Efisyàns 2:11 - The New Testament in the Babanki language

¹¹ Ghə̀ŋ vyi a ghə̀ŋ ko diʼ viʼi Jus fa bwi, kə ghə̀ŋ lyesə viʼi a ghə̀ŋ ndiʼ vəwenə fa ambì. Ghə̀ŋ diʼ viʼi ətɨm fa bwi, viʼi Jus toŋtə ghə̀ŋ la, “Viʼi vyi a və ko shɨtə ndyə̀ ə vəwenə,” toŋtə təwen tə vəwenə la, viʼi vyi a və shɨtə li ndyə̀ ə vəwenə. Vəjew ə ngàʼà tebe alə̀ ko andiʼ la a shɨtə Nyìngòŋ, a shɨtə to viʼi nə̀ avu.

Efisyàns 2:11 ပူးပေါင်းရင်းမြစ်များ

Matìyò 20:7

Vəwenə gàʼ la,“A dìʼ byìʼàndo wìʼ ko yì lyɨ̀ yès a shwèʼ. Ghə̀ gàʼ à vəwenə la vəwenə fʉ shwèʼ a wen ə sɨm yì.”

Lumans 11:17

Ghə̀ŋ viʼi ətɨm diʼ alə̀ to nə̀ təntam tə fəkoʼ a fə tə kuʼ, və kwàʼtə̀ vi ə zhùŋtə̀, ə sə kwi a fəkoʼ a və we. Ghə̀ŋ sə diʼ luwen, zhɨ̀ əfo ə zhɨvə vi a fəkòʼ fə zhɨtəfə na fenfə ə zhɨ̀, be boŋ kiʼi aghaŋ yi a fə kiʼi.

Lumans 2:26

Kə le diʼi la wìʼ ə sətsen ə nzhʉ Əsoʼ ko andiʼ la və shətə li ndyə̀ wen, kə a ndiʼi to la və shətə li.

Lumans 2:27

Wù kətɨm sətsèn ə ndiʼ ko andiʼ la və shətə li ndyə̀ wen to nə̀ avù ali ghə̀ zhʉ to fa Əsoʼ, ghə̀ lù soʼ byɨbsə ghə̀ŋ vi a və shətə li və mbe nyòʼ ku Əsoʼ a ghə̀ŋ, ali ko ghə̀ŋ lu zhʉ byɨmə.

1 Kolìntyàns 12:2

Ghə̀ŋ kɨli la a ndiʼ ando ghə̀ŋ bo bu ko ghə̀ŋ lu tɨmə diʼ viʼi və byɨməvə, və nlobtə ghə̀ŋ, lyɨ dyʉ̀ nə̀ ghə̀ŋ a nshəʼsə, a və ko gàʼà.

1 Kolìntyàns 6:11

Viʼi vətsenvə fa ghə̀ŋ a ntìntìn ndiʼ to lə, ali luwen sə diʼ mù və shʉ li mbyɨ shəŋsə ə ne ghə̀ŋ sə laynə, ə be nè ghə̀ŋ sə diʼ viʼi kənyʉ̀ kətɨməkə a shɨ ə Nyìngòŋ. Ənyʉ̀ a venə ə̀ diʼ mu və fʉ̀ byìʼì kədyòʼ kə Bobo Yesò Klistò mu à nè Kəzhwì kə Nyìngòŋ a vəghəŋ.

Gàlesìyà 2:15

“Vəghəŋ no fa vəghəŋ a ngeŋ diʼ viʼi Jus to no ando və mbwi vəghəŋ, ko ndiʼ la vəghəŋ diʼ viʼi kətɨm vi a və gàʼà la à diʼ viʼi nyʉ̀ ə byɨvə,

Gàlesìyà 6:12

Viʼi vyi a və soʼ ghə̀ŋ la və shətə ə ndyə̀ ghə̀ŋ diʼ viʼi a və kəŋə ə ndiʼi əwen la vəwenə diʼ a nkayn. Vəwenə ne alə byìʼì ando vəwenə ə fwàynə̀ la vəwenə sətsen ə ziʼi la viʼi diʼ bwòŋ byìʼì əpfʉ̀ ə Klistò a kəntò, viʼi a ntsuʼ kəghʉ kə vəwenə.

Efisyàns 2:2

Ghə̀ŋ ə ntsi to a mbyɨsə a sensə ando ghə̀ŋ mbo dzɨ̀mtə̀ nyʉ̀ ə mbyi, zhʉ to fa fòyn yi a ghə̀ soʼo əzhwì byɨvə vyi a və chò fa kàŋ, a diʼ kəzhwì kì a kə tisə viʼi vyi a və ko zhʉtə fa Nyìngòŋ.

Efisyàns 5:8

Ghə̀ŋ diʼ alə̀ mu ghə̀ŋ ə ndiʼ ati kəbəŋ kə fenəkə to nə̀ viʼi a venə, ali ando ghə̀ŋ sə diʼ vye və Nyìngòŋ luwen, ghə̀ŋ sə diʼ a tyi kəbəŋ kə baynəkə. Ji a ghə̀ŋ ə tsi luwen diʼi ndiʼ to nə̀ vunə kəbəŋ kəbaynəkə.

Filìbàyns 3:3

A dìʼ nə yes a yes ə kuʼsə to a ji kəzhwì kə Nyìngòŋ kə tisə yes fa tsu, à diʼ yes a və shətə li ndyə̀ yes nəmwèʼè. Yes ə tsi to kənyʉ̀ a Yesò Klistò ə ne li a yes. Kèn la yes ə choʼsə la wìʼ zi ghə̀ gyamtə yes.

Kòlòsyàns 1:21

Ghə̀ŋ kɨli la à ndiʼ fa ambì, ghə̀ŋ ti kəghaf fa Nyìngòŋ, ka wè vəwenə fʉ a kayn byiʼə ghə̀ŋ ə kiʼ əkwoʼtə ə əbyɨghə be ne nyʉ̀ ə byɨvə,

Kòlòsyàns 2:11

Və nshɨtə li ghə̀ŋ ando ghə̀ŋ nsə diʼ a kənyʉ̀ kə mùʼ vye vəwenə. Əshɨtə na ghenə ko diʼ yi a viʼi nə̀ shɨtə ne kəvu kə. A diʼ yi a Klistò ə shɨtə, ə shisə ətyɨm ə byɨghə fa ghə̀ŋ wen.

Kòlòsyàns 2:13

A ndiʼ fa ambì, ghə̀ŋ ndiʼ mù ghə̀ŋ phɨkə li a ghə̀ŋ a mbyɨsə, be diʼ ko andiʼ la və shisə ətyɨm ə byɨghə yi a ghə̀ŋ nkiʼi. Nyìngòŋ ə nè li ghə̀ŋ və Yesò ə bwènsə̀ lù ə sə tsi. Ghə̀ lysə li ku nyʉ̀ ə byɨvə ə vəghəŋ to ə tsèm,

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.