3 Joyn 1:10 - The New Testament in the Babanki language

¹⁰ Mà ne vì no a zhʉ kò ə shə̀ʼtə̀ ə kuʼ nə̀ nyʉ̀ vyi a ghə̀ nè, nyʉ̀ fansəvə byɨvə, benə ndzɨŋ shì, a ghə̀ gàʼà byìʼì yes. Ghə̀ ko sè tò a na kì, ghə̀ tyenə la ghə̀ ko shisə vəlèmə̀, be tàmə̀ viʼi vyi a və kəŋə nshisə vəwenə, dzɨ̀mə̀ vəwenə shìsə̀ fa ntsèntə̀ viʼi və byɨməvə.

3 Joyn 1:10 ပူးပေါင်းရင်းမြစ်များ

Ŋwàʼlə̀ Luk 6:22

“Mbwaʼmə diʼ a ghə̀ŋ vyi a viʼi baynə ghə̀ŋ, dzɨ̀mə̀ ghə̀ŋ fà ntsèntə̀sə, telə̀ ghə̀ŋ bè byɨsə təzhiʼ təŋtə tò byìʼì wàyn Wìʼ.

Joyn 9:22

Tìʼ wen wenə lì wen ə ngàʼa alə byìʼàndo vəwenə ə nfwaynə viʼi Jus venə. Vəwenə ndiʼ mu və ə ghʉ̀ li la no ndò a ghə̀ byɨmə la Yesò diʼ wìʼ ə yi a və tsuʼ li ghʉ̀, mu və a dzɨ̀m ə wen, ko ghə̀ lu be kwen tebè a ngə̀ŋ ntsèntə̀.

Shwèʼ 1:15

Mətsi chò tò nshə̀ʼ alə̀, viʼi və byɨməvə ə zaʼa ghɨ nə̀ məwum mbò be sə ŋwʉʼ tò kəshi kə mùʼ, Bità lù tɨmə əgàʼ à vəwenə ə̀ gàʼ la,

2 Kolìntyàns 13:2

A tə ndiʼ ando mà nvi yen ghə̀ŋ a sə diʼ aghayn a bò, ma nku li kətyiftə a viʼi vyi a və tə ne nyʉ̀ ə byɨvə, be ku no tèbe ando ə tsen. Ma ku kətyiftə na ki luwen, ko ma lu diʼ tèbe a ghə̀ŋ a ben. Ma gàʼà la mà sətsen be bwènə̀ vì, mà ku ngəʼ no tèbè a ndò yi a ghə̀ nè byɨbsə kənyʉ̀.

Gàlesìyà 6:10

Kə lə diʼi la, no zhʉ̀ko a vəghəŋ kiʼ ji nè jùŋ, vəghəŋ nè to a viʼi və tsèm, be nè no nəkwoŋ a viʼi vyi a vəghəŋ və vəwenə ə kiʼi əbyɨmə ə mùʼ.

1 Timotì 5:13

Vəwenə ə jèʼè loʼsə, kwenə tò ngə̀ŋ a ngə̀ŋ, moʼo kùwòŋ, kwenə chò a nyʉ̀ nə̀ viʼi bè gàʼà ənyʉ̀, a ko diʼ kəshi kə vəwenə ə və gaʼa.

2 Joyn 1:10

A sətsèn wìʼ vi à ghə̀ŋ ke ə mvì nə̀ əziʼi aghenə kə ghə̀ŋ à shìsə wen ko toŋtə tè wen.

2 Joyn 1:12

Mà kiʼi nyʉ̀ no ghoʼo ə gàʼ à ghə̀ŋ, alì mà ko a nyòʼ nyoʼo. Mà bòŋsə̀ kwòʼtə̀ əvi ghayntə ghə̀ŋ ə gàʼ à ghə̀ŋ tò nə̀ chʉ̀, ndi vəghəŋ ndìʼ nə̀ saŋlə ghoʼo ghə̀.

3 Joyn 1:3

Mà tə sàŋlə no nə̀ ŋàŋ ando vəlèmə̀ vətsenvə tə vì shə̀ʼtə̀ à mò la wù nè tò ənyʉ̀ a diʼ ənyʉ̀ nəmwèʼè bènə̀ ando wù tsi tò a nəmwèʼè.

3 Joyn 1:5

Wù shɨtə ə nè tò shyèʼ jùŋ ghə̀ a wù kòŋ ə̀ mò, a zhʉ a wù shwèʼè a vəlèmə̀ no tè a zhʉ a diʼ viʼi a wù ko kɨ,