Efisyàns 1:12 - The New Testament in the Babanki language

¹² Ghə̀ ntsùʼ alə ndiʼ yès vyi a yes ə mbyɨmə Yesò a ambì nə̀ ji yi a yes tsi nè viʼi və tsevə bwomsə Nyìngòŋ byìʼì kədyòʼ kì a ghə̀ kiʼi li.

Efisyàns 1:12 ပူးပေါင်းရင်းမြစ်များ

Joyn 14:1

Yesò gàʼ a ndzɨ̀mtə̀sə bàm ə wensə la, “kə ghə̀ŋ nə̀ femsə təwen ə təŋtə. Ghə̀ŋ byɨmə a Nyìngòŋ, ə be byɨmə a mò.

Efisyàns 1:6

Kə lə diʼi la vəghəŋ diʼ ə nku kùʼsə a Nyìngòŋ byìʼì ətuʼmə ə kaynəghə yì a ghə̀ diʼi li a vəghəŋ chò fa a wàyn ə kòŋ ə wen. A kòŋ to wen ə nè alə.

Efisyàns 2:7

Nyìngòŋ ne alə ndiʼ lu diʼ tùʼmə̀ ə kaynəghə wen a ghə̀ ə ko kiʼi ə shəʼmə, nə̀ kòŋ wen a vəghəŋ chò fa Yesò Klistò no tʉʼ ko a ghə̀ lu vì.

Efisyàns 3:21

Əbayn ə ghoʼo ghə̀ Nyìngòŋ sə vi faŋ to faŋ a viʼi və byɨməvə vyi a və diʼ wenə və Yesò Klistò to məzhʉ̀ ə tsèm! Amèyn.

2 Tèsàlonyà 2:13

Yès diʼ ku kəzòŋ a Nyìngòŋ to məzhʉ̀ ə tsèm byìʼì ghə̀ŋ ə vəlemə. Bobo kòŋ li ghə̀ŋ, ghə̀ŋ sə diʼ a nòyn ə̀ viʼi vyi a ghə̀ ə̀ ntsuʼ no fa kəzìtə̀ ə bwoŋsə chò fa əshyèʼ yi a kəzhwì kə Ŋwoʼkə ə nè ə ghʉ̀ ghə̀ŋ ə laynə ə be chò fa əbyɨmə yi a ghə̀ŋ kiʼi kùmə̀ nyʉ̀ vyi a və diʼi nəmwèʼè.

2 Timotì 1:12

A lə kənyʉ̀ ki a ma yen ngəʼ byìʼì kəwenkə, alì ken la ma ndiʼsə kətʉ byiʼ ando ma kɨ kɨ la ghə̀ tùʼmə̀ nə̀ mò ə zaʼa a kətsi a ghə̀ lu bwenə ə vi.

Jems 1:18

A ntsùʼ tò wen fà wen a ngə̀ŋ ənè la vəghəŋ ndiʼ vunə wen, ghə̀ ə ngaʼà li ndi vəghəŋ ndiʼ mbì fa ntìntìn fo tsèm a ghə̀ nshɨ̀tə̀.

1 Bità 1:21

A diʼ byìʼì Yesò na ghèn a ghə̀ŋ byɨmə a Nyìngòŋ a ghə̀ ə lùsə wen fa pfʉ, ə ghʉ̀ wen akəshi kə ŋaŋtəkə, kənyʉ̀ na kì ə nè, ghə̀ŋ ə sə kiʼi əbyɨmə, be ki kə̀ʼtə̀ to Nyìngòŋ.