Efisyàns 3:9 - The New Testament in the Babanki language

⁹ be shə̀ʼtə̀ diʼ laynsə ji yì a shwèʼ ə kaynə ghə̀ Nyìngòŋ a ghenə nə̀ jèʼe fa tsù a no ndò. Nyìngòŋ yi a ghə̀ shɨtə əfo ə tsèm ə nko ndiʼi a no wìʼ fa viʼi ambì.

Efisyàns 3:9 ပူးပေါင်းရင်းမြစ်များ

Matìyò 10:27

Ma nyoʼtə gàʼa kənyʉ̀ a ghə̀ŋ luwen, ghə̀ŋ lu gàʼ a ndayn a viʼi, ə tsèmtə tsèmtə, ghə̀ŋ lu fʉ soʼo a woŋ.

Matìyò 13:35

Ghə̀ ə̀ nè alə̀ ndi nè la nyʉ̀ vyi a Nyìngòŋ ngaʼà chò fà nshə̀ʼtə̀ ghoʼo ndiʼ nəmwèʼè la, “Mà lu ngàʼà à vəwenə a ngàynsə. Mà lu nshə̀ʼtə̀ nyʉ̀ à vəwenə a wìʼ nko ntɨmə̀ kɨ no fa tʉʼ a və nshɨtə mbi.”

Matìyò 25:34

A dìʼ a zhʉ a yì a fòyn a gàʼ à viʼi kənyʉ̀ kə tɨmə kə vi a və ti à wen a shyə kwoŋ toghə la, ‘Ghə̀ŋ venə a Tìʼ ghomə bwaʼsə li lə̀, ghə̀ŋ kwen vì ə̀ nzhɨ njùŋ yì a ghə̀ nshɨtə li ghʉ̀ a ghə̀ŋ fa kənzìtə̀ kə mbi,

Matìyò 28:19

Ghə̀ŋ dyʉ̀ lì à viʼi no a təloʼ tətsèm shəʼtə̀ ntɨm jùŋə ghom à vəwenə ndi vəwenə byɨmə ə̀ dzɨ̀mtə̀ mò, ghə̀ŋ ku mu à vəwenə a zhiʼ Tìʼ nə̀ wàyn bènə̀ kəzhwì kə ŋwoʼkə,

Ŋwàʼlə̀ Luk 24:47

bènə̀ la və a shə̀ʼtə̀ kənyʉ̀ kə Nyìngòŋ ndì viʼi wen azhiʼ no tə loʼ tə̀tsèm əzìtə̀ fa Jelusalèm Nyìngòŋ lyesə ku mbyɨsə vəwenə.

Joyn 10:30

Yo Tiʼi ghom diʼ to kənyʉ̀ kə mùʼ.”

Joyn 5:17

Yesò ə gàʼ a vəwenə la, “Tìʼ ghom ənè ə shwèʼè wen no məzhʉ̀ ntsèm, nkàyntə̀ mò diʼ be ə nshwèʼè tò alì.”

Joyn 5:19

Yesò ə mu bwensə gàʼ a vəwenə la, “Ma gaʼa a ghə̀ŋ to no nəmwèʼè la, Wàyn zizi ko ghə̀ lu nè kənyʉ̀ fa wen a ngeŋ, ghə̀ zizi ghə̀ nè to kənyʉ̀ kì a ghə̀ yen nə̀ to ando Tìʼ ə wen ə nè. Byìʼàndo no gho a Tìʼ ə nè, Wàyn be diʼ ə nè to kəwenkə.

Shwèʼ 15:18

Ghenə diʼ gaʼa Bobo a ghə̀ ne li la viʼi kɨ nyʉ̀ avenə no fà kəghaf.’”

Lumans 11:25

Kənyʉ̀ kə lyomtəkə kə tsen kə diʼ a ma kəŋ la ghə̀ŋ kɨ a vəlemə vwomə ndi kə nè ko ghə̀ŋ be ghaŋsə əwen. Kənyʉ̀ na kì ə diʼi la viʼi Islel vətsenvə diʼ luwen, to kətʉ ali diʼ ə na ə kwitə ə byɨmə azhʉ̀ a viʼi ətɨm vi a Nyìngòŋ ə tsuʼ tə ə byɨmə li mwetə.

1 Kolìntyàns 2:7

Ətof yì a yès gàʼà kumə lì diʼ ətof ə lyomtə ghə̀ Nyìngòŋ, mu və lyomtə li fa viʼi. Nyìngòŋ ə nghʉ̀ li mibu ghə̀ shətə mbyi ghèn la, ətof na yi ə lu nè vəghəŋ ə laynə to nə̀ Yesò.

Efisyàns 1:4

Nò tèbe mibu Nyìngòŋ nsə shɨtə mbyi mu ghə̀ ntsuʼ li vəghəŋ byìʼì ando vəghəŋ ə ndiʼ a kənyʉ̀ kə mùʼ vəghəŋ və Klistò la vəghəŋ lu ndiʼ viʼi vəlaynəvə, ko andiʼ la və kiʼi ə mbyɨ ashɨ Nyìngòŋ.

Efisyàns 3:2

Ma kɨli la ghə̀ŋ zhʉ̀ li ando Nyìngòŋ ə ndiʼ ətyɨm ə jùŋə a mò ə ku shwèʼ a ghenə la mà ne a ghə̀ŋ, a ghə̀ŋ njùŋ.

Efisyàns 6:19

Ghə̀ŋ ə njɨ̀mə̀ a mò la Nyìngòŋ əku kənyʉ̀ ə ma shə̀ʼtə̀ a zhʉ a ma kəŋ ə gaʼa, ma kɨ kənyʉ̀ ki a ma zi mà gàʼ, la ma sə shə̀ʼtə̀ ntɨm ə jùŋ yi a viʼi ko kɨ ma nshə̀ʼtə̀ ko ma fwàynə̀ kəfo.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

Kòlòsyàns 1:26

Ntɨm ə jùŋə yi a Nyìngòŋ ə ndiʼ mu ghə̀ lyomtə li fa viʼi fa ambì no vətsèm, ali ndiʼi luwen a viʼi wen.

Kòlòsyàns 3:3

byìʼì ando ghə̀ŋ sə diʼ mù ghə̀ŋ pfʉ li, və lyomtə ə ntsìnə̀ ghə̀ŋ vye və Yesò yi a ghə̀ diʼi wenə Nyìngòŋ amuʼ.

Kòlòsyàns 4:3

Ghə̀ŋ be njɨ̀mə̀ a yes la, Nyìngòŋ ə nè yes kɨ jisə ə shə̀ʼtə̀ ntɨm ə jùŋ kumə ənyʉ̀ ə tò və vi a Nyìngòŋ ə diʼi làynsə a yes kumə Yesò. Ma diʼ a ngə̀ŋ nfɨŋ byìʼì ntɨm ə jùŋ na ghèn a ma shə̀ʼtə̀ lə.

2 Tèsàlonyà 2:13

Yès diʼ ku kəzòŋ a Nyìngòŋ to məzhʉ̀ ə tsèm byìʼì ghə̀ŋ ə vəlemə. Bobo kòŋ li ghə̀ŋ, ghə̀ŋ sə diʼ a nòyn ə̀ viʼi vyi a ghə̀ ə̀ ntsuʼ no fa kəzìtə̀ ə bwoŋsə chò fa əshyèʼ yi a kəzhwì kə Ŋwoʼkə ə nè ə ghʉ̀ ghə̀ŋ ə laynə ə be chò fa əbyɨmə yi a ghə̀ŋ kiʼi kùmə̀ nyʉ̀ vyi a və diʼi nəmwèʼè.

1 Timotì 3:16

Kə diʼ tò no nəmwèʼè la byɨmə ə vəghəŋ ə kiʼ kənyʉ̀ kə lyomtəkə la Nyìngòŋ diʼi laynsə, kə ghoʼo nò alə: Klistò ə nlu li vi ə lyɨ̀ əwen wìʼ, kəzhwì kə Ŋwòʼəkə diʼi la ghə̀ diʼ a nkàyn ashɨ ə Nyìngòŋ, Ntsɨŋsə Nyìngòŋ yenə wen, və ziʼi ənyʉ̀ byìʼì wen a təloʼ tə tsèm, viʼi mbyi byɨmə à wen, Nyìngòŋ lyɨ̀ kuʼ nə̀ wen a kàŋ.

2 Timotì 1:9

Nyìngòŋ ə mbwòŋsə̀ li vəghəŋ ə ne la vəghəŋ ə ndìʼ viʼi wen. Ghə̀ nko ne alə byìʼì ando vəghəŋ ə nè kənyʉ̀ kə jùŋ kə kətsenkə à wen. Ghə̀ ne a lì tò fa wen a ngeŋ byìʼì ətyɨm ə jùŋə̀ ghə̀. Ghə̀ ghʉ̀ kənyʉ̀ a kenkə mimbu no mbyi sə zìtə̀, la ghə̀ lu ne ənyʉ̀ a venə əcho fa Yesò Klistò ə diʼ ətyɨm ə jùŋ ghə̀ ə̀ wen.

2 Timotì 4:17

Bobo ə nlu li tɨmə ə tomsə mò la ə mà kiʼi kədyòʼ ə shə̀ʼtə̀ mwetə ntɨm ə jùŋ à viʼi ətɨm vətsèm. Ghə̀ mbè ə bwòŋsə̀ mò fa kəvu ə pfʉ.

Taytùs 1:2

Jì nəmwèʼè aghèn ə nè la vəwenə nkɨ nəmwèʼè la Nyìngòŋ lu nè vəwenə kiʼi əbwòŋ yi a ghə̀ ko lu mè. Nyìngòŋ ko nə̀ nzhò ndzɨ̀ŋ. Əbwòŋ aghenə diʼ mu à nghʉ̀ Nyìngòŋ mibu mbi sə zìtə̀.

1 Bità 1:20

Nyìngòŋ ə diʼ mù ghə̀ ntsuʼ li wen ə ghʉ̀ mibu fa tʉʼ ghə̀ shɨtə mbi, ə sə diʼ mù ghə̀ diʼi li wen a mətsi mə kəmwètə a ghə̀ŋ a jùŋ.

Kəmwetə 13:8

No viʼi vətsèm vi a və̀ntsi a nse ə̀ ndiʼi nghoʼsə̀ wen, andiʼ viʼi vyi a və nko ə̀ nyòʼ təzhiʼ tə vəwenə mibu mbi sə zìtə̀, a ŋwàʼlə̀ ə̀bwòŋ ə̀ wàyn bi ənjɨ̀ yì a və̀ nshyə lì.

Kəmwetə 14:6

Fà yì a bàm, mà bè yèn ətsɨ̀ŋ ngə̀ŋ ə̀ Nyìngòŋ tsen ghə̀ tàynə̀ chò no fa kàŋ kiʼ ətɨm ə jùŋ a ghə̀ ə diʼì tò nəmwèʼè no mətsi ntsèm əshə̀ʼtə̀ à viʼi vyi a və diʼì a nse. Ghə̀ dìʼ əshə̀ʼtə̀ ntɨm ayì à viʼi təloʼ tətsèm nə̀ à ngwàʼsə sə̀tsèm, nə̀ à viʼi təgàʼ tətsèm bènə̀ à no ndò a ghə̀ tsi a nse.

Kəmwetə 17:8

Nyàm ghèn a wù ə yenə lə̀ ə̀ ndìʼ to alì ghə̀ sə̀ diʼ mu ghə̀ pfʉ li. Ghə̀ diʼ ne fʉ̀ ə kuʼ fa nkwòŋ yì a ghə̀ ə shwemə shiʼi dyʉ̀ tò dyʉ̀ lì ə dyʉ̀ ə və byɨsə wen. Viʼi vi a və nko nyòʼ təzhiʼ tə vəwenə a ŋwàʼlə̀ ə̀bwòŋ mibu və sə shɨ̀tə mbi ne yen nyàm aghèn ə ndiʼ nə̀ əkaynə byìʼàndo ghə̀ tə̀ ndiʼ, ə̀ pfʉ ə be sə diʼ lu bwènə̀ vì.”

Kəmwetə 4:11

“Bobo ə Nyìngòŋ ə̀ yes, wù kwʉʼ li ə və əghoʼsə nə̀ gumlə be bwomsə̀ wù a kədyòʼ a wu kiʼì, byìʼàndo wù ə̀ nshɨtə fò tsèm ə̀ bè ə̀ nè la və ndiʼ ə̀ to.”