Efisyàns 2:8 - The New Testament in the Babanki language

^8-9 A diʼ byìʼì ə tyɨm ə jùŋ ghə̀ ə Nyìngòŋ a ghə̀ kiʼi a ghə̀ŋ a ghə̀ ə mbwòŋsə̀ ghə̀ŋ chò fa ghə̀ŋ a əbyɨmə. Ghə̀ŋ nko ne kənyʉ̀ fa ghə̀ŋ a ngeŋsə a kə nè la ghə̀ŋ əbwòŋ. Əbwòŋ ghenə a ghə̀ŋ kiʼi lə diʼ kəku fa Nyìngòŋ. Kə lə diʼi la wìʼ ə zizi ko ghə̀ lu kùm kədyʉ̀ʼ byìʼì kəwenkə.

Efisyàns 2:8 ပူးပေါင်းရင်းမြစ်များ

Matìyò 16:17

Yesò mù gàʼ la, “Mbwaʼmə̀ dìʼ à wù a Simon wàyn Jonà, byìʼàndo a ko shə̀ʼtə̀ Wùmə̀nsòŋ nshyə̀ʼtə̀ kənyʉ̀ kènkə la wu gàʼ a lì, à dìʼ Tìʼ ghom ə Nyìngòŋ yì a ghə̀ diʼì a kàŋ.

Matìyò 20:9

Ghə̀ lòʼ viʼi vi a vəwenə nzìtə̀ shwèʼ a chʉ mpfwomə lì nə̀ ko a və lòʼò shwèʼ tsu a kətsi.

Ŋwàʼlə̀ Mak 16:16

No mə ndò a ghə̀ byɨmə ə̀ shì mu, ghə̀ nè bwòŋ. No ndò a ghə̀ tyenə ke byɨmə Nyìngòŋ lù byɨbsə wen.

Ŋwàʼlə̀ Luk 7:50

Yesò mù gàʼ à wùwì ayì la, “Byɨmə wù bwaʼsəli wù. Pfwo tò nə̀ mbwaʼmə.”

Joyn 3:36

No ndò a ghə̀ byɨmə a wàyn Nyìngòŋ, mu ghə̀ lu kiʼi bwòŋ yi a ghə̀ lu faŋ to ghayn ə mùʼ. Ali no ndò yi a ghə̀ faŋ ke zhʉtə mu ghə̀ lu pfʉ ə lè byìʼì ando tyinə fwi Nyìngòŋ faŋ li to faŋə a wen a kətʉ.”

Joyn 4:10

Ando ghə̀ bèmə alì, Yesò ə mu gàʼ a wen la, “Wu to kɨ fo vyi a Nyìngòŋ ə ku a viʼi be kɨ wìʼ yi a ghə̀ loynə mu mèyn fa wù, mu wù loyn li mu, a kodiʼ mu mə fwàyn, ghə̀ ku a wù.”

Joyn 5:24

“Ma gaʼa a ghə̀ŋ to no nəmwèʼè la no ndò yi a ghə̀ zhʉ kənyʉ̀ ki a ma gaʼa, ə byɨmə a wìʼ yi a ghə̀ tɨmə mo, ne kiʼi bwoŋ yi a ghə̀ faŋ to ghayn ə mùʼ. Və zizi ko və lu be soʼo wìʼ na ghèn. Kə diʼi la ghə̀ chò li fʉ fa pfʉ sə kiʼi ə ntsìnə̀ yi a ghə̀ ko be lu mè.

Joyn 6:35

Yesò ə gàʼ a vəwenə la, “Ma diʼ kəfo kə zhɨkə kì a kə ku ntsìnə̀ a viʼi. A vi no ndò a mò, ko jɨŋ be lu zaf ə wen, mu à byɨmə no ndò a mò, ko ətoŋ a mu lu be zɨmə wen.

Joyn 6:37

Viʼi vyi a Tìʼ ə ghom əku li a mò ne vì a mò. Mà ko lu dzɨ̀m wìʼ a ghə̀ vi a mò,

Joyn 6:40

Tìʼ ə ghom ə kəŋ la no viʼi vətsèm a və yen li mo ə byɨmə a mò lu kiʼi bwoŋ yi a ghə̀ ko lu mè. Mà lu bwènsə̀ lùsə vəwenə fa pfʉ a kətsi kə bàm.”

Joyn 6:44

Tìʼ yì a ghə̀ tɨmə mo faŋ ke ne wìʼ la ghə̀ vì a mò, ko ghə̀ a vì. Ghə̀ sətsen ə vì, mu ma lu bwensə lùsə wen fa pfʉ a kətsi kə ə bàm.

Joyn 6:65

Yesò ə be gàʼ a vəwenə la, à lə kənyʉ̀ kì a ghə̀ tə gàʼa a vəwenə la wìʼ ə zizi ko ghə̀ lu vì a yì, a bwen la à ku Tìʼ wen ku kədyòʼ a wen, la ghə̀ vi.

Shwèʼ 13:39

Kə be dìʼì la no ndò à ghə̀ lyesə wen, ghə̀ à bwòŋsə̀ wen fà wen a nyʉ̀ byɨvə a soʼ Mosìs nko zì ghə̀ bwoŋsə.

Shwèʼ 14:27

Vəwenə nè vì zaʼa a Antìyòk, ə̀ tsèntə̀ nòyn viʼi vəbyɨməvə no tsèm ə̀ shə̀ʼtə̀ nyʉ̀ vyi a Nyìngòŋ ə̀ gyàmtə̀, vəwenə ə̀ nè no tsèm, bè shə̀ʼtə̀ tò ando ghə̀ ku ji la viʼi tɨm byɨmə à Yesò.

Shwèʼ 15:11

Kə ko diʼ a lì byìʼàndo vəghəŋ ə byɨmə la Nyìngòŋ bwoŋsə̀ li vəghəŋ byìʼì boŋə tyɨm ə Bobo Yesò, ndə̀ŋndəŋ ando ghə̀ be bwòŋsə̀ vəwenə tò a lì.”

Shwèʼ 16:14

Andìʼ a tì ki avenə a və mvì zhùŋtə̀ və sə zhʉtə̀ ando Bol gàʼà lì, wùwì tsen diʼ tsu, a zhiʼ wen ndìʼ Lydiyà mu ghə̀ lù fa ntə̀ʼ Tatiliyà. Ghə̀ nè mbaʼlə̀ nə̀ ndisə a ko yi nto no nànto, a be diʼ wùwì a ghə̀ ngumlə̀ Nyìngòŋ. Bobo bòʼtə̀ kwòʼtə̀ wen la ghə̀ ntùʼù zhʉtə̀ nyʉ̀ vyi a Bol ngàʼà lì ə̀ byɨmə nyʉ̀ a vyi.

Shwèʼ 16:31

Vəwenə gàʼ à wen la, “Byɨmə à Bobo Yesò, a Nyìngòŋ a bwòŋsə wù wenə̀ viʼi ngə̀ŋ wù no vətsèm.”

Lumans 10:14

Alì viʼi sətsen ə ndiʼ ko ndiʼ la və byɨmə a wìʼ, və a loynə ə gyamtə fa wen a? Və zizi və byɨmə a wen ale ko ndiʼ la və zhʉ̀ ntɨm kumə wen a? Və zizi və zhʉ̀ ntɨm kumə wen ale ko ndiʼ la wìʼ shə̀ʼtə̀ li a?

Lumans 10:17

Kə le diʼi nəmwèʼè la wìʼ ə byɨmə to azhʉ̀ a ghə̀ zhʉ̀ ntɨmə Nyìngòŋ, wìʼ ə zhʉ̀ to azhʉ̀ a və shə̀ʼtə li ntɨm kumə Yesò a wen.

Lumans 4:16

Kə le diʼi la kənyʉ̀ kəwʉkə na kènkə ə diʼ byìʼì byɨmə yì a Ablaham ə nkiʼi. Nyìngòŋ ə ku kənyʉ̀ kəwʉkə na kènkə to ngwaʼ ngə̀ŋ ə Ablaham no tsèm byìʼì ətyɨm ə jùŋə yi a ghə̀ kiʼi. Ghə̀ ko ku to a viʼi vyi a və wʉ̀ Əsoʼ. Ghə̀ ku a viʼi ətɨm vi a və kiʼi byɨmə ndə̀ŋndəŋ to nə̀ Ablaham byìʼì ando Ablaham ndiʼ tìʼ vəghəŋ və tsèm.

Lumans 4:5

A ne Nyìngòŋ la viʼi və byɨvə ndiʼ viʼi kənyʉ̀ kətɨməkə. Nyìngòŋ nə̀ dyʉ̀ a wìʼ yi a ghə̀ faŋ kò ghə̀ lə ne shyèʼ ali mu ghə̀ byɨmə li kənyʉ̀ ki a ghə̀ ne a wen, ghə̀ lyɨ̀ wen a wù tɨmə byìʼì əbyɨmə ə wen.

Lumans 9:16

Kə le diʼi la à diʼ to kusə shinsə Nyìngòŋ, a kodiʼ byìʼì koŋə ə wìʼ kò byìʼì kənyʉ̀ kə tsen kə ando wìʼ ə nè.

Gàlesìyà 3:14

Klistò ə nè alə ndiʼ mbwàʼsə̀ yì a Nyìngòŋ ə ghʉ li a Ablaham, boŋ ə dyʉ̀ a viʼi a ko diʼ viʼi Jus. Ghə̀ ə nè alə ndiʼ əbyɨmə ə vəghəŋ nè vəghəŋ boŋ kiʼi Kəzhwì kə Ŋwoʼkə na kì a Nyìngòŋ ə nghʉ li.

Gàlesìyà 3:22

Alì Ŋwàʼlə̀ Nyìngòŋ gàʼa la kədyòʼ kə mbyɨ kə diʼ a kətʉ viʼi vətsèm a mbyi. Kə diʼi alə̀ ndiʼ Nyìngòŋ ə ghʉ kənyʉ̀ kə ghʉkə ki a ghə̀ nghʉ, a viʼi vyi a və byɨmə a Yesò Klistò.

Efisyàns 1:19

Ma be jɨ̀mə̀ a ghə̀ŋ la ghə̀ŋ yen ə kɨ kədyòʼ kə kaynə kə kì a Nyìngòŋ ə kiʼi, a diʼ kəwenkə a kə gyàmtə̀ vəghəŋ ə viʼi və byɨməvə. A diʼ to kə kədyòʼ kə ghoʼkə,

Efisyàns 2:10

Vəghəŋ diʼ alə̀ a diʼ kəvu kə shwèʼ ə Nyìngòŋ. A ndo vəghəŋ diʼ a kənyʉ̀ kə mùʼ vəghəŋ və Yesò Klistò, ghə̀ nshɨtə vəghəŋ la vəghəŋ ntsi ntsìnə̀ ə jùŋ yì a ghə̀ nsə diʼ mù ghə̀ ə baʼtə̀ li ghʉ̀ la vəghəŋ ntsi.

Efisyàns 2:5

No tebe ando yes ə ndiʼ sə vəghəŋ ə mpfʉ li byìʼì mbyɨsə vəghəŋ, ghə̀ nku li ntsìnə̀ a vəghəŋ ando vəghəŋ ndiʼ vəghəŋ və Yesò Klistò. Nyìngòŋ ə bwoŋsə ghə̀ŋ byìʼì ətyɨm ə jùŋə yi a ghə̀ kiʼi.

Filìbàyns 1:29

Ma gàʼà alə̀ byìʼì ando Nyìngòŋ ə diʼi li ə tyɨmə jùŋə ghə̀ a ghə̀ŋ ə ne la ghə̀ŋ byɨmə Klistò ə be yènə ngəʼ byìʼì wen.

Kòlòsyàns 2:12

A ndiʼ ndo ghə̀ŋ shi mu, və bvɨmə li ghə̀ŋ və Klistò, vye vəwenə mbwensə li lù fa pfʉ a amuʼ əcho fa byɨmə yi a ghə̀ŋ kiʼi a kədyòʼ Nyìngòŋ ki a kə nlùsə Klistò fa pfʉ.

2 Tèsàlonyà 1:9

Nyìngòŋ ə lu byɨbsə vəwenə ə nè vəwenə kiʼi ngəʼ yì a ghə̀ ko lu mè, ə faŋke ndiʼ tebè akəshi yi a Bobo nə̀ diʼ tsu, ko ghə̀ŋ lu yenə kədyòʼ kə kaynə kə ə wen.

Hibùlù 6:4

Wìʼ sətsèn màʼ əbyɨmə wen ə moʼtə Nyìngòŋ mu ghə̀ zì ghə̀ be bwenə vi a Nyìngòŋ a le? Wìʼ sətsen yen əbayn ə Nyìngòŋ ə be yenə jùŋ yì a ghə̀ kù ə kiʼi Kəzhwì kə Ŋwoʼkə,

1 Bità 1:5

Nyìngòŋ ə kəŋə ghə̀ŋ nə̀ kədyòʼ kì a ghə̀ kiʼi. Ghə̀ ne kəŋə byìʼì ə byɨmə ə ghəŋə, ghə̀ŋ diʼ lù kiʼi əbwòŋ yì a ghə̀ baʼtə̀ li ə lu ku a ghə̀ŋ a ndayn a tʉʼ bàm.