Efisyàns 4:11 - The New Testament in the Babanki language

¹¹ A ndiʼi wen yi a ghə̀ ə ku məku. Ghə̀ ntsuʼ viʼi vətsenvə ə ghʉ̀ a viʼi ntɨm, ə tsuʼ vətsevə ə ghʉ̀ a nshə̀ʼtə̀sə ghoʼkəsə, ghə ntsuʼ vətsevə ə ghʉ̀ la və ə nshə̀ʼtə̀ kənyʉ̀ kə Nyìngòŋ to ashi ashi ə be tsuʼ vətsevə la və ə ndiʼ nshə̀ʼtə̀sə ngə̀ŋ Nyìngòŋ ə tsuʼ vətsevə a ndìʼsə̀sə.

Efisyàns 4:11 ပူးပေါင်းရင်းမြစ်များ

Matìyò 28:20

ghə̀ŋ nziʼì vəwenə la vəwenə nghʉ nyʉ̀ vyi no tsèm a mà tə̀ gàʼ la ghə̀ŋ nè. Ghə̀ŋ nkɨ la mà ndiʼ vəghəŋ no məzhʉ̀ ntsèm.”

Shwèʼ 13:1

Andìʼ a ntsèntə̀ viʼi vəbyɨməvə a ghə̀ ndiʼ a Antìyòk, viʼi vətsenvə ndiʼ tsu shə̀ʼtə ntɨm Nyìngòŋ, vətsenvə diʼ ndìʼsə̀sə à viʼi vəbyɨməvə. Andìʼ Balnabas nə̀ Simìyòn a və ndzàŋə̀ wen nə̀ Wù Fenə, nə̀ Lusyòs a ghə̀ nlu fa Silen, nə̀ Manen a ghə̀ nkwi wenə̀ gumnà Helòd, bènə̀ Saul.

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Shwèʼ 21:8

Tʉʼ lan, yès lù dyʉ̀ a Sisalìyà ə̀ dyʉ̀ kwèn a ngə̀ŋ wutsen a ghə̀ nshə̀ʼtə̀ ntɨm jùŋ Nyìngòŋ, zhiʼ wen diʼ Filib bè tsì tsu. Ghə̀ ndìʼ wìʼ muʼ fa ntìntìn viʼi vyi a və ntsuʼù a Jelusalèm lì.

Lumans 12:7

Nyìngòŋ ə sətsèn ə ndiʼ mu ghə̀ ku li kədyòʼ la wìʼ ə gyamtə viʼi, ghə̀ ə gyàmtə̀, wìʼ ndiʼ nziʼi, ghə̀ nziʼi to ziʼi.

1 Kolìntyàns 12:4

Tə nkì tə kəku tə diʼ to kədə̀ŋ, alì a ku to Kəzhwì kə Nyìngòŋ.

Efisyàns 2:20

Ghə̀ŋ diʼ ngə̀ŋ mu və bwom a ntsìnə̀ yì nə̀ əziʼi yì a viʼi ntɨm ə Yesò, nə̀ nshə̀ʼtə̀sə ghoʼkəsə ə ziʼi kùmə̀, ngùʼ bù ə ngə̀ŋ a ghèn adiʼ to no Yesò Klistò nə̀ wèn ə wen.

Efisyàns 3:5

A diʼ nyʉ̀ ko andiʼ la Nyìngòŋ ndiʼi li a viʼi ambì. Nyìngòŋ ə lyɨ kəzhwì kə Ŋwoʼkə ə wen ə nè la kə diʼ laynsə nyʉ̀ venə a viʼi ə ntɨm ə wen nə̀ nshə̀ʼtə̀sə.

Efisyàns 4:8

To ando və nyoʼ li a Ŋwàʼlə̀ Nyìngòŋ la: “Andiʼ ando ghə̀ bwensə kuʼu akəshi yi a kə ŋaŋtə kwʉʼ, Ghə̀ mphwo nè viʼi a ghə̀ temə zhɨ̀ a ghòŋ, və diʼ to kədə̀ŋ, ghə̀ be gətə məku a viʼi.”

2 Timotì 4:5

Fà wù, wù dìʼ ə ghaʼa wenə wu, ə kwiʼi ətyɨm ə bwəʼ ngəʼ wù ə nshə̀ʼtə̀ dyʉ̀ nə̀ ntɨm ə jùŋ, bè nè ə shwèʼ ə wu no tsèm a nə̀ wù ə shyèʼ ə Nyìngòŋ.

Hibùlù 5:12

Ghə̀ŋ sə diʼ ə ndiʼ luwen mu ghə̀ŋ sə ziʼi viʼi nə̀ kənyʉ̀ kə Nyìngòŋ ali kə bo boŋ wìʼ be ziʼi ghə̀ŋ nə̀ nyʉ̀ ə mbì vyi a ghə̀ŋ, a ghə̀ŋ diʼ zhʉ kumə kənyʉ̀ kə Nyìngòŋ. Ghə̀ŋ bo diʼ to ə nyoŋ zhwin to nə̀ vunə və bwaʼvə. Ghə̀ŋ ko təmə ə kwʉ̀ʼ nzhɨ̀ əfo ə zhivə ə tovə.

Ŋwàʼlə̀ Jud 1:17

Alì, à diʼ fa ghə̀ŋ a ndoŋ shomsə jùŋ sə, ghə̀ŋ diʼ ə bwensə ə kwòʼtə̀ nyʉ̀ vyi a viʼi ntɨm ə Bobo vəghəŋ Yesò Klistò ə ngaʼa li la və lu kwʉ̀ʼ.

Kəmwetə 18:20

“Ghə̀ŋ vi a ghə̀ŋ ə tsi a kàŋ, ghə̀ŋ ə nsaŋlə̀. Ghə̀ŋ ə nsaŋlə̀ a viʼi Nyìngòŋ nə̀ viʼi ə ntɨm nə̀ nshə̀ʼtə̀sə sə̀ ghoʼkəsə byìʼàndo Nyìngòŋ ə sisə li kənyʉ̀ a ghə̀ ə̀ ne à ghə̀ŋ.”

Kəmwetə 21:14

Ghə̀ ndiʼ mu və bwòm a kwi əkɨ ə ngə̀ŋ njʉ̀sə̀ bò, a diʼ no kəchɨ kə ngə̀ŋ kə kò mu və nyòʼò li zhiʼ ə wù ə ntɨm tsu, a diʼ viʼi vyi a və shyèʼ a We Njɨ̀.