Efisyàns 3:19 - The New Testament in the Babanki language

¹⁹ Ghə̀ŋ kɨ la əkòŋ wen ghenə cho li ətof, ndi ghə̀ŋ lywin ə kwʉ̀ʼ ə ntsi ntsìnə̀ Nyìngòŋ to ətsèm.

Efisyàns 3:19 ပူးပေါင်းရင်းမြစ်များ

Matìyò 5:6

Mbwaʼmə dìʼ a viʼi vyi a və ŋwʉʼ jɨŋsə zafə vəwenə, ndòŋ vəwenə be zɨmtə̀ tò la vəwenə ne kənyʉ̀ kì a Nyìngòŋ kəŋə byiʼàndo Nyìngòŋ lu ku kədyòʼ à vəwenə la vəwenə ne nyʉ̀ a vyi.

Joyn 1:16

A diʼ fa kusə shinsə wen a ghə̀ diʼ no ghoʼ ə ghoʼ, a ghə̀ ne la vəghəŋ sə kiʼi ə mbwaʼməsə to ghayn a ghayn.

Joyn 17:3

Ə kiʼi ntsìnə̀ yì a ghə̀ ko lu mè, a diʼ la, vəwenə na kɨ wù yì a wù diʼ Nyìngòŋ mùʼ yi a ghə̀ diʼ nəmwèʼè, be kɨ Yesò Klistò yi a wù tɨmə lì.

Lumans 8:35

A zizi a ghəsə no ghò ə gə̀sə̀ vəghəŋ fa kòŋ ə Yesò a? A zizi a gə̀sə̀ ngəʼsə a ghə̀ byɨfə mu, nyʉ̀ ando və to mu, kəghʉ̀ kə vəghəŋ a və tsuʼ mu, jɨŋ a ghə̀ ku vəghəŋ mu, kəfem mu, pfʉ a ghə̀ shwetə vəghəŋ mu, no əpfʉ̀ yì a ghə̀ diʼ lù vi a vəghəŋ mu?

Lumans 8:39

kò à diʼi mbi yì a ghə diʼ akàŋ kò à diʼ yi a kə diʼ a ti ə nse, la no kəfo kə tsenkə zizi ko kə lu ə ghəsə vəghəŋ fa kòŋ yi a Nyìngòŋ ə diʼi li chò fa kənyʉ̀ yi a Bobo vəghəŋ Yesò Klistò ə nè a vəghəŋ.

2 Kolìntyàns 5:14

Yès nè shwèʼè ghenə mu yès zizi ko yès sə lu faŋ ke nè byìʼì ando Yesò ə kòŋ yès. Yès ə kɨ la ghə̀ mpfʉ̀ tò a viʼi vətsèm, kə diʼi la viʼi vətsèm ə lu ə pfʉ̀ boʼsə a wen.

Gàlesìyà 2:20

Və bayntə li mò a kəntò yo Klistò. Mà sə diʼ luwen, ko ma be tsi fa mo a ngeŋ, à sə tsi Yesò a mò tyɨm. Ə ntsìnə̀ yì a ma tsi luwen diʼ byìʼì əbyɨmə yì a ma kiʼi a Wàyn Nyìngòŋ yi a ghə̀ nkòŋ mo ə pfʉ byìʼì mò.

Efisyàns 1:23

Ngə̀ŋ Nyìngòŋ na ghèn diʼ to nə̀ əwenə Yesò. Ngə̀ŋ Nyìngòŋ a ghèn diʼ no nkàyntə̀ Yesò, a ne wen la no tèbe gho ndiʼ, no tèbe fè.

Efisyàns 3:18

Ma jɨ̀mə̀ ndi ghə̀ŋ ə̀ tsèntə tofə kwʉ̀ʼʉ̀ vye viʼi Nyìngòŋ vətsenəvə kɨ la əkòŋ ə Klistò ə ghoʼo to jisə tsèm a ghə̀ ko lu mè.

Efisyàns 5:2

Ghə̀ŋ diʼ ə kòŋ viʼi vətsenvə to məzhʉ̀ ə tsèm to ndə̀ŋndəŋ ando Klistò ə nkòŋ vəghəŋ ə ku wèn ə wen a vəghəŋ akəshi. Ghə̀ nku wenə wen a Nyìngòŋ to ne kəkukə benə offiliŋ a kə nè Nyìngòŋ sə saŋlə no nànto.

Efisyàns 5:25

Ghə̀ŋ kòŋ ki ə vəŋə a lʉmə ndə̀ŋndəŋ ando Klistò ə nkòŋ ngə̀ŋ Nyìngòŋ ə ku wenə wen a pfʉ̀ byìʼì wen.

Filìbàyns 1:7

Mà zizi ko ma lu faŋ ke ə̀ ku to alə kumə ghə̀ŋ və tsèm byìʼì ando ma kòŋ ghə̀ŋ nəkwoŋ. Nyìngòŋ ə tom li kəvu, vəghəŋ sə ə̀ shyèʼ to muʼ, kò ma diʼ a nfɨŋ, kò ma ti nchwò nsòʼ kumə ntɨm ə jùŋ. Nyìngòŋ diʼi li ətyɨm ə jùŋ ghə̀ ə wen a vəghəŋ no vətsèm ando vəghəŋ ə shwèʼ a wen.

Filìbàyns 4:7

Ghə̀ŋ sətsen ənè alə̀, Nyìngòŋ a ku əbwaʼmə a ghə̀ŋ a diʼ mbwaʼmə a ghə̀ cho no ghò, ko no wìʼ zi ghə̀ kwoʼtə. Əbwaʼmə ghèn a nè tətyɨm təŋtə nə̀ təkwòʼtə̀ təŋtə əzhʉtə byiʼə ghə̀ŋ diʼ wenə və Yesò Klistò.

Kòlòsyàns 1:10

Kenkə a ne ghə̀ŋ əntsi ntsìnə̀ yì a Bobo kəŋ, a diʼ yi a ghə̀ ne nsaŋlə to jisə tsèm, ntsìnə̀ na ghèn ne la ghə̀ŋ ne tənki tə shwèʼè tə jùŋ tə tò tətsèm be tuʼtə kɨ wen ə dyʉ̀ nə̀ mbì.

1 Bità 1:8

Ghə̀ŋ nkòŋ wen no tèbe ando ghə̀ŋ ə ko tɨmə yènə wen, ghə̀ŋ be ə byɨmə a wen, ko ghə̀ŋ lu yenə tèbe wen luwen. Ghə̀ŋ ə saŋlə no nànto, a ji ə kaynə ə yì a wìʼ zizi ko ghə̀ lu shə̀ʼtə̀.

2 Bità 3:18

Ali ghə̀ŋ ə mbòŋsə kwi to kwi a ntìntìn boŋ tyɨm ə Bobo ə Mbwòŋsə̀ vəghəŋ Yesò Klistò be ziʼi ə nkɨ wen. Kuʼsə ə ndiʼ wen luwen, be zaʼa no fa ze. Amèyn.