Efisyàns 3:15 - The New Testament in the Babanki language

¹⁵ a diʼ wen yi diʼ Tìʼ ə ngwaʼa ngəŋsə yi a sə diʼ akàŋ be diʼ a nse no sətsèm.

Efisyàns 3:15 ပူးပေါင်းရင်းမြစ်များ

Shwèʼ 11:26

Ghə̀ nè kəŋə wen ə̀ yen, ə̀ lyɨ̀ wen wenə̀ wen dyʉ̀ a Antìyòk ə̀ tsì tsu ngwʉʼ mpfen ziʼì viʼi vəbyɨməvə no vəghoʼo. Andìʼ a Antìyòk a və nzìtə̀ sə toŋtə̀ ndzɨ̀mtə̀sə bàm Yesò nə̀ və Viʼi və byɨməvə.

Efisyàns 1:10

Nyìngòŋ ə ghʉ li la zhʉ lu kwʉ̀ʼ, ə ghə̀ tsentə əfo ə tsèm a kaŋ be boʼsə nə̀ və nse ə ghʉ to a ti əsoʼ ə Yesò.

Efisyàns 1:21

Ghə̀ sə ə nyʉ̀ʼ tsu luwen, soʼo adyòʼ vyi a və diʼ a kàŋ no ə tsèm, vyi a və soʼo. Ghə̀ soʼo adyòʼ no tsèm nè ə fo no tsèm. Ghə̀ kiʼi zhiʼ a chò no tèbe zhiʼ ə kò a viʼi a və soʼo kiʼi a mbyi luwen nə̀ mbyi yì a ghə̀ lu vi.

Efisyàns 3:14

A le kənyʉ̀ kì a kə tə ne ma gwuʼtə̀ alwi ə ghomə ashɨ ə Tìʼ ə sə jɨ̀mə̀ to jɨmə a ghə̀ŋ,

Efisyàns 3:16

Nyìngòŋ kiʼi mbwaʼməsə no nànto. A le kənyʉ̀ kì a ma jɨ̀mə̀ la ghə̀ ku kədyòʼ a ghə̀ŋ ə tətyɨm chò fa wen a kəzhwì,

Kòlòsyàns 1:20

Nyìngòŋ ə bwensə li ə vìsə̀ nə̀ əfo tsèm a kaŋ nə̀ a nse a wenə wen la wenə vəwenə ndiʼi a kənyʉ̀ kə muʼ əcho fa Wàyn wen byìʼì mənlyuŋ mì a ghə̀ nshiʼsə a kəntò. Luwen əfo venə no ətsèm ə sə diʼ nə̀ mbwaʼmə wenə və Nyìngòŋ.

Kəmwetə 2:17

No ndò a ghə̀ kiʼi ətiʼitiʼi, ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə. No ndò a ghə̀ soyn ə̀ zhɨ mbyɨ, mà à kù ə̀fo zhɨvə lyomtəvə tsenəvə à wen a və dzàŋə̀ nə̀ manà. Mà be nè ku ngùʼ fəfə à no ndò mu və nyòʼò li əzhiʼ fighə tsu a no wìʼ ko kɨ əchò to wìʼ a ghə̀ shi ngùʼ ayì.

Kəmwetə 3:12

A lù soyn ə̀ zhɨ̀ tè ndò ə̀ zhɨ ə mbyɨ, mà lù nè ghə̀ ə ndiʼ a nə̀ ntom a ngə̀ŋ ə̀ Nyìngòŋ ghom ko ndiʼ la ghə̀ be a fʉ̀ fa tsu. Mà lu nyòʼ əzhiʼ ə Nyìngòŋ ghom à wen ə wèn ə be nyòʼ əzhiʼ ə ntə̀ʼ ə ghoʼo ə̀ Nyìngòŋ ə̀ ghom à diʼ kəshi a viʼi və byɨmə və no vətsèm ə lu ntsi a kə shiʼi vì fà Nyìngòŋ ə̀ ghom a kàŋ. Mà be lu nyòʼ əzhiʼ ghomə fighə à wen ə wèn.