Efisyàns 1:10 - The New Testament in the Babanki language

¹⁰ Nyìngòŋ ə ghʉ li la zhʉ lu kwʉ̀ʼ, ə ghə̀ tsentə əfo ə tsèm a kaŋ be boʼsə nə̀ və nse ə ghʉ to a ti əsoʼ ə Yesò.

Efisyàns 1:10 ပူးပေါင်းရင်းမြစ်များ

Matìyò 25:32

Viʼi təloʼ tə mbi vi tsèntə̀ à wen a shɨ no vətsèm, ghə̀ gə̀sə̀ vəwenə a tənòyn təbò ando ntsɨ̀ŋ byisə lə nè ghə̀ gə̀sə̀ byisə vənjɨ̀ fa byisə vəndoŋ.

Ŋwàʼlə̀ Mak 1:15

gàʼà la, “Zhʉ kwʉʼʉ̀ li, soʼo Fòyn Nyìngòŋ boʼsə li. Ghə̀ŋ kwitə tətyɨm təŋtə fà ghə̀ŋ a mbyɨsə ə̀ byɨmə ntɨm jùŋə ghèn.”

1 Kolìntyàns 10:11

Ənyʉ̀ na venə ə̀ nfʉ̀ a vəwenə a nchwi, və be nyòʼò ə ghʉ əku kətyiftə a vəghəŋ byìʼì ando əzhʉ̀ boʼsə li ə mbyi mè.

1 Kolìntyàns 11:3

ali ma kəŋ la ghə̀ŋ ə kɨ la, Yesò diʼ kətʉ̀ kə lʉ̀mə vətsèm, wulɨm diʼ kətʉ̀ a wì wen, Nyìngòŋ ə diʼ kətʉ̀ a Yesò.

Gàlesìyà 4:4

Əzhʉ lu kuʼ kwʉ̀ʼ, Nyìngòŋ ə tɨm Wàyn wen. A mbwi wùwì bwi wen, ghə̀ kwi kuʼ a tyi Əsoʼ viʼi Jus,

Efisyàns 1:22

Nyìngòŋ ə kuli fo ə tsèm a wen kəvu ə be ghʉ wen la ghə̀ ndiʼ kətʉ kə nyʉ̀ ə tsèm a ngə̀ŋ Nyìngòŋ.

Efisyàns 2:15

Ghə̀ ntsəʼsə li no təsoʼ tə viʼi Jus nə̀ nyʉ̀ a vəwenə ghʉ no tə tsèm ndi ə fʉsə̀ fa viʼi və bò na venə to wù fi mùʼ a kənyʉ̀ kə mùʼ wenə vəwenə, a ji ghèn nə̀ mbwaʼmə.

Efisyàns 3:15

a diʼ wen yi diʼ Tìʼ ə ngwaʼa ngəŋsə yi a sə diʼ akàŋ be diʼ a nse no sətsèm.

Efisyàns 3:2

Ma kɨli la ghə̀ŋ zhʉ̀ li ando Nyìngòŋ ə ndiʼ ətyɨm ə jùŋə a mò ə ku shwèʼ a ghenə la mà ne a ghə̀ŋ, a ghə̀ŋ njùŋ.

Kòlòsyàns 1:16

Nyìngòŋ ncho fa wen ə shɨtə no tèbe ghò yi a ghə̀ diʼi akàŋ nə̀ əfo ə tsèm vi a və diʼi a nse. Nyìngòŋ ə nshɨtə əfo vi a wìʼ zi ghə̀ yenə nə̀ vi a wìʼ zi ko ghə̀ lə yenə. Ghə̀ ə nshɨtə zhwi vi a və kiʼi kədyòʼ nə̀ vi a və soʼo nə̀ vi a və tisə. Nyìngòŋ ə nshɨtə fo ə tsèm chò fa a wen. Ghə̀ nshɨtə fo na vyi a wen.

Kòlòsyàns 1:20

Nyìngòŋ ə bwensə li ə vìsə̀ nə̀ əfo tsèm a kaŋ nə̀ a nse a wenə wen la wenə vəwenə ndiʼi a kənyʉ̀ kə muʼ əcho fa Wàyn wen byìʼì mənlyuŋ mì a ghə̀ nshiʼsə a kəntò. Luwen əfo venə no ətsèm ə sə diʼ nə̀ mbwaʼmə wenə və Nyìngòŋ.

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.

Hibùlù 1:2

Alì, à sə ə diʼ a mətsi mə kəmwètə mèyn ghə̀ gaʼa a vəghəŋ chò fa Wàyn wen. Nyìngòŋ ə nsə diʼ mu ghə̀ ghʉ̀ li la ghə̀ lu ku no tèbe ghò a mbyi a Wàyn wen, a ghə̀ ə shɨtə mbyi nə̀ no tèbe nə̀ ghò a ghə̀ diʼi tsu chò fa Wàyn ə wen a ghèn.

Hibùlù 11:40

Kə ndiʼ alə̀ byìʼì ando Nyìngòŋ ə ndiʼ mu ghə̀ baʼtə̀ li kənyʉ̀ a vəghəŋ, kə bòŋ chò kənyʉ̀ kì a kə ndiʼ a məkàyn mə mumə̀ nə̀ ji yi a vəwenə ə̀ nkuʼsə Nyìngòŋ fa tsù. Ghə̀ ndiʼ mu ghə̀ baʼtə̀ li la ghə̀ lu tsèntə lyɨ vəghəŋ nə̀ vəwenə to kətsi kə mùʼ ə nè vəghəŋ ndiʼ viʼi kənyʉ̀ kətɨməkə a wen a shɨ.

Hibùlù 9:10

Jì əmuʼ na ghèn lə ə kiʼi kənyʉ̀ ə ne kumə to kəfo kə zhɨkə nə̀ kəfo kə nyʉkə nə̀ ji sə tsen shisə a və diʼ ə nə̀ shʉ̀ laynsə viʼi fa tsù a shɨ Nyìngòŋ. A diʼ to təsoʼ tə njòsə wen, diʼ ə mè azhʉ̀ a Nyìngòŋ ə kwitə li no tèbe ghò ə vi nə̀ ji əfi.

1 Bità 1:20

Nyìngòŋ ə diʼ mù ghə̀ ntsuʼ li wen ə ghʉ̀ mibu fa tʉʼ ghə̀ shɨtə mbi, ə sə diʼ mù ghə̀ diʼi li wen a mətsi mə kəmwètə a ghə̀ŋ a jùŋ.

Kəmwetə 5:9

Vəwenə sə̀ zhɨmə ndzàŋ ə fi la, “Wàyn njɨ̀, wù ə kwʉʼ li ə̀ me əshi əbʉʼ ə ŋwàʼlə̀ ghenə ə bə̀ytə mɨ̀ŋ yi ə bòʼ byìʼe və nzhwi li wù, wù pfʉ ə̀ zèn kətʉ kə viʼi ə ngwàʼsə̀ tsèm nə̀ viʼi təgàʼ tə tsèm bènə̀ viʼi təloʼ tə tsèm a mbi. Wù ə̀ nzèn kətʉ kə vəwenə ne mənlyuŋ ə̀ bwènsə̀ ku à Nyìngòŋ.