Efisyàns 2:14 - The New Testament in the Babanki language

¹⁴ Byìʼe no nkàyntə̀ Klistò ne wèn ə wen vi li ne mbwaʼmə a vəghəŋ, ə ne la viʼi Jus nə̀ viʼi ətɨm ndiʼ to a kənyʉ̀ kə mùʼ. Ghə̀ tsəʼsə li ghomə yì a ghə̀ tə ə gə̀sə̀ vəghəŋ ne la vəwenə əbyɨfə lì to no nə̀ ə wèn ə wen.

Efisyàns 2:14 ပူးပေါင်းရင်းမြစ်များ

Ŋwàʼlə̀ Luk 1:79

Ghə̀ a ku bayn a viʼi a və ŋwʉʼ a nfɨnə̀, bènə̀ à kəlyɨŋ kə pfʉ ndi be diʼ jì bwaʼmə a vəghəŋ.”

Ŋwàʼlə̀ Luk 2:14

“Vəghəŋ ghoʼsə Nyìngòŋ a ghə̀ diʼi a kàŋ. Mbwaʼmə diʼ a kwi nse a viʼi a ghə̀ kòŋə.”

Joyn 10:16

Ma kiʼi byisə shomsə sətsensə, a sə ko diʼ a mbàyn ashə, ma diʼ vi nə̀ səwensə ali sə zhʉ gɨ̀ ghom ə ndiʼ a nòyn ə mùʼ, be kiʼi to ntsɨ̀ŋ ə mùʼ.

Joyn 11:52

Ghə̀ ko pfʉ to a vəwenə. Ghə̀ ə̀ pfʉ tamə a kətʉ vunə Nyìngòŋ vyi a və ghəsə li ndiʼ vəwenə bwènsə̀ zhùŋtə̀ vi ndiʼ to kənyʉ̀ kə mùʼ.

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Shwèʼ 10:28

Ghə̀ gàʼ à vəwenə la, “Ghə̀ŋ ə kɨ no a nkàyn la soʼ Vəjew ko byɨmə la yès nghayntə viʼi tɨm à vəwenə aloʼ, kò ghə̀ lu mbyɨmə la yès ə njèʼè yo tɨmə a vyi; alì luwèn Nyìngòŋ diʼì li à mò la kə ma dzàŋ wìʼ la ghə̀ ko diʼ wu laynə a jì a ntsìnə̀ lòʼ kəŋ.

Shwèʼ 10:36

Ghə̀ŋ kɨ li kənyʉ̀ byìʼì ntɨm yi a Nyìngòŋ tɨmə̀ à viʼi Islel, adiʼ ntɨm jùŋ yì a ghə̀ vì nə̀ mbwaʼmə̀ əchò fà Yesò Klistò. Yesò aghèn dìʼ Bobo viʼi vətsèm.

Lumans 5:1

Ando Nyìngòŋ ə nlyɨ̀ li vəghəŋ a nə̀ viʼi və tɨməvə byìʼì əbyɨmə ə vəghəŋ, vəghəŋ və Nyìngòŋ sə tsi to no nə̀ mbwaʼmə luwen a ti kədyòʼ yi a Bobo vəghəŋ Yesò Klistò ə ku.

Gàlesìyà 3:28

Nəkwoŋ ko be diʼ fa wù ə Jus wenə wìʼ yi a ko diʼ wù Jus. Nəkwoŋ ko be diʼ fa wìʼ yi a ghə̀ diʼi fa ngeŋ wenə wìʼ yi a ghə̀ diʼi kəkòs, ko ghə̀ diʼ a wùlɨm nə̀ wùwì, byìʼì ando ghə̀ŋ və tsèm sə tsèntə diʼ to kənyʉ̀ kə mùʼ vye və Yesò Klistò.

Efisyàns 2:15

Ghə̀ ntsəʼsə li no təsoʼ tə viʼi Jus nə̀ nyʉ̀ a vəwenə ghʉ no tə tsèm ndi ə fʉsə̀ fa viʼi və bò na venə to wù fi mùʼ a kənyʉ̀ kə mùʼ wenə vəwenə, a ji ghèn nə̀ mbwaʼmə.

Efisyàns 2:17

Kə lə diʼi la Yesò nvi ə shə̀ʼtə̀ ntɨm ə mbwaʼmə a viʼi ə tɨm a və nko boʼsə Nyìngòŋ, nə̀ a viʼi Jus a və boʼsə wen.

Efisyàns 3:15

a diʼ wen yi diʼ Tìʼ ə ngwaʼa ngəŋsə yi a sə diʼ akàŋ be diʼ a nse no sətsèm.

Efisyàns 4:16

Klistò tsentə li viʼi a kənyʉ̀ kə mùʼ ando əbàs wen ə tsèm ə diʼ a kənyʉ̀ kə mùʼ, no tèbe zhuŋ ə kò a wen ə gyamtə ə ghaʼ to əwen ə tsèm. No tèbe əshyə ə kò ne shwèʼè to ando ghə̀ diʼ ə nshwèʼè, əwèn ə tsèm ə sə kwi be shɨtə totə. Adiʼ ji a ntsèntə̀sə viʼi vəbyɨməvə diʼi ndiʼ a zhʉ a vəwenə ə kòŋmə təwentə vəwenə.

Kòlòsyàns 1:20

Nyìngòŋ ə bwensə li ə vìsə̀ nə̀ əfo tsèm a kaŋ nə̀ a nse a wenə wen la wenə vəwenə ndiʼi a kənyʉ̀ kə muʼ əcho fa Wàyn wen byìʼì mənlyuŋ mì a ghə̀ nshiʼsə a kəntò. Luwen əfo venə no ətsèm ə sə diʼ nə̀ mbwaʼmə wenə və Nyìngòŋ.

Kòlòsyàns 2:20

Ghə̀ŋ sə diʼ to sə ghə̀ŋ və Klistò pfʉ li amuʼ zhwi vi a və soʼo mbi li ko be kiʼi kədyòʼ a ghə̀ŋ kətʉ. Kə le diʼ alə̀, ghə̀ŋ sə bo ghʉ̀ to təsoʼ tə mbi to nə̀ viʼi mbyi byìʼì ghò?

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.

Kòlòsyàns 3:15

Ghə̀ŋ moʼtə mbwaʼmə yì a Yesò ku ghə̀ tisə təkwòʼtə̀ təŋtə, ə dzàŋ ghə̀ŋ la ghə̀ŋ fʉ̀ vi ə diʼ a wenə ə mùʼ, kiʼi mbwaʼmə be ku kəzòŋ a wen.

Hibùlù 13:20

Ma jɨ̀mə̀ la Nyìngòŋ ghə̀ŋ a ghə̀ kù mbwaʼmə a viʼi, ku no tèbè gho ə jùŋ a ghə̀ŋ ndiʼ ghə̀ŋ kɨ ə nè no tèbe ghò na yi a ghə̀ kəŋ. A diʼi wen a ghə̀ ə̀ nlùsə Bobo vəghəŋ Yesò fa pfʉ, Yesò ghèn diʼ ntsɨŋ byisə ə ghoʼo luwen byìʼì məkàyn mì a mə fàŋ li to ghaynə əmùʼ. Ghə̀ nchiʼ məkàyn na mèyn nə̀ mənlyuŋ mə wen. Ma jɨ̀mə̀ la Nyìngòŋ ə nè kənyʉ̀ ki a kə kwʉ̀ʼ a wen a ghə̀ŋ wèn chò fa a Yesò Klistò. Əkuʼsə ndyʉ̀ a wen to məzhʉ̀ ntsèm. Amèyn.

Hibùlù 7:2

Ablaham ə ntsentə li əfo vyi a ghə̀ kiʼi fa ghòŋ ə gə̀tə̀ əshi əwùm ə ku kəshi kə mùʼ fa tyi shi ə wù na vyi a Mèlìkisedèk. Əzhiʼ ə wen ghenə la Mèlìkisedèk ndiʼ a gàʼà Hibùlù la, “Fòyn Kənyʉ̀ kətɨməkə.” Ghə̀ ndiʼ fòyn Salèm, Salèm diʼ a gaʼa Hibùlù la, “mbwaʼmə.” To ando ghə̀ ndiʼ fòyn nə̀ Salèm kə lə diʼi la ghə̀ ndiʼ Fòyn mbwaʼmə.