Efisyàns 1:23 - The New Testament in the Babanki language

²³ Ngə̀ŋ Nyìngòŋ na ghèn diʼ to nə̀ əwenə Yesò. Ngə̀ŋ Nyìngòŋ a ghèn diʼ no nkàyntə̀ Yesò, a ne wen la no tèbe gho ndiʼ, no tèbe fè.

Efisyàns 1:23 ပူးပေါင်းရင်းမြစ်များ

Joyn 1:16

A diʼ fa kusə shinsə wen a ghə̀ diʼ no ghoʼ ə ghoʼ, a ghə̀ ne la vəghəŋ sə kiʼi ə mbwaʼməsə to ghayn a ghayn.

Lumans 13:5

Kə lə diʼ la no ndo diʼ ə nzhʉ fa viʼi a və soʼo, a ko diʼ to byìʼì ando ghə̀ fwaynə la Nyìngòŋ ə zizi ghə̀ ə fwisətin a wen ali byìʼì ando ghə̀ kɨli fa wen a tyɨm la kə bòŋ ə ghə̀ nè alə̀.

1 Kolìntyàns 12:6

Jisə shwèʼ sə diʼ to kədə̀ŋ, alì Nyìngòŋ yi a ghə̀ diʼi jisə na shisə sətsèm a viʼi vətsèm diʼ to əmùʼ

1 Kolìntyàns 15:28

Nyìngòŋ ə lu ghʉ̀ mwetə no əfo ə tsèm ati əsoʼ ə Yesò, ə Yesò fa wen a ngəŋ mu ghʉ̀ wèn ə wen ati əsoʼ wìʼ yi a ghə̀ ə nghʉ̀ fò ə tsèm a wen ati, ndiʼ Nyìngòŋ ə soʼo əfòyn ə wen to akwi əfò ə tsèm.

Efisyàns 2:16

Əpfʉ ə wen a yì a kəntò ne li əbyɨf ə vəwenə mè, byìʼì nyʉ̀ a və fʉ a kəntò ə ne li ghə̀ tsentə viʼi məshò bò a wèn ə mùʼ bwensə vì nə̀ vəwenə a Nyìngòŋ.

Efisyàns 3:10

Nyìngòŋ ə ne alə ndi kəzhwì nə̀ adyòʼ vyi a və tàynkə̀ chò fa kaŋ ə yenə ətof ə Nyìngòŋ yì a ghə̀ diʼi to a jisə a jisə.

Efisyàns 3:19

Ghə̀ŋ kɨ la əkòŋ wen ghenə cho li ətof, ndi ghə̀ŋ lywin ə kwʉ̀ʼ ə ntsi ntsìnə̀ Nyìngòŋ to ətsèm.

Efisyàns 4:10

Wìʼ yì a ghə̀ ə nshiʼi a nse le diʼ ndə̀ŋndəŋ yi a ghə̀ ə bwensə kuʼ akəshi yi a kə ŋanŋtə kwʉ̀ʼ akàŋ ə ndiʼ to kətʉ kə əfo ə tsèm a kaŋ nə̀ a nsə.

Efisyàns 4:12

Ghə̀ ə ne alə ə baʼtə̀ viʼi və byɨməvə la vəwenə kɨ ə ne shwèʼ ə Nyìngòŋ ndi ngə̀ŋ Nyìngòŋ ə nkwi, a diʼ əwènə Klistò.

Efisyàns 4:13

Ə zàʼa ando vəghəŋ vətsèm lù tsèntə ndiʼ to a kənyʉ̀ kə mùʼ a vəghəŋ əbyɨmə ə be kɨ byìʼì wàyn Nyìngòŋ. Ndi vəghəŋ ə kwʉ̀ʼ mwetə a ji a Klistò diʼ.

Efisyàns 4:4

Ghə̀ŋ diʼ bàs əwèn ə mùʼ, kəzhwì kə Nyìngòŋ kì a kə shwèʼè a wèn a yi ə diʼ to kə kəmùʼ, to ndə̀ŋndəŋ ando Nyìngòŋ ə ndzàŋ shisə ghə̀ŋ fa mbyi ə ne ghə̀ŋ sə ki to kənyʉ̀ kə mùʼ kɨ la ghə̀ŋ lu bwòŋ.

Kòlòsyàns 1:24

Ma saŋlə luwen ando ma yenə ngəʼ byìʼì ghə̀ŋ. Ngəʼ na ghèn diʼ a mò wen alə byìʼì ando ma kəŋ ə myetə kənyʉ̀ ki a Klistò ə ndzɨŋ əyen a wenə wen a diʼi viʼi və byɨməvə.

Kòlòsyàns 2:19

Vəwenə ko be tsèntə tebè wenə Klistò yi a ghə̀ diʼ kətʉ. A diʼi wen yi a ghə̀ kù kədyòʼ a əwen ə tsèm la ghə̀ nkwi a ji yi a Nyìngòŋ ə ne la ghə̀ kwi fa tsù. Yesò ghaʼa əwen wen na ghèn ə tsèm to ndə̀ŋndəŋ ando məghaŋ nə̀ tsèntə ghaʼa əwen wìʼ a kəfo kə muʼ

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.

Kòlòsyàns 3:15

Ghə̀ŋ moʼtə mbwaʼmə yì a Yesò ku ghə̀ tisə təkwòʼtə̀ təŋtə, ə dzàŋ ghə̀ŋ la ghə̀ŋ fʉ̀ vi ə diʼ a wenə ə mùʼ, kiʼi mbwaʼmə be ku kəzòŋ a wen.