Efisyàns 4:15 - The New Testament in the Babanki language

¹⁵ vəghəŋ ə boŋsə gaʼa to nəmwèʼè diʼi kòŋ a viʼi vətsèm, vəghəŋ a kwi to ji sə tsèm ə ndiʼ ando Yesò Klistò yi a ghə̀ diʼi kətʉ kə vəghəŋ.

Efisyàns 4:15 ပူးပေါင်းရင်းမြစ်များ

Joyn 1:47

Yesò yen to ando Nàtanyèl ə vi ə gàʼ la, “A diʼ to no nkàyntə mbwìnə̀ Islel a ghə̀ vi lə. Ghə̀ gàʼa to nəmwèʼè.”

Lumans 12:9

Ghə̀ŋ sə nkòŋ viʼi, ghə̀ŋ ə nsùtə̀ kòŋ no nkayn, kə ghə̀ŋ a lobtə lobtə. Ghə̀ŋ ə mbàynə̀ mbyɨ, shɨtə ghaʼ ə nyʉ̀ ə jùŋə və.

1 Kolìntyàns 11:3

ali ma kəŋ la ghə̀ŋ ə kɨ la, Yesò diʼ kətʉ̀ kə lʉ̀mə vətsèm, wulɨm diʼ kətʉ̀ a wì wen, Nyìngòŋ ə diʼ kətʉ̀ a Yesò.

2 Kolìntyàns 4:2

Yès ə tensə li no nyʉ̀ ə kətʉ kədiʼkə nò tsèm vyi a və nyoʼtə nè. Yès ko lobtə wìʼ, ko yès kaʼsə kənyʉ̀ kə Nyìngòŋ. Yès ə boŋsə gaʼa to kənyʉ̀ kì a kə diʼ nəmwèʼè ashɨ Nyìngòŋ, ə diʼi nəmwèʼè a viʼi la yès diʼ tò nò viʼi və juŋəvə.

2 Kolìntyàns 8:8

Ma ko gaʼa alə la ma ku a nə̀ əsoʼ. Ali ma kəŋ diʼ ji a wenə viʼi vətsevə fwomə vəwenə kəŋ gyàmtə̀, ndiʼ ma kɨ la əkòŋ ə ghə̀ŋ diʼ nəmwèʼè mu lo.

Efisyàns 1:22

Nyìngòŋ ə kuli fo ə tsèm a wen kəvu ə be ghʉ wen la ghə̀ ndiʼ kətʉ kə nyʉ̀ ə tsèm a ngə̀ŋ Nyìngòŋ.

Efisyàns 1:4

Nò tèbe mibu Nyìngòŋ nsə shɨtə mbyi mu ghə̀ ntsuʼ li vəghəŋ byìʼì ando vəghəŋ ə ndiʼ a kənyʉ̀ kə mùʼ vəghəŋ və Klistò la vəghəŋ lu ndiʼ viʼi vəlaynəvə, ko andiʼ la və kiʼi ə mbyɨ ashɨ Nyìngòŋ.

Efisyàns 2:21

A diʼi wen yi a ghə̀ ghaʼa ngə̀ŋ a ghèn, Ghə̀ŋ ne kuʼu a kaŋ a ngə̀ŋ ə ghoʼo ə Bobo.

Efisyàns 4:25

Kə le diʼ luwen la ghə̀ŋ diʼ ə maʼa ndzɨ̀ŋsə, no ndo ə ngàʼà to nəmwèʼè a lèmə̀ wen byìʼì ando vəghəŋ və tsèm diʼi to nə̀ viʼi a və tsèntə sə diʼ to əwènə mùʼ.

Efisyàns 5:23

Byìʼì ando wulɨm diʼ alə̀ diʼ kətʉ a wi wen to ndə̀ŋndəŋ ndo Klistò ə diʼ kətʉ a ngə̀ŋ Nyìngòŋ a diʼi əwèn ə wen, a diʼ bwòŋsə viʼi.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

1 Bità 2:2

Ghə̀ŋ ə boŋsə diʼ to nə̀ vunə və bwaʼ və, nyʉ̀ʼ no zhʉ̀ko kəŋ ə nyoŋ nkàyntə̀ zhwin, a diʼ kənyʉ̀ kə Nyìngòŋ, ndiʼ ghə̀ŋ faŋ ə kwi to kwi zaʼa fa tʉʼ a ghə̀ŋ lù kiʼi əbwòŋ.

2 Bità 3:18

Ali ghə̀ŋ ə mbòŋsə kwi to kwi a ntìntìn boŋ tyɨm ə Bobo ə Mbwòŋsə̀ vəghəŋ Yesò Klistò be ziʼi ə nkɨ wen. Kuʼsə ə ndiʼ wen luwen, be zaʼa no fa ze. Amèyn.

1 Joyn 3:18

Kə vəghəŋ a ndìʼì əkòŋ tò fa nyʉ̀ a vəghəŋ ə gàʼà a vunə vwomə, alì vəghəŋ diʼ ə ndìʼì əkòŋ a nyʉ̀ a vəghəŋ ə nè bènə̀ a nəmwèʼè.