Efisyàns 1:1 - The New Testament in the Babanki language

¹ A nyòʼò mò Bol nyòʼò ŋwàʼlə̀ ghèn a ghə̀ŋ viʼi Nyìngòŋ vyi a ghə̀ŋ ti a ghə̀ŋ əbyɨmə a Yesò Klistò, tsi a Efesùs. Ma diʼ wù ə ntɨm ə Yesò Klistò mu à tsuʼ Nyìngòŋ fa wenə kòŋ.

Efisyàns 1:1 ပူးပေါင်းရင်းမြစ်များ

Ŋwàʼlə̀ Luk 16:10

Wìʼ shìtə ghaʼ mənyʉ̀lə̀ mə tyetə mə, ghə̀ ghaʼ nyʉ̀ ghoʼkə və a ku à wen. Ghə̀ sətsèn dìʼ ke ghaʼ mənyʉ̀tə mə tyetə mə, wù ku kənyʉ̀ kə ghoʼkə, kò ghə̀ lə shɨ̀tə ghaʼ.

Shwèʼ 16:15

Və ku mu à wen bènə̀ à viʼi vi a wenə̀ vəwenə ntsi a muʼu. Ghə̀ mù gàʼ à yès la, “Ghə̀ŋ vi lì ntsi a mò a ngə̀ŋ, ando ghə̀ŋ yen li la mà byɨmə li nəmwèʼè à Bobo lə̀.” Ghə̀ faŋ ə̀ sə̀ sensə̀ yès tò sensə, yès kaʼa dyʉ̀.

Shwèʼ 18:19

Vəwenə jèʼè ə̀ dyʉ̀ zaʼa a ntə̀ʼ Efesùs, Bol ghʉsə Blisilyà wenə̀ Akwilà ə̀ dyʉ̀ a ngə̀ŋ ntsèntə̀ Vəjew wenə̀ vəwenə sə soʼtə̀ nyʉ̀ tsu.

Shwèʼ 18:21

Andìʼ ando ghə̀ nlù, ghə̀ gàʼ à vəwenə la, “Mà lu be bwènə̀ vì, a zhʉ a Nyìngòŋ sətsèn kòŋ.” Ghə̀ gàʼ a lì mù lù ə̀ mòʼtə̀ Blisilyà wenə̀ Akwilà a Efesùs.

Shwèʼ 9:13

Ananyàs bwènsə̀ gàʼ la, “Bobo, viʼi shə̀ʼtə̀ li nyʉ̀ à mo byìʼì wìʼ aghèn no vəghoʼo, la ghə̀ jèʼè nè viʼi vye yenə ngəʼ a Jelusalèm no nànto.

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

Lumans 1:7

Ma nyoʼo ŋwàʼlə̀ ghèn a ghə̀ŋ viʼi Nyìngòŋ ə kòŋ a və tsi a ntə̀ʼ Lum no və tsèm. Nyìngòŋ ə dzàŋ li shisə ghə̀ŋ la ghə̀ŋ ndiʼ viʼi wen. Nyìngòŋ ə, Tìʼ vəghəŋ wenə Bobo Yesò Klistò ə ndiʼi ətyɨm ə jùŋə a ghə̀ŋ, ə kù mbwaʼmə a ghə̀ŋ.

Lumans 8:1

Kə le diʼi la viʼi vyi a və mbyɨmə li a Yesò Klistò sə diʼ viʼi wen ko və zizi və lu be fəŋ nsòʼ ashɨ Nyìngòŋ ə luwen.

1 Kolìntyàns 4:12

Yès ə shyèʼè li shyèʼè to ghə to no nə̀ avu a yèsə. A zhʉ a viʼi telə yès, yès sə boŋsə jɨ̀mə̀ la Nyìngòŋ ə mbwàʼsə vəwenə bwàʼsə, a zhʉ a və ku ngəʼ a yès, yès ə sə wensə to wensə.

1 Kolìntyàns 4:17

A le kənyʉ̀ kì a mà tɨm Timotì a ghə̀ŋ. Ghə̀ diʼ wàyn ə koŋə ə mò, ma choʼsə wen byìʼì ando ghə̀ dzɨ̀mtə̀ Bobo no akayn. Ghə̀ a ne la ghə̀ŋ kwoʼtə ntsìnə̀ yì a ma tsi to nə̀ wù ə Yesò. Ma ziʼi ntsìnə̀ a ghèn a ntsèntə̀sə viʼi və byɨməvə to ashi ə tsèm.

2 Kolìntyàns 1:1

A nyòʼò mo Bol ə wù ə ntɨm ə Yesò Klistò mu à ntsuʼ Nyìngòŋ ntsuʼ mo fa wen a kòŋ. Ma nyoʼo ŋwàʼlə̀ ghèn a ntsèntə̀sə viʼi Nyìngòŋ vyi no vətsèm a və tsi a Kolìn, be nə̀ a ghə̀ŋ viʼi Nyìngòŋ vyi a ghə̀ŋ tsi ashə Akayà no vətsèm. Ma diʼ yo Timotì ə lèmə̀ ə vəghəŋ a byɨmə.

Gàlesìyà 1:1

A nyòʼò mò Bol nyòʼò ŋwàʼlə̀ ghèn. Ma diʼ wù ə ntɨm ko andiʼ la à ghʉ viʼi. A ko tsuʼ wìʼ tsuʼ mo. A tsuʼ Yesò Klistò wenə Nyìngòŋ ə Tìʼ yi a ghə̀ nlùsə wen fa pfʉ ntsuʼ mo la ma ndiʼ wù ntɨm.

Gàlesìyà 3:26

Ghə̀ŋ vətsèm diʼ vunə a Nyìngòŋ byìʼì ando ghə̀ŋ byɨmə li a Yesò Klistò.

Gàlesìyà 3:28

Nəkwoŋ ko be diʼ fa wù ə Jus wenə wìʼ yi a ko diʼ wù Jus. Nəkwoŋ ko be diʼ fa wìʼ yi a ghə̀ diʼi fa ngeŋ wenə wìʼ yi a ghə̀ diʼi kəkòs, ko ghə̀ diʼ a wùlɨm nə̀ wùwì, byìʼì ando ghə̀ŋ və tsèm sə tsèntə diʼ to kənyʉ̀ kə mùʼ vye və Yesò Klistò.

Gàlesìyà 3:9

Kə le diʼi la, no ndò yi a ghə̀ byɨmə ə kiʼi mbwàʼsə̀ to ndə̀ŋndəŋ to ando Nyìngòŋ mbwàʼsə Ablaham byìʼì əbyɨmə ə wen.

Efisyàns 1:15

A lə kənyʉ̀ ki a ma sə ku kəzòŋ a Nyìngòŋ, byìʼì ghə̀ŋ a mò a jɨ̀m to məzhʉ̀ ə tsèm fa chʉʼ a mà nzhʉ əbyɨmə a ghə̀ŋ kiʼi a Bobo vəghəŋ Yesò Klistò, nə̀ kòŋ yì a ghə̀ŋ kiʼi a viʼi Nyìngòŋ no vətsèm.

Efisyàns 2:10

Vəghəŋ diʼ alə̀ a diʼ kəvu kə shwèʼ ə Nyìngòŋ. A ndo vəghəŋ diʼ a kənyʉ̀ kə mùʼ vəghəŋ və Yesò Klistò, ghə̀ nshɨtə vəghəŋ la vəghəŋ ntsi ntsìnə̀ ə jùŋ yì a ghə̀ nsə diʼ mù ghə̀ ə baʼtə̀ li ghʉ̀ la vəghəŋ ntsi.

Efisyàns 2:13

Ghə̀ŋ tə ti no kəghaf, ko ghə̀ŋ boʼsə tebe Yesò Klistò, ali luwen ghə̀ŋ sə diʼ a kənyʉ̀ kə mùʼ ve vəwenə, ghə̀ŋ vi li ə boʼsə wen luwen, byìʼì mənlyuŋ mə Klistò.

Efisyàns 2:6

Ando vəghəŋ diʼ vəghəŋ və Klistò, Nyìngòŋ ə lusə li vəghəŋ və wen ə ghʉ̀ vəghəŋ və wen a kəkɨ kə təfòyn akàŋ ndiʼ ghə̀ nsoʼo.

Efisyàns 6:21

Ma tɨmə Tikikùs, ghə̀ a shə̀ʼtə̀ no tèbe ghò a ghə̀ŋ ando ghə̀ŋ kiʼi soʼgho kumə mò nə̀ kənyʉ̀ ki a ma ne. Yès ə kòŋ wen no akàyn. Ghə̀ diʼ to no lèmə̀ vəghəŋ a byɨmə, shwèʼè a Bobo to no nə̀ ətyɨm ə wen ə tsèm.

Kòlòsyàns 1:2

Ŋwàʼlə̀ ghèn diʼ a ghə̀ŋ viʼi Nyìngòŋ vi a və diʼ a loʼ Kòlosè. Ghə̀ŋ diʼ vye və Klistò a kənyʉ̀ kə mùʼ, dzɨ̀mtə̀ wen no akayn. Nyìngòŋ ə Tìʼ vəghəŋ diʼi ətyɨm ə jùŋə wen a ghə̀ŋ, ə kù mbwaʼmə a ghə̀ŋ.

Kəmwetə 17:14

Vəwenə ne tsèntə̀ ə sə̀ʼ əsoyn a əwen wàyn bi ənjɨ̀ yì alì wàyn bi ənjɨ̀ soyn ə̀ zhɨ̀ vəwenə byìʼàndo ghə̀ dìʼ Bobo ə̀ vəbobo, be diʼ fòyn ə̀ təfòyn tətsèm, kiʼ viʼi wen a ghə̀ ə̀ ndzàŋə̀ li ə̀ bè tsuʼ vəwenə la və nzhʉmə̀ wen.”

Kəmwetə 2:10

Ghə̀ŋ zhʉtə a! Kə ghə̀ŋ à fàyn ə̀ ngəʼ yì a ghə̀ŋ diʼi ne kwen tsu. Deblə̀ ne nè la və ghaʼ ghə̀ŋ vətsenvə we a mfɨŋ ə ghə̀ŋ yenə ngəʼ tsu a mətsi wum, à dìʼ tò mwòmsə̀ a ghə̀ vì à ghə̀ŋ. Və ndiʼ zhwi ghə̀ŋ tè zhwi, ghə̀ŋ ə nchoʼsə̀ tò mò, mà nè ku ə̀bwòŋ yi a ghə̀ ko lu mè à ghə̀ŋ a diʼ kəfo kì a ghə̀ŋ ə soynə zhɨ.

Kəmwetə 2:13

Mà kɨ kəshi kì a ghə̀ŋ ə tsi tsu. Ghə̀ŋ ə tsi a kəshi a Satan ə soʼo əfòyn ə wen tsu. Ghə̀ŋ dìʼ no nkàyntə̀ viʼi ə vwomə, kènla ghə̀ŋ ə̀ ntɨmə̀ màʼà əbyɨmə à ghə̀ŋ ə kiʼì mò no kətsi kətsenkə. Ghə̀ŋ ə shɨ̀tə̀ ghaʼa əbyɨmə ghəŋə no tè ando və̀ nzhwì Antipàs ə ndzɨ̀mtə̀ bàm ə̀ mò afì à diʼ kəshi a Satan ə soʼo əfòyn ə wen tsu.