ndiʼ fa ambì ando ghə̀ŋ nko tɨmə ə bo kɨ Nyìngòŋ, ghə̀ŋ ndiʼ əkòs a fo ə tsenəvə, a ko diʼ tèbe Vənyìngòŋ.

Efisyàns 2:1

Ghə̀ŋ diʼ alə̀ mu ghə̀ŋ ndi sə ghə̀ phɨkə li a ghə̀ŋ kəzhwì byìʼì mbyɨ nə̀ nyʉ̀ ə byɨvə vyi a ghə̀ŋ nè.

Efisyàns 2:12

Kə ghə̀ŋ lyesə la a ə ndiʼ a tʉʼ a yi, ghə̀ŋ nko kiʼ to kənyʉ̀ ə ne nə̀ Yesò, ko ghə̀ŋ diʼ a nòyn nə̀ viʼi Islel, ko andiʼ la ghə̀ŋ kiʼ to kəvu a nyʉ̀ yi a Nyìngòŋ ə ghʉ a vəwenə. Ghə̀ŋ ə tsi to tyi mbyi, ko ghə̀ŋ kwòʼtə̀ tebè njùŋ ə tsen akəshi, ko ghə̀ŋ kɨ kənyʉ̀ əkùm Nyìngòŋ.

Kòlòsyàns 1:21

Ghə̀ŋ kɨli la à ndiʼ fa ambì, ghə̀ŋ ti kəghaf fa Nyìngòŋ, ka wè vəwenə fʉ a kayn byiʼə ghə̀ŋ ə kiʼ əkwoʼtə ə əbyɨghə be ne nyʉ̀ ə byɨvə,

1 Tèsàlonyà 4:5

Kə Wìʼ a ku wenə wen a nyʉ̀ njòsə wèn to nə̀ viʼi vyi a və ko kɨ kənyʉ̀ ki a Nyìngòŋ əkəŋ la kə və lu nè.

Hibùlù 5:2

Pfèm ngə̀ŋ Nyìngòŋ na ghèn ə sə bwaʼmə a viʼi vyi a və ko kɨ nyʉ̀, be ne shwèʼ byìʼì ando no wen fa wen a ngeŋ diʼ tamə wìʼ be bwaʼa.

Hibùlù 9:7

A ndiʼ tèbè ali a kwen zàʼa to pfèm ngə̀ŋ Nyìngòŋ ə ŋaŋtə a Kəshi ki a kə Laynə kwʉ̀ʼ, kwen to aghayn ə mùʼ a ngwʉ̀ʼ. Ghə̀ nzhʉsə kwen, ghə̀ lyɨ̀ mənlyuŋ mə nyàm a və yi shə a kəku ə kwen ə ku a Nyìngòŋ ə ghə̀ lyesə ku mbyɨsə wen nə̀ mbyɨsə viʼi vətsenvə vyi a vəwenə ne, ko və kɨ.

Jems 4:4

Viʼi venə a vəwenə ko ghʉ tətyɨm tə vəwenə à Nyìngòŋ lə̀, ghə̀ŋ ə be kò kɨ̀ la wìʼ a ghə̀ kòŋə̀ fo nse dìʼ wù kəbàyn à Nyìngòŋ? Kə lì dìʼì la no ndò a ghə̀ kòŋə̀ ndiʼ ndoŋ wenə̀ fo nse dìʼ wù kəbàyn ə̀ Nyìngòŋ.

1 Bità 1:14

Ghə̀ŋ ə nzhʉ to fa Nyìngòŋ. Kə ghə̀ŋ be ne nyʉ̀ vyi a njòsə wen ə ghə̀ŋ sə ə kəŋ la ghə̀ŋ ə nè to ando ghə̀ŋ ə nè a tʉʼ a ghə̀ŋ nko tɨmə kɨ Nyìngòŋ.

1 Joyn 2:11

Alì a mbàynə̀ no tè ndò bàynə̀ lèmə̀ wen mu ghə̀ tsi a mfɨnə̀ be jèʼè tò tyì mfɨnə̀ ayì. Ghə̀ ko kɨ tè kəshi a ghə̀ dyʉ̀ tsu byìʼàndo mfɨnə̀ ayì ə fyifsə̀ li ashɨ wen.