Efisyàns 1:13 - The New Testament in the Babanki language

¹³ Nyìngòŋ ə shisə li ghə̀ŋ viʼi Efesùs ə bwòŋsə̀ ghə̀ŋ chò fa a Yesò ando ghə̀ŋ zhʉ ntɨm ə jùŋ yì a ghə̀ diʼi nəmwèʼè ə byɨmə. A ndiʼ ando ghə̀ŋ mbyɨmə, ghə̀ chʉ̀tə̀ ghə̀ŋ nə̀ Kəzhwì kə Ŋwoʼkə kì a ghə̀ ə nghʉ̀,

Efisyàns 1:13 ပူးပေါင်းရင်းမြစ်များ

Ŋwàʼlə̀ Luk 11:13

A zhʉ a ghə̀ŋ viʼi nè nyʉ̀ byɨvə, zì ghə̀ŋ kɨ əku fo jùŋ və à vunə vəŋə, no Tìʼ ghə̀ŋ a ghə̀ diʼi a kàŋ ne faŋ ale ke ku Kəzhwì kəŋwoʼkə à viʼi vyì à və bèmə̀ à wen a?”

Ŋwàʼlə̀ Luk 24:49

Luwèn ma nè a tɨm kəzhwì kə̀ŋwoʼkə a ghə̀ŋ to ando tiʼi ghom nghʉli, alì ghə̀ŋ ndiʼi tò a shə̀ zaʼa fa zhʉ a kəzhwì kə̀ŋwoʼkə ne vi ə ku adyòʼ a ghə̀ŋ.”

Joyn 1:17

Nyìngòŋ bè ə ku Əsoʼ, ghə̀ chò fa kəvu ə Mosìs. Ə kusə shinsə tə sə vi, no tèbe nə̀ ghoʼ yi a ghə̀ diʼi nəmwèʼè, chò ji fa kəvu ə Yesò Klistò.

Joyn 14:26

Ngyàmtə̀ yi a Tìʼ na tɨm a mo azhiʼ, a diʼ kəzhwì kə Ŋwoʼkə, kə ne ziʼi ghə̀ŋ no nə̀ nyʉ̀ nò tsèm, ə be nè ghə̀ŋ kwoʼtə no tèbe ghò yì a mà gàʼa li a ghə̀ŋ.

Joyn 15:26

“Ngyàmtə̀ ne vì, a mà tɨmə ə gaʼa nəmwèʼè kumə mò. Ghə̀ na lu fa ben Tìʼ, a diʼ Kəzhwì kə wen kì a kə gàʼà to nəmwèʼè.

Joyn 3:33

No ndò a ghə̀ sətsen byɨmə kənyʉ̀ kì a ghə̀ gaʼa, mù ghə̀ ne diʼi la Nyìngòŋ ə diʼ wù nə̀ nəmwèʼè.

Joyn 6:27

Kə ghə̀ŋ ne nyɨŋə fa abàm fozhɨvə, a və diʼ ə byɨf. Ghə̀ŋ ə boŋsə nyɨŋə fa abàm fozhɨvə vyi a və kù bwoŋ yi a ghə̀ ko lu mè, a diʼ Wàyn Wìʼ a ghə̀ zizi ghə̀ ku fozhɨvə a venə a ghə̀ŋ byìʼàndo Tìʼ ghom, Nyìngòŋ sə diʼ mù ghə̀ diʼi li a ndayn la ma kiʼi kədyòʼ a kènkə.”

Shwèʼ 1:4

Ando Yesò mbu wenə̀ vəwenə, kətsi kətsenkə vəwenə sə nzhɨ, ghə̀ chòsə̀ soʼ a vəwenə la, “Kə ghə̀ŋ à lù fa Jelusalèm luwèn. Ghə̀ŋ nkəʼtə̀ kəku kì a mà nshə̀ʼtə̀ à ghə̀ŋ la Tìʼ ghom nghʉ li la ghə̀ a ku à ghə̀ŋ.

Shwèʼ 13:26

“Vəlèmə̀ vwomə, vunə Ablaham, bènə̀ viʼi tɨm no vətsèm a və diʼ a shyə̀, ghoʼsə̀ Nyìngòŋ, ntɨm jùŋ ghèn a ghə̀ vì nə̀ bwòŋ à viʼi dìʼ mu və tɨm à vəghəŋ.

Shwèʼ 2:33

Ghə̀ mù lyɨ̀ wen ə̀ kùʼsə à wen a shyə kwoŋ ə̀ toghə. Yesò shi kəzhwì kəŋwoʼəkə kì a Tìʼ wen ə̀ nghʉ la ghə̀ lu ku à wen, ə̀ ku kəzhwì akì a ghə̀ŋ ə yenə be zhʉ à yès luwèn.

Lumans 1:16

Ma diʼ nə̀ saŋlə byìʼì ntɨm ə jùŋ a ghèn ando ghə̀ diʼi kədyòʼ ki a Nyìngòŋ ə̀ bwòŋsə viʼi və byɨməvə tsu no və tsèm. Ghə̀ bwoŋsə viʼi və byɨməvə, zìtə̀ nə̀ viʼi Jus a ambì, kùmtə̀ nə̀ viʼi ətɨm.

Lumans 4:11

Və ə shɨtə ndyə̀ wen to a nchwi ə diʼ la Nyìngòŋ ə lyɨ̀ li wen a wù kənyʉ̀ kətɨməkə. Ghə̀ lyɨ wen a wù kənyʉ̀ kətɨməkə byìʼì byɨmə yì a ghə̀ nkiʼi. Kə fʉ̀ alə ndi ghə̀ ndiʼ tìʼ a viʼi vyi a və byɨmə, Nyìngòŋ ə boŋ lyɨ̀ və wen a viʼi kənyʉ̀ kətɨməkə byìʼì byɨmə ə vəwenə a ko ndiʼ la və shɨtə a diʼ ndyə̀ vəwenə.

Lumans 6:17

Vəghəŋ diʼ ə ku kəzòŋ a Nyìngòŋ byìʼì ando a ndiʼ a tʉʼ tseghə, ghə̀ŋ diʼ əkòs a mbyɨ ali ə lu zhʉ ziʼi yì a və ziʼi a ghə̀ŋ ə byɨmə nə̀ tyɨm ə ghəŋə no tsèm.

2 Kolìntyàns 1:22

Ghə̀ chʉtə li vəghəŋ a ji la ghə̀ ku li Kəzhwì kə Ŋwoʼkə ə Nyìngòŋ a vəghəŋ a tətyɨm ə diʼ nəmwèʼè la ghə̀ lu ku mwetə əfo vyi a ghə̀ ghʉ a vəghəŋ.

2 Kolìntyàns 6:7

Nyìngòŋ ə ku li kədyòʼ a yès, yès sə shə̀ʼtə̀ to kənyʉ̀ ki a kə diʼi nəmwèʼè a viʼi. Əfo ghòŋ vi a yès ə soynə nə̀ wenəvə be kɨŋtə təwen ə tyestə tsu diʼ ando yès ə tsi a jisə tɨməsə.

Gàlesìyà 3:14

Klistò ə nè alə ndiʼ mbwàʼsə̀ yì a Nyìngòŋ ə ghʉ li a Ablaham, boŋ ə dyʉ̀ a viʼi a ko diʼ viʼi Jus. Ghə̀ ə nè alə ndiʼ əbyɨmə ə vəghəŋ nè vəghəŋ boŋ kiʼi Kəzhwì kə Ŋwoʼkə na kì a Nyìngòŋ ə nghʉ li.

Efisyàns 4:21

Kə diʼ to no nəmwèʼè la ghə̀ŋ ə nzhʉ li nyʉ̀ kumə Klistò, və be ziʼi ghə̀ŋ nə̀ nyʉ̀ vyi a və diʼi nəmwèʼè kumə Klistò.

Efisyàns 4:30

Kə ghə̀ŋ a nə̀ nyʉ̀ a və a nè ko kəzhwì kə Ŋwoʼkə a saŋlə. Kəzhwì kə Ŋwoʼkə ken diʼ to nə̀ kənchʉtə kə a və ə nchʉ̀tə ghə̀ŋ nə̀ kəwenkə kəʼtə kətsi a, Nyìngòŋ lu mwetə zen kətʉ̀ ə kəŋkə̀.

1 Tèsàlonyà 2:13

Yes ə ku kəzòŋ a Nyìngòŋ to məzhʉ̀ ə tsèm byìʼì ando à ndiʼ ando yès nvi ə shə̀ʼtə̀ ntɨm ə yì a Nyìngòŋ ə gàʼa la yes vi shə̀ʼtə̀ a ghə̀ŋ, ghə̀ŋ zhʉ̀ ə byɨmə la à diʼi ntɨm mu ghə̀ lù to no fa Nyìngòŋ, a kodiʼ fa wìʼ. Ntɨm na ghèn ə shyèʼ a ghə̀ŋ a ntìntìn ə viʼi və byɨməvə.

2 Timotì 2:15

Mwòmsə̀ no nə̀ kədyòʼ kə ə nè la Nyìngòŋ yen la wù dìʼ wù ə shyèʼ yi a ghə̀ ko diʼsə kətʉ ə ne əshwèʼ ə wen, bè ziʼi tò nəmwèʼè yi a ghə̀ diʼi a ntɨm ə jùŋ ə̀ wen.

2 Timotì 2:19

Alì kə to ə nə̀ʼsə kəchɨ kə ngə̀ŋ ki a Nyìngòŋ ə dìʼ mu ghə̀ we li a diʼ Klistò. Və nyoʼ li la, “Ghə̀ kɨ viʼi a və diʼ viʼi wen,” bè nyòʼ la, “No mə ndò yi a ghə̀ gàʼà la ghə̀ dzɨ̀mtə̀ Bobo ə diʼ ə ghʉsə ənyʉ̀ ə byɨvə vyi a ghə̀ nè.”

2 Timotì 3:15

Wù kwòʼtə̀ to ando və nlu sə ziʼì wù nə̀ ənyʉ̀ mu və fʉ̀ fa Ŋwàʼlə̀ Nyìngòŋ tò no fa ətʉ̀ʼ a wù mbo bu wàyn. Ənyʉ̀ a venə ə diʼ ə ku ətof à wù ndi wù byɨmə à Yesò Klistò a ghə̀ bwòŋsə̀ wù.

Taytùs 2:11

Kə diʼ alə̀ byìʼàndo Nyìngòŋ ə diʼ li boŋə tyɨm ə wen a ghə̀ ə nvi ə bwòŋsə̀ viʼi vətsèm.

Hibùlù 2:3

Kə lə diʼi la, ando vəghəŋ sə diʼ mù və zhʉ li kənyʉ̀ kumə əbwoŋə ə kaynə ghə̀ yì a Nyìngòŋ ə ku lə, vəghəŋ sətsen faŋ ke zhʉtə, ko vəghəŋ lu ə nyɨŋ ngəʼ yì a Nyìngòŋ ə diʼ lù ku. Ntɨm a ghèn diʼ mu à nshə̀ʼtə̀ to no Bobo a ambì, viʼi vyi a və nzhʉ ə ndiʼ li làynsə a yès la ghə̀ diʼ to no nəmwèʼè.

Jems 1:18

A ntsùʼ tò wen fà wen a ngə̀ŋ ənè la vəghəŋ ndiʼ vunə wen, ghə̀ ə ngaʼà li ndi vəghəŋ ndiʼ mbì fa ntìntìn fo tsèm a ghə̀ nshɨ̀tə̀.

Jems 1:21

Kə mu sə diʼ la ghə̀ŋ maʼa ntsìnə̀sə byɨsə bènə̀ ntsìnə̀sə kəmɨ̀ŋ ghə̀ŋ ə̀ shìʼsə təwen təŋtə shi ntɨm yì a Nyìngòŋ ə we à ghə̀ŋ a tətyɨm a ghə̀ zì ghə̀ bwòŋsə ghə̀ŋ.

1 Bità 2:10

Ghə̀ŋ ko tə ndiʼ viʼi Nyìngòŋ fa ambì, ali sə diʼ luwen. Nyìngòŋ ə ko ə nkusə shinsə a ghə̀ŋ, ali sə kusə luwen.

Kəmwetə 7:2

Mà bè yèn ntsɨ̀ŋ ngə̀ŋ ə̀ Nyìngòŋ ə tsen, ghə̀ kuʼ ə̀ vì fa shyə a chʉzhʉ ə saʼa fa tsu, kiʼ kəfo a Nyìngòŋ a ghə̀ ko lu pfʉ ə chwìtə̀ viʼi tsu. Ntɨ̀ŋ ayì zɨmə̀ dzàŋ ntsɨ̀ŋsə ngə̀ŋ ə̀ Nyìngòŋ shì sə̀ kàʼ a Nyìngòŋ ə̀ nku li àdyoʼ à vəwenə la vəwenə byɨsə nse bènə̀ mu no a gɨ to