Efisyàns 4:17 - The New Testament in the Babanki language

¹⁷ Ma gaʼa a ghə̀ŋ a əzhiʼ ə Bobo be kumtə la kə ghə̀ŋ be tsì to nə̀ viʼi ətɨm. Vəwenə kiʼi to təkwòʼtə̀ tə zɨmtə.

Efisyàns 4:17 ပူးပေါင်းရင်းမြစ်များ

Ŋwàʼlə̀ Luk 16:28

ghə̀ dyʉ̀ ə tyɨftə vəlèmə vwomə kùmə̀ kənyʉ̀ kènkə, ko vəwenə lù bè kwen a ngəʼ na ghèn. Vəwenə dìʼ tò, və tayn.’

Shwèʼ 14:15

“Viʼi ndoŋsə yès, ghə̀ŋ ə nè ghò lə̀? Yès dìʼ viʼi tò nə̀ ghə̀ŋ. Yès ə vì nə̀ ntɨm ə jùŋ à ghə̀ŋ ənè la ghə̀ŋ ghʉsə vənyìngòŋ və ndzɨ̀ŋsə venə ə̀ bwènə̀ vì à Nyìngòŋ a ghə̀ faŋə̀ to ghan ə̀ mùʼ, àdìʼ Nyìngòŋ ghèn a ghə̀ bwomə kàŋ wenə̀ nse, nə̀ mu mə nghoʼo mə̀, bènə̀ no ghò a ghə̀ diʼì a shi avenə.

Shwèʼ 18:5

Silàs wenə̀ Timotì nè lù fà Macedonia ə̀ vì a Kolìn. Bol ghʉsə no nyʉ̀ tsèm a ghə̀ ə̀ nè ə sə shə̀ʼtə tò ntɨm jùŋ à Vəjew be dìʼì laynsə̀ à vəwenə la Yesò dìʼ wìʼ yì a Nyìngòŋ tsuʼ li nghʉ.

Shwèʼ 2:40

Bità gàʼ a lì bè shə̀ʼtə̀ kùʼ nə̀ nyʉ̀ à viʼi a vyi no ghoʼo bè sə̀ sensə̀ vəwenə gàʼà la, “Ghə̀ŋ gyàmtə̀ tə wen tyəŋtə ndi kə Nyìngòŋ lù ku ngəʼ à ghə̀ŋ ando ghə̀ ndiʼ lu ku à viʼi tətyɨm təbyɨtə a kəlyɨŋ kə luwèn.”

Shwèʼ 20:21

Mà tə mpfàntə̀ Vəjew wenə̀ viʼi tɨm la vəwenə kwitə tətyɨm tə vəwenə fà vəwenə mbyɨsə ə̀ bwènə̀ vì à Nyìngòŋ, ə̀ byɨmə à Bobo vəghəŋ Yesò Klistò.

Lumans 1:21

Vəwenə kɨ Nyìngòŋ ali ko və kuʼsə tebè wen ando və diʼ ə nkuʼsə, ko və ku tebè kəzòŋ a Nyìngòŋ. Təkwòʼtə̀ tə vəwenə diʼ to təkwòʼtə̀ tə nəkwoŋ, vəwenə ko be kwoʼtə tebè kənyʉ̀ kə nəmwèʼè bɨ̀lə̀ to bɨ̀lə̀.

1 Kolìntyàns 1:12

Kənyʉ̀ kì a ma gàʼà diʼ la no ndò fa ghə̀ŋ a ntìntìn sə gàʼà to nə̀ nəkwoŋ. Viʼi vətsenvə ə gàʼa la, vəwenə dzɨ̀mtə̀ ziʼi Bol vətsevə gàʼà la, vəwenə dzɨ̀mtə̀ ziʼi Abolòs; vətsevə gàʼà la, vəwenə dzɨ̀mtə̀ ghə̀ Sefàs; vətsevə gàʼà la, vəwenə diʼ a ghə̀ Yesò.

1 Kolìntyàns 15:50

Kənyʉ̀ ki a ma gàʼà a vəlemə vwomə diʼ la, wìʼ ko lu yenə əfòynə Nyìngòŋ nə̀ kətsoʼ kə wèn kenkə, kəfo kì a kə fwè zizi ko kə lu kiʼi kəfo ki a kə ko lu fwè.

2 Kolìntyàns 9:6

Ghə̀ŋ diʼ kɨ la no ndò a ghə̀ wè to ntèʼ, a ghə̀ lù be pfì to ntèʼ, no ndò a ghə̀ wè no kə ghoʼo, a ghə̀ lù pfì to no kə ghoʼo.

Gàlesìyà 3:17

Mà lə gàʼà ə diʼ la, Nyìngòŋ ə zhɨ̀ məkàyn mù ghʉ kənyʉ̀ fa ambì wenə Ablaham, ko ghə̀ zizi ghə̀ lu ə faŋ ke nè. Mibu və sə shɨtə Əsoʼ na ghenə, mu ngʉ̀ʼsə cho li əghɨ kàʼ nə̀ ngʉʼsə məwumə ə ntàʼ a və zhɨ məkàyn, Əsoʼ na yì ə zizi ko ghə̀ lu be tensə məkàyn na mèyn be tensə kənyʉ̀ ken a Nyìngòŋ ə nghʉ lə̀.

Gàlesìyà 5:3

Ma be shɨtə shə̀ʼtə̀ to no shə̀ʼtə̀ a ghə̀ŋ la, no ndò a ghə̀ byɨmə la və shətə ndyə̀ wen, ghə̀ ə kɨ la ghə̀ diʼ ə ghʉ no tə Əsoʼ tə tsèm.

Efisyàns 1:22

Nyìngòŋ ə kuli fo ə tsèm a wen kəvu ə be ghʉ wen la ghə̀ ndiʼ kətʉ kə nyʉ̀ ə tsèm a ngə̀ŋ Nyìngòŋ.

Efisyàns 4:22

Və ə nziʼi la ghə̀ŋ maʼa ntsìnə̀ ə mu ə ghə̀ŋ byìʼì ando təkwòʼtə̀ tə byɨtə ə ghə̀ŋ titə a tə tə nè ghə̀ŋ nè to ənyʉ̀ byɨvə li ə ntenə ghə̀ŋ a kù.

Kòlòsyàns 2:18

Kə ghə̀ŋ moʼtə wìʼ gàʼ a ghə̀ŋ la ghə̀ŋ shiʼsə təwenə təŋtə a nse be gumlə ətsɨŋsə Nyìngòŋ, a bwen ali a ghə̀ŋ a gho əmòʼtə ə ghenə. Vəwenə nə̀ kumə gàʼa la nyʉ̀ ə venə ə fʉ a vəwenə alə to sə a tsi jòmsə, kwòʼtə̀ ə vəwenə diʼ to əkwoʼtə ə byɨghə ne vəwenə ghaŋsə əwen to kədyàŋ.

Kòlòsyàns 2:4

Ma gaʼa nyʉ̀ venə a ghə̀ŋ, ndiʼ və ne kə no to wìʼ lù lobtə ghə̀ŋ nə̀ gaʼa ə fwomə ghə̀.

1 Tèsàlonyà 4:6

Ma gaʼa la kə wìʼ na nè kənyʉ̀ kəbyɨkə a lèmə̀ wen no faphen. Yes sə diʼ mù yesə ngaʼa li nyʉ̀ venə a ghə̀ŋ ə sə be gàʼa luwen no nə̀ kədyòʼ kə la, Bobo lu ku ngəʼ a viʼi vyi a və tsi ntsìnə̀ ə byɨ na ghèn,

1 Timotì 5:21

Mà gàʼà à wù no nə̀ kədyòʼ kə, a ashɨ ə̀ Nyìngòŋ nə̀ Yesò Klistò nə̀ ntsɨ̀ŋ shisə a Nyìngòŋ tsuʼtə la, wù shɨtə ghaʼ əghʉ ənyʉ̀ a venə a mà gàʼa a wù lə̀. Wù sə ə ne ənyʉ̀ a venə, kə wù ə ne to viʼi vətsenvə ghʉsə vətsevə.

1 Timotì 6:13

Mà jɨ̀mə̀ la Nyìngòŋ yì a ghə̀ nè la əfo ə tsèm ə ndìʼ nə̀ Yesò Klistò yi a ghə̀ ntɨmə ashɨ nə̀ Bontiyùs Bilate ə gàʼ nəmwèʼè ə diʼi byɨmə əwen, la vəwenə ə ntì a nə̀ ncho nsoʼ a nyʉ̀ a venə.

2 Timotì 4:1

Yesò Klistò lu vi to nə̀ fòyn ə soʼ viʼi vyi a və bu tsi nə̀ vi a və pfʉkə li. Byìʼì wokenkə, mà sə gàʼa à wù no nə̀ kədyòʼ kə, ashɨ nə̀ Nyìngòŋ nə̀ Yesò Klistò la,

1 Bità 1:18

Ghə̀ŋ kɨli la Nyìngòŋ ə loʼ li shisə ghə̀ŋ fa ntsìnə̀ ə mu yi a vətiʼi və vəghəŋ ə ntsi. Nyìngòŋ ə nko ə zen ghə̀ŋ nə̀ kəfo kə to nə̀ əko mu ghə̀ zizi ghə̀ byɨf.

2 Bità 2:18

Vəwenə ə ghaŋsə wèn gàʼà no nànto be gàʼà gaʼa ə kənkoyn, lobtə viʼi vyi a və sə nyɨŋ fʉ̀ vi fa a ntìntìn ə̀ viʼi vyi a və ko kɨ ji Nyìngòŋ, kəŋ la viʼi a vyi vi ə tsèntə vəwenə, wenə vəwenə ə nè nyʉ̀ vyi a njòsə əwen ə̀ vəwenə sə kòŋ.