Efisyàns 1:18 - The New Testament in the Babanki language

¹⁸ Ma be jɨ̀mə̀ la Nyìngòŋ ə nè tə tof ə tyəŋtə boʼmə̀, ghə̀ŋ nkɨ la ghə̀ŋ be lù kiʼi əfo ə juŋəvə vi a ghə̀ baʼtə̀ a ghə̀ŋ byìʼì ando ghə̀ ntsuʼ li ghə̀ŋ nə̀ əghoʼ ə ŋwoʼghə yì a ghə̀ nghʉ̀ a viʼi wen no vətsèm,

Efisyàns 1:18 ပူးပေါင်းရင်းမြစ်များ

Matìyò 13:15

Viʼi venə dìʼ mu tətof tə vəwenə tə bwaʼli. Vəwenə shwintə li tiʼitiʼi vəwenə be nchiʼtə ashɨ vəwenə, à bwen a lì mu tiʼitiʼi vəwenə zhʉ kɨ nyʉ̀ ashɨ vəwenə be yenə shi a zhʉ ayì vəwenə bwenə vì à mò mà chʉʼ vəwenə.

Ŋwàʼlə̀ Mak 10:17

Yesò nè lù sə ndyʉ̀ a ji, wutsen nyɨ̀ŋ vì shiʼi à wen alwi ashɨ Yesò ə bèm à wen la, “Ndìʼsə̀ jùŋ, mà lè zì mà ne no ghò ndi lu kiʼi bwoŋ yi a ghə̀ ko lə mè a?”

Ŋwàʼlə̀ Luk 24:45

Ghə̀ mù boʼtə̀ tətof tə vəwenə ndi vəwenə nzhʉ ə kɨ gaʼa Nyìngòŋ,

Shwèʼ 16:14

Andìʼ a tì ki avenə a və mvì zhùŋtə̀ və sə zhʉtə̀ ando Bol gàʼà lì, wùwì tsen diʼ tsu, a zhiʼ wen ndìʼ Lydiyà mu ghə̀ lù fa ntə̀ʼ Tatiliyà. Ghə̀ nè mbaʼlə̀ nə̀ ndisə a ko yi nto no nànto, a be diʼ wùwì a ghə̀ ngumlə̀ Nyìngòŋ. Bobo bòʼtə̀ kwòʼtə̀ wen la ghə̀ ntùʼù zhʉtə̀ nyʉ̀ vyi a Bol ngàʼà lì ə̀ byɨmə nyʉ̀ a vyi.

Shwèʼ 26:18

Wù ne bòʼtə ashɨ vəwenə be shìsə vəwenə fà ti mfɨnə̀ ə kwensə a tì bayn. Wù ne nè, vəwenə fʉ fà tì soʼ Satan ə̀ dyʉ̀ à Nyìngòŋ ndi və lyesə kù nyʉ̀ byɨvə vəwenə bè nè vəwenə nkiʼ kəshi a tì nòyn viʼi vi a Nyìngòŋ tsuʼli byìʼì byɨmə yi a vəwenə kiʼ à mò.’

Lumans 11:29

Kə diʼ alə̀ byìʼì ando Nyìngòŋ ə ndemə tsuʼ wìʼ ə bwaʼsə wen, ko ghə̀ lu be kwitə əkwoʼtə ə wen.

Lumans 2:4

Kə le diʼi la wù ko lyɨ tebè tùʼmə̀ ə kaynəghə Nyìngòŋ be nə̀ ə ghaʼa ə tyɨm ə Nyìngòŋ nə̀ jùŋ yì a ghə̀ ne a wù a kənyʉ̀ mu? A wù kɨli la Nyìngòŋ ə tùʼmə̀ kəŋ la wù kwitə ə tyɨm ə wu fa mbyɨsə a?

2 Kolìntyàns 4:4

Viʼi a və ko byɨmə ko zhʉ̀ kɨ kənyʉ̀ byìʼì ando Satan a ghə̀ soʼo mbyi ghèn kəŋtə li tətof tə vəwenə la kə vəwenə byɨmə. Ghə̀ nè alə̀ la kə vəwenə yen əbayn yì a ntɨm ə jùŋ Klistò a ghə̀ diʼ kənfɨsə kə Nyìngòŋ ə vi nə̀ wenə ghə̀.

2 Kolìntyàns 4:6

Nyìngòŋ ə nshɨtə mbyi ə gàʼ la, “Əbayn ə vi a ntìntìn kəbəŋ kə fenəkə.” Nyìngòŋ a ghèn ə nè li la əbayn ə vi a vəghəŋ a tətyɨm, ə diʼi əbayn ə wen a vəghəŋ, a diʼ yi a vəghəŋ ə yenə a kə̀ʼ ə̀ Yesò.

Gàlesìyà 5:5

Kəzhwì kə Nyìngòŋ kə nè la vəghəŋ kɨ nəmwèʼè la vəghəŋ lu ətɨmə akayn ashɨ Nyìngòŋ byìʼì əbyɨmə ə vəghəŋ.

Efisyàns 1:11

Nyìngòŋ ə ntsuʼ li vəghəŋ la və ndiʼ viʼi wen byìʼì ando vəghəŋ ə diʼ a kənyʉ̀ kə mùʼ vəghəŋ və Yesò Klistò to ndə̀ŋndəŋ ando ghə̀ mbaʼtə ə ghʉ mibu ə shətə mbyi. Nò tèbe ghò ə fʉ to a ji yi a Nyìngòŋ ə kəŋ la kə fʉ̀ fa tsu.

Efisyàns 1:7

Yesò zen li kətʉ kə vəghəŋ nə̀ mənlyuŋ mə wen mì a ghə̀ nshʉ̀ʼ ando ghə̀ mpfʉ̀, Nyìngòŋ ə mu lyesə ə ku mbyɨsə vəghəŋ. Nakènkə diʼi ətyɨm ə jùŋ ghə̀ kaynə ghə̀ wen yi a ghə̀ kiʼi a vəghəŋ.

Efisyàns 2:12

Kə ghə̀ŋ lyesə la a ə ndiʼ a tʉʼ a yi, ghə̀ŋ nko kiʼ to kənyʉ̀ ə ne nə̀ Yesò, ko ghə̀ŋ diʼ a nòyn nə̀ viʼi Islel, ko andiʼ la ghə̀ŋ kiʼ to kəvu a nyʉ̀ yi a Nyìngòŋ ə ghʉ a vəwenə. Ghə̀ŋ ə tsi to tyi mbyi, ko ghə̀ŋ kwòʼtə̀ tebè njùŋ ə tsen akəshi, ko ghə̀ŋ kɨ kənyʉ̀ əkùm Nyìngòŋ.

Efisyàns 3:16

Nyìngòŋ kiʼi mbwaʼməsə no nànto. A le kənyʉ̀ kì a ma jɨ̀mə̀ la ghə̀ ku kədyòʼ a ghə̀ŋ ə tətyɨm chò fa wen a kəzhwì,

Efisyàns 3:8

No tebe ando ma nko kwʉ̀ʼ ə nzaʼ a diʼ nə̀ viʼi vətsevə a ntìntìn viʼi Nyìngòŋ, Nyìngòŋ mbe kù ji a mò ə ne la mà ngàʼà a viʼi ətɨm, shə̀ʼtə̀ ə mbwaʼsə yì a Yesò Klistò ə ku a viʼi,

Efisyàns 4:1

Ma sensə ghə̀ŋ byìʼì shwèʼ a ghenə a Bobo ne li a vəghəŋ la, ghə̀ŋ ntsi ntsìnə̀sə, a ji yi a Nyìngòŋ ə kəŋ ando ghə̀ dzàŋ shisə ghə̀ŋ fa mbyi. Ghə̀ŋ kɨli la ma diʼ alə̀, diʼ wù ə nfɨŋ byìʼì shwèʼ yì a ma ne a Bobo.

Efisyàns 4:4

Ghə̀ŋ diʼ bàs əwèn ə mùʼ, kəzhwì kə Nyìngòŋ kì a kə shwèʼè a wèn a yi ə diʼ to kə kəmùʼ, to ndə̀ŋndəŋ ando Nyìngòŋ ə ndzàŋ shisə ghə̀ŋ fa mbyi ə ne ghə̀ŋ sə ki to kənyʉ̀ kə mùʼ kɨ la ghə̀ŋ lu bwòŋ.

Efisyàns 5:8

Ghə̀ŋ diʼ alə̀ mu ghə̀ŋ ə ndiʼ ati kəbəŋ kə fenəkə to nə̀ viʼi a venə, ali ando ghə̀ŋ sə diʼ vye və Nyìngòŋ luwen, ghə̀ŋ sə diʼ a tyi kəbəŋ kə baynəkə. Ji a ghə̀ŋ ə tsi luwen diʼi ndiʼ to nə̀ vunə kəbəŋ kəbaynəkə.

Filìbàyns 3:14

Mà shwèʼè dyʉ̀ tò nə̀ mbì ndi ə kiʼi zhùʼtə̀ yi a Nyìngòŋ ə dzàŋə̀ mò fa kaŋ ə chò fà Yesò Klistò.

Kòlòsyàns 1:12

ku kəzòŋ a Tìʼ ando ghə̀ ne li ghə̀ŋ, nkwʉʼʉ ə gətə əfò vì a ghə̀ ghʉ̀ a viʼi wen a kəshi kə baynə kə.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

Kòlòsyàns 1:27

Nyìngòŋ ə kəŋ la viʼi wen kɨ la kənyʉ̀ kə lyomtəkə kə kaynəkə ken be diʼ a viʼi ə tɨm. Kənyʉ̀ kèn diʼ la Klistò ne diʼ to no a ghə̀ŋ tətyɨm, ədiʼ la ghə̀ŋ kɨli nəmwèʼè la ghə̀ŋ lu ə tsi vye vəwenə a ntìntìn əghoʼ wen.

Kòlòsyàns 1:5

Ghə̀ŋ ne alə̀ byìʼì ando ghə̀ŋ kəʼtə kɨ əfo vi a Nyìngòŋ ə ghʉ̀ a ghə̀ŋ akàŋ. A ndiʼ ando viʼi nshə̀ʼtə̀ ntɨm ə jùŋ nəmwèʼè a ghə̀ŋ a ambì, ghə̀ŋ zhʉ kənyʉ̀ kumə fo a vyi a ghə̀ŋ kəʼtə lə.

Kòlòsyàns 2:2

Ma ne alə̀ ndi vəwenə kiʼ tətyɨm tə totə, ndiʼ to kənyʉ̀ kə mùʼ, kòŋ tə wen tyəŋtə. Ma kəŋ la ghə̀ŋ shɨtə kɨ nyʉ̀ vyi a Nyìngòŋ ə lyomtə ndi ghə̀ŋ tuʼ tə ghaʼ nyʉ̀ na venə ə kiʼ əbwaʼmə ə ghoʼo. Ənyʉ̀ na venə a Nyìngòŋ ə nlyomtə sə diʼ luwen mu ghə̀ diʼi li làynsə a vəghəŋ a diʼ Klistò.

Kòlòsyàns 3:15

Ghə̀ŋ moʼtə mbwaʼmə yì a Yesò ku ghə̀ tisə təkwòʼtə̀ təŋtə, ə dzàŋ ghə̀ŋ la ghə̀ŋ fʉ̀ vi ə diʼ a wenə ə mùʼ, kiʼi mbwaʼmə be ku kəzòŋ a wen.

1 Tèsàlonyà 2:12

sensə ghə̀ŋ la ghə̀ŋ ə nkiʼ ətyɨm ə to ghə̀, tsi ntsìnə̀ yì a Nyìngòŋ ə kòŋ. Ghə̀ dzàŋ ghə̀ŋ la ghə̀ŋ vi tsèntə akəshi kə əfòyn ə wen,be nkiʼ əbayn ə ghoʼoghə.

1 Tèsàlonyà 5:8

Vəghəŋ ə boŋsə nè nyʉ̀, chwìchwì ə baynə. Kə le diʼi la vəghəŋ diʼ ə nə̀ ghaʼa təwen tə vəghəŋ. Vəghəŋ diʼ ə nə̀ choʼsə Nyìngòŋ, kòŋ Nyìngòŋ be kòŋ viʼi ndiʼ kə ne diʼi la vəghəŋ mòʼo li kòŋ nə̀ byɨmə ghenə to nə̀ kəfòkə ə sə kɨŋtə əwen ə vəghəŋ tsu, la kwoʼtə yì a vəghəŋ kiʼ la Nyìngòŋ ə lu bwòŋsə vəghəŋ diʼ to nə̀ kəfòkə a vəghəŋ chiʼi ə kɨŋtə kətʉ kə vəghəŋ nə̀ kəwenkə.

2 Tèsàlonyà 1:11

A le kənyʉ̀ ki a yès nə̀ jɨ̀mə̀ a ghə̀ŋ to məzhʉ̀ ə tsèm la Nyìngòŋ ə vəghəŋ nè la ghə̀ŋ ə tsi ntsìnə̀ yì a ghə̀ kwʉ̀ʼ a diʼ yi a ghə̀ dzàŋ ghə̀ŋ la ghə̀ŋ vi ə ntsi. Yès nə̀ jɨ̀mə̀ la ghə̀ ku kədyòʼ ghə̀ŋ ə nè nyʉ̀ ə jùŋ və vi a ghə̀ŋ kòŋ ə nə̀ nè ə be nè mwetə shwèʼ ə ghəŋə to nə̀ viʼi və byɨməvə.

2 Tèsàlonyà 2:16

Bobo vəghəŋ Yesò Klistò no fa wen a ngeŋ wenə Tiʼi vəghəŋ ə Nyìngòŋ yi a ghə̀ kòŋ vəghəŋ ə nè li la vəghəŋ ə̀ kiʼ ətyɨm ə zhʉ̀təghə to məzhʉ̀ ə tsèm be kɨ nəmwèʼè la və lu kiʼi əfo vyi a ghə̀ ghʉ̀ byìʼì ətyɨm ə jùŋ ghə̀ ə wen.

1 Timotì 6:12

Mwòmsə̀ shwèʼ no nə̀ kədyòʼ kə ə ghaʼ byɨmə ə wu to nə̀ wìʼ yi a ghə̀ nyɨŋ kənyɨŋ ə zhɨ ndi wù lu kiʼi ntsìnə̀ yi a ghə̀ ko lu mè. Wokèn ə diʼ ntsìnə̀ yi a Nyìngòŋ ə ndzàŋ wù la wù kiʼi, ando wù ə tɨmə ashɨ viʼi ə gàʼ a ndayn la wù byɨmə li à Klistò no nə̀ ətyɨm ə wu no tsèm.

Taytùs 2:13

Adìʼ a ji aghèn a vəghəŋ diʼ ntsi fa tsu ando vəghəŋ ə kə̀ʼtə̀ kətsi kə kanəkə kì a Nyìngòŋ ə mbwòŋsə̀ vəghəŋ və Yesò Klistò a ghə̀ kiʼi kədyòʼ kə gho kə lu bwènə̀ vì.

Taytùs 3:7

Nyìngòŋ ə nè alə̀ ndi vəghəŋ ə ndiʼ viʼi kənyʉ̀ kə tɨməkə chò fà boŋə tyɨm ə wen. A ji aghèn vəghəŋ lù kiʼi ə̀bwòŋ yi a ghə̀ ko lu mè.

Hibùlù 10:32

Ghə̀ŋ bwensə li kwòʼtə ando əbayn ə nvi a ghə̀ŋ, ghə̀ŋ kɨ Nyìngòŋ. A ghə̀ŋ ə nyenə ngəʼ avù ə viʼi achʉʼ a yi no nànto ali wensə to wensə.

Hibùlù 6:4

Wìʼ sətsèn màʼ əbyɨmə wen ə moʼtə Nyìngòŋ mu ghə̀ zì ghə̀ be bwenə vi a Nyìngòŋ a le? Wìʼ sətsen yen əbayn ə Nyìngòŋ ə be yenə jùŋ yì a ghə̀ kù ə kiʼi Kəzhwì kə Ŋwoʼkə,

1 Bità 1:3

Vəghəŋ ə kuʼsə Nyìngòŋ, ə Tìʼ Bobo vəghəŋ Yesò Klistò! Ghə̀ nkusə li shinsə a vəghəŋ no nànto, ə kù ntsìnə̀ ə fi a vəghəŋ a ji la ghə̀ lusə li Yesò Klistò fa pfʉ, vəghəŋ ə sə tsi kɨ nəmwèʼè la vəghəŋ lu kiʼi ə ntsìnə̀ yì a ghə̀ ko lu mè;

1 Bità 3:9

Wìʼ ə ne mbyɨ a wù, kə wù a bwensə nə̀ mbyɨ, ə telə wù, kə wù a bwensə telə wen. Wù diʼ ə boŋsə jɨ̀mə̀ la Nyìngòŋ ə bwàʼsə nkì ə wìʼ na ghèn byìʼì ando à diʼ ə mbwaʼsə na ghə̀ŋ a Ghə̀ tsuʼ ghə̀ŋ la ghə̀ŋ ne, diʼi ne bwaʼsə ghə̀ŋ kumə kənyʉ̀ na kèn.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.