3 Joyn 1:1 - The New Testament in the Babanki language

¹ A nyòʼò mò ə chəʼ ə̀ ngə̀ŋ Nyìngòŋ nyòʼò ŋwàʼlə̀ ghèn à wù ə Gayòs ə̀ wù ndoŋ ə̀ mò a mà kòŋə̀ no nəmwèʼè.

3 Joyn 1:1 ပူးပေါင်းရင်းမြစ်များ

Shwèʼ 11:30

Vəwenə tsèntə̀ fo a vyi ə̀ tɨ̀m Balnabas wenə̀ Saul la vəwenə lyɨ̀ ə̀ dyʉ̀ nə̀ wenəvə à vəchəʼ və ngə̀ŋ Nyìngòŋ.

Shwèʼ 19:29

Zɨmə aghenə sàykə̀ dyʉ̀ a ti ntə̀ʼ no tsèm, nòyn ayì shen ə̀ dyʉ̀ ghàʼ viʼi jèʼ Bol vətsenvə, andiʼ viʼi Macedonia ə̀ kwen ə̀ dyʉ̀ nə̀ vəwenə a kəshi kə ntsèntə̀ ntə̀ʼ. Təzhiʼ tə viʼi a vyi ndìʼ Gayòs wenə̀ Alistakùs.

Shwèʼ 20:4

Ghə̀ njèʼè wenə Sobatel wàyn Ballùs fa Belì, nə̀ Alistakùs nə̀ Sekundùs a vəwenə nlu fa Tèsàlonikà nə̀ Gayòs a ghə̀ nlu fa Delbə̀, nə̀ Tychicùs, nə̀ Tlophimùs a vəwenə nlu fa loʼ Asìyà bènə̀ Timotì.

Lumans 16:23

Gayòs ə be toŋtə ghə̀ŋ. Ma tsi a wen a ngə̀ŋ, viʼi və byɨməvə no vətsèm ə vi tsèntə tsu. Èlasɨtùs yi a ghə̀ tuʼmə nə̀ nyʉ̀ əko a ntə̀ʼ a shèn wenə lèmə̀ vəghəŋ Katùs ə be tɨmə ətoŋtə.

1 Kolìntyàns 1:14

Ma kù kəzòŋ kə Nyìngòŋ la ma ko tə ku mu a wìʼ fa ghə̀ŋ a bwen to a Kɨ̀lisibùs wenə Gayòs.

1 Bità 5:1

Ma sensə vəchəʼ və ngə̀ŋ Nyìngòŋ vyi a və diʼi a ghə̀ŋ a ntìntìn la və ə shɨtə tùʼmə̀ nə̀ viʼi vyi a Nyìngòŋ ə kuli a vəwenə to nə̀ byisə. Ghə̀ŋ kɨli la nkàyntə̀ mo diʼ to no chəʼ mu ma ə yen li to ando Klistò yènə ngəʼ. Ma diʼ to a ntìntìn əbayn yi a Nyìngòŋ ə lu diʼ a tʉʼ a Yesò lu bwenə vi. Ghə̀ŋ sə tuʼmə nə̀ vəwenə, ghə̀ŋ ə diʼi la ghə̀ŋ kòŋ kənyʉ̀ kì a ghə̀ŋ nè. Kə ghə̀ŋ a nè sə və ghaʼ ghə̀ŋ ghaʼ, byìʼì ando Nyìngòŋ ə kòŋ la ghə̀ŋ ə nè a ji na ghèn. Ghə̀ŋ ə ghablə, nè shwèʼ. Kə ashɨ a ghəŋə baŋə a ko.

1 Joyn 3:18

Kə vəghəŋ a ndìʼì əkòŋ tò fa nyʉ̀ a vəghəŋ ə gàʼà a vunə vwomə, alì vəghəŋ diʼ ə ndìʼì əkòŋ a nyʉ̀ a vəghəŋ ə nè bènə̀ a nəmwèʼè.

3 Joyn 1:2

Mà jɨ̀mə̀ la no ghò ə ndyʉ̀ tò nkàyn à wù ə wù kòŋ ə̀ mò be jɨ̀mə̀ la wù ə ndiʼ tò nə̀ wen ə toghə. Mà kɨ la kəzhwì ə kyekə diʼ to nkàyn.