2 Timotì 4:8 - The New Testament in the Babanki language

⁸ Mà sə kə̀ʼtə̀ tò əmòʼtə ntsìnə̀ ə tɨmə ə̀ mò luwèn, Bobo vəghəŋ yi a ghə̀ soʼo viʼi a ji tɨmə ə lu ku əmòʼtə a ghenə à mò a kətsi kə nsoʼ. Ghə̀ ko lə ku tò à mò, ghə̀ lu be ku te be à viʼi vyi a və tə ə nkə̀ʼtə̀ məvi ə wen nə̀ ə koŋə.

2 Timotì 4:8 ပူးပေါင်းရင်းမြစ်များ

Matìyò 24:36

No wìʼ muʼ ko kɨ̀ kətsi ko zhʉ a nyʉ̀ avenə lu fʉ̀, no tè ntsɨ̀ŋsə ngə̀ŋ Nyìngòŋ a kàŋ ko kɨ kò andìʼ la wàyn kɨ li, əchò tò Tìʼ.

Matìyò 7:22

A lə ndiʼ a kətsi yi a zhʉ Nyìngòŋ soʼo ə mbyì, ə viʼi və ghoʼvə ə bèm a mo la, ‘Tìʼ, Bobo, a ko yès ə nshə̀ʼtə̀ kənyʉ̀ kə Nyìngòŋ a wu a zhìʼ a? A ko yès ə ndzɨ̀mə̀ shisə əzhwì ə byɨvə fa əwen ə̀ viʼi bè ne ənyʉ̀ ə kàynə və tsenəvə, no ghoʼo tò a wu a zhìʼ a?’

Ŋwàʼlə̀ Luk 10:12

Mà gàʼ à ghə̀ŋ nəmwèʼè la à lu ndiʼ a kətsi kə nsoʼ Nyìngòŋ, ngəʼ ndiʼ à viʼi ntə̀ʼ a vyi əcho ando ghə̀ ndiʼì à viʼi Sodòm.

Lumans 2:5

Wù boŋsə ne la tin nə̀ Nyìngòŋ ə fwi dyʉ̀ to ambì byìʼàndo wù to li kətʉ̀ ko wù lù kòŋ ə kwitə. Nyìngòŋ ə lu diʼ la ghə̀ fwisə li tin a wù a kətsi kə nsòʼ ə wen ə soʼ wù to fəchìʼ.

Lumans 8:23

A ko diʼ to fo a venə a və dì. Nò tèbe vəghəŋ vi a və kiʼi kəzhwì kə Ŋwoʼkə, a diʼ kəku kə ə mbì ki a Nyìngòŋ ə kù a vəghəŋ ə be dì to dì a vəghəŋ a ti tətyɨm, bvɨtə la Nyìngòŋ ə lyɨ̀ vəghəŋ a nkàyntə̀ sə vunə wen, ə zen kətʉ kə vəghəŋ ə mwetə.

1 Kolìntyàns 2:9

Yès ə ziʼi to kənyʉ̀ a və nyòʼò a Ŋwàʼlə̀ Nyìngòŋ la: “Wìʼ ko təmə yen, ko ndiʼ la wìʼ təmə zhʉ, wìʼ ko təmə kwòʼtə kənyʉ̀ ki tèbe kwoʼtə a Nyìngòŋ ə bàtə li a viʼi vyi a və kòŋ wen.”

1 Kolìntyàns 3:13

A lu ndiʼ a kətsi yi a Yesò lu bwenə vì və diʼi laynsə no tèbe shyèʼ no ndò a ndayn. Və mwomsə no tèbe shyèʼ ndò nə̀ zhiʼ, ghə̀ diʼi no tèbe nki əshyèʼ ə kò yi a wìʼ tə nshyèʼ.

1 Kolìntyàns 9:25

Nò ndò nə̀ zhʉsə shəmə kənyʉ̀, ghə̀ sə ziʼi ə nè kənyʉ̀ na kì, shɨtə ghaʼa wèn ə wen to ji sətsèm. Vəwenə nə̀ ne və sə ne ali ndiʼ kiʼi əmòʼtə, ko ghə̀ ndiʼ ə lu faŋ, ali vəghəŋ diʼ lù kiʼi əmòʼtə, a ghə̀ diʼ ə tsì ə faŋ.

2 Kolìntyàns 5:2

Vəghəŋ tsi a nse ashə̀, nyʉ̀ ə ku ngəʼ a vəghəŋ, vəghəŋ ə kòŋ la Nyìngòŋ ə zaŋsə ku ngə̀ŋ ə fi vəghəŋ akàŋ.

Filìbàyns 3:11

Ndi Nyìngòŋ lə lusə mo fa pfʉ.

Kòlòsyàns 1:5

Ghə̀ŋ ne alə̀ byìʼì ando ghə̀ŋ kəʼtə kɨ əfo vi a Nyìngòŋ ə ghʉ̀ a ghə̀ŋ akàŋ. A ndiʼ ando viʼi nshə̀ʼtə̀ ntɨm ə jùŋ nəmwèʼè a ghə̀ŋ a ambì, ghə̀ŋ zhʉ kənyʉ̀ kumə fo a vyi a ghə̀ŋ kəʼtə lə.

1 Tèsàlonyà 1:10

Vəwenə be ə shə̀ʼtə̀ ando ghə̀ŋ kəʼtə la Wàyn Nyìngòŋ lù bwenə vi fa akàŋ. Wàyn Nyìngòŋ na ghèn diʼ Yesò mu ghə̀ ə nè li ghə̀ lù fa pfʉ. Ghə̀ bwoŋsə li vəghəŋ la kə Nyìngòŋ lù kù ngəʼ a vəghəŋ a kətsi kə nsòʼ.

1 Tèsàlonyà 5:4

Ghə̀ŋ diʼ alə̀ a vəlemə vyomə ko ghə̀ŋ diʼ to nə̀ viʼi vyi a və tsi a ntìntìn nfɨnə diʼ kətsi kə ə Bobo na kènkə lù bvɨtə vi a ghə̀ŋ to nə̀ tsòŋ.

2 Tèsàlonyà 2:8

Və lyisə wìʼ na ghèn fa ji, wù ətyɨm ə byɨghə na ghèn fʉ. Bobo Yesò lu vi no tèbe achʉʼ ə ko ə zhwi wen nə̀ kəzhwì mu kə fʉ fa wen a chʉ̀, benə əbayn ə ghoʼoghə ə wen.

1 Timotì 6:19

Vəwenə sətsen ə ne alə, mu vəwenə ə we ghʉ kəchɨ kə ngə̀ŋ vəwenə kə to, vəwenə lu kiʼi ntsìnə̀ nəmwèʼè yi a ghə̀ ko lə me.

2 Timotì 1:10

Luwèn sə ə dìʼ mu ghə̀ diʼi li ətyɨm ə jùŋ ghə̀ a ghenə a jì la Yesò Klistò, ə Mbwòŋsə̀ vəghəŋ nvi li. Ghə̀ nvi li ne la kə pfʉ mbe kiʼ kədyòʼ kùmə̀ vəghəŋ. Ghə̀ ziʼi li ntɨm ə jùŋ ə ne la vəghəŋ ə kɨ ntsìnə̀ yi a ghə̀ ko lə mè.

2 Timotì 1:12

A lə kənyʉ̀ ki a ma yen ngəʼ byìʼì kəwenkə, alì ken la ma ndiʼsə kətʉ byiʼ ando ma kɨ kɨ la ghə̀ tùʼmə̀ nə̀ mò ə zaʼa a kətsi a ghə̀ lu bwenə ə vi.

2 Timotì 1:18

Mà jɨ̀mə̀ la Nyìngòŋ lù diʼ ə kusə nshinsə a wen à Kətsi kə bàm. No wù ə kɨ ando ghə̀ ngyàmtə̀ mò a Efesùs.

2 Timotì 2:5

Wù kənyɨŋ zi ko ghə̀ lə nyɨŋ ə zhɨ a bwen tò la ghə̀ ghʉ li təsoʼ tə kənyɨŋ a tyì.

2 Timotì 4:1

Yesò Klistò lu vi to nə̀ fòyn ə soʼ viʼi vyi a və bu tsi nə̀ vi a və pfʉkə li. Byìʼì wokenkə, mà sə gàʼa à wù no nə̀ kədyòʼ kə, ashɨ nə̀ Nyìngòŋ nə̀ Yesò Klistò la,

Taytùs 2:13

Adìʼ a ji aghèn a vəghəŋ diʼ ntsi fa tsu ando vəghəŋ ə kə̀ʼtə̀ kətsi kə kanəkə kì a Nyìngòŋ ə mbwòŋsə̀ vəghəŋ və Yesò Klistò a ghə̀ kiʼi kədyòʼ kə gho kə lu bwènə̀ vì.

Hibùlù 12:11

A zhʉ və tisə wìʼ nə̀ ngwàyn, ghə̀ sə zhʉ kəzaf, ko ghə̀ lə saŋlə, və tisə sə mwetə, ghə̀ ziʼi kənyʉ̀, kə nè la ghə̀ tsi ntsìnə̀ kənyʉ̀ kətɨməkə, be kiʼ ətyɨm ə zhʉ̀tə ghə̀.

Hibùlù 9:28

A lə diʼ fa ji a ghèn a və ə nku Yesò ghə̀ pfʉ to aghayn ə mùʼ ə shʉ mbyɨsə viʼi no vəghoʼo. Ghə̀ lu bwenə ko ghə̀ be vi ə shʉ mbyɨsə viʼi, ghə̀ lu vi ə bwoŋsə̀ viʼi vyi a və nyʉ̀ʼ kəʼtə wen nə̀ tətyɨm tə vəwenə no tsèm.

Jems 1:12

Mbwaʼmə̀ dìʼ à wìʼ yì a ghə̀ ghaʼa tyɨm a zhʉ a təmwòmsə̀ tə vì à wen. Byiʼàndo ghə̀ sətsèn ə̀ to chò təmwòmsə̀ a tèntə, ghə̀ a kiʼi əzhùʼtə̀ yi a Nyìngòŋ ə nghʉ li la ghə̀ a ku à viʼi a və kòŋə̀ wen.

1 Bità 1:4

ə be kiʼi əghoʼ a kàŋ to ando Nyìngòŋ ə nghʉ̀ li mu ghə̀ zizi ko ghə̀ lu fwè, ko byɨf, ko kwitə əkə̀ʼ. Ə ghoʼ na ghənə ə diʼ a ghə̀ŋ ə viʼi Nyìngòŋ.

1 Bità 5:4

Ghə̀ŋ ə nè alə, ndi wìʼ yi a ghə̀ diʼi to nə̀ kətʉ kə a ətsɨŋsə byisə lù bwenə vi no a tʉʼ ə ko ə ku əsòʼ ə təfòyn nə̀ əmòʼtə a ghə̀ŋ, ghə̀ baynə, ko ghə̀ lu musɨ.

Kəmwetə 1:7

Ghə̀ŋ yen a! ghə̀ yì a ghə̀ vì a tì mbòʼsə. No viʼi vətsèm lu yen ə wen ə boʼsə nə̀ viʼi vyi a və nsù wen nə̀ ghoŋə lì. No viʼi vətsèm a kwi nse lu dì byìʼì wen. A dìʼ ə jì a kə lu ndiʼ.

Kəmwetə 19:11

Mà sə kɨ̀blə̀ yen ando əkaŋ ə boʼmə̀, əlyəŋ ə fəfə ghə̀ tsenghə tɨmə à mò a shɨ. Əzhiʼ wìʼ a ghə̀ ə̀ ŋwʉʼ à yi kwì ə̀ ndìʼ, “Wu jùŋ yì a diʼì nəmwèʼè a ndiʼ Yesò Klistò.” Ghə̀ soʼo to ji tɨmə soynə viʼi kəbàyn ə wen.

Kəmwetə 2:10

Ghə̀ŋ zhʉtə a! Kə ghə̀ŋ à fàyn ə̀ ngəʼ yì a ghə̀ŋ diʼi ne kwen tsu. Deblə̀ ne nè la və ghaʼ ghə̀ŋ vətsenvə we a mfɨŋ ə ghə̀ŋ yenə ngəʼ tsu a mətsi wum, à dìʼ tò mwòmsə̀ a ghə̀ vì à ghə̀ŋ. Və ndiʼ zhwi ghə̀ŋ tè zhwi, ghə̀ŋ ə nchoʼsə̀ tò mò, mà nè ku ə̀bwòŋ yi a ghə̀ ko lu mè à ghə̀ŋ a diʼ kəfo kì a ghə̀ŋ ə soynə zhɨ.

Kəmwetə 22:20

Yi a ghə̀ shə̀ʼtə nyʉ̀ na venə gàʼ la, “Kə diʼ nəmwèʼè. Ma vi to luwen!” Amèyn. Vi a Bobo Yesò!

Kəmwetə 4:10

Vəwenə nzhɨmə a lì no zhʉ kò, vəchəʼ vi njʉ̀sə̀ kàʼ a məwum ə̀ mbò laŋtə̀ a shɨ wìʼ yì a ghə̀ ŋwʉʼ a kəfwoyn lì ghoʼsə̀ wen yì a ghə̀ ə diʼì no məzhʉ ə̀ ntsèm. Vəwenə mbe tsuʼtə̀ təsòʼ tə təfòn ə̀ vəwenə tì mòʼò a mbì kəfwon kì zhɨmə ndzàŋ la,

Kəmwetə 4:4

Əfwoyn ə tsenəvə ndìʼ njʉ̀sə̀ kàʼ a məwum ə̀ mbò mu və nyɨŋ li ə̀ nkaʼ kəfwon kì, vəchəʼ njʉ̀sə̀ kàʼ a məwum ə̀ mbò ŋwʉʼ tsu mu vəwenə mòʼ vədàlə və fəfəvə nchiʼ təsòʼ mu və shɨ̀tə̀ nə̀ gul à vəwenə tʉ.