2 Timotì 4:2 - The New Testament in the Babanki language

² wù ə nshə̀ʼtə̀ ntɨm ə jùŋ à viʼi no mənzhʉ̀ ntsèm. Wù nshə̀ʼtə̀ tò shə̀ʼtə̀ kò viʼi ə kòŋ ə zhʉtə, kò və faŋ ke kòŋ. Wù diʼi laynsə kənyʉ̀ ki a viʼi ə nè byɨsə, ə gàʼ la kə vəwenə bè nè, ə sensə la vəwenə ə nzhʉ ənyʉ̀ a venə. Wù sə ə ziʼì vəwenə, wù ə shɨtə ziʼi nə̀ ətyɨm ə zhʉtə ghə̀.

2 Timotì 4:2 ပူးပေါင်းရင်းမြစ်များ

Ŋwàʼlə̀ Luk 7:23

Mbwaʼmə diʼ a wìʼ yì a ghə̀ ko maʼa byɨmə yi a ghə̀ kiʼì a mo.”

Ŋwàʼlə̀ Luk 7:4

Vəwenə dyʉ̀ à Yesò ə sènsə wen no ŋàŋ gàʼà la, “Gyàmtə̀ wìʼ ghèn, ghə̀ diʼ no tò wìʼ a wù yì ndiʼ gyàmtə̀.

Ŋwàʼlə̀ Luk 9:60

Yesò gàʼ à wen la, “Ghʉsə, viʼi və pfʉkəvə bvɨ̀mə̀ viʼi və pfʉkəvə, alì fà wù, wu nshə̀ʼtə̀ dyʉ̀ nə̀ soʼgho kùmə̀ soʼ fòyn Nyìngòŋ.”

Shwèʼ 13:5

Vəwenə nè dyʉ̀ zaʼa a ntə̀ʼ Salamìs a Saybùs ə̀ kwen tsu ə̀ shə̀ʼtə̀ ntɨm Nyìngòŋ a aloʼ ntsèntə̀ Vəjew. Vəwenə ndiʼ wenə̀ və Joyn Mak, a ghə̀ njèʼè gyàmtə̀ vəwenə.

Shwèʼ 16:13

kətsi kəzhʉtə kə Vəjew nè vì, yès lù fʉ̀ fa ntə̀ʼ ayì ə̀ dyʉ̀ a mbyɨ̀ àmù byìʼàndo yès nkɨ la adìʼ kəshi a Vəjew ndyʉ̀ zhùŋtə̀ tsu jɨ̀mə̀. Yès dyʉ̀ ŋwʉʼʉ tsu sə ziʼi ki vi a və mvì tsu.

Shwèʼ 20:7

A nè sə ndiʼ a kəlyɨŋ kə zhʉ mpfwomə a mbì kətsi a woŋ, yès tsèntə̀ əzhɨ, Bol zìtə̀ sə ziʼì viʼi, ə̀ ziʼi tò ziʼi ə zaʼa a ntìntìn nəntʉʼʉ byìʼàndo tʉʼ ndiʼ layn ghə̀ lu.

Shwèʼ 28:16

Andìʼ ando yès mvì zaʼa a Lum, və ghʉsə la Bol ndiʼ tò fà wen a ngeŋ nə̀ sugyèʼ a ghə̀ tsɨ̀ŋə̀ wen.

Lumans 10:15

Wìʼ lə zizi ghə̀ shə̀ʼtə̀ ntɨm a ghèn a viʼi ko andiʼ la və tɨmə wen tɨmə a? Və nyòʼò li a Ŋwàʼlə̀ Nyìngòŋ la, “Ghə̀ŋ yen ando viʼi ə vi nə̀ ntɨm ə jùŋ ə shə̀ʼtə̀, məvì ə vəwenə boŋ ə no nànto!”

Lumans 12:12

Ghə̀ŋ saŋlə kumə nyʉ̀ vyi a ghə̀ŋ kɨ la və diʼ ambì. Ngəʼsə nvi a ghə̀ŋ, ghə̀ŋ wensə to wensə be jɨ̀mə̀ to məzhʉ̀ ə tsèm.

Gàlesìyà 6:6

Wìʼ yi a və ziʼi wen nə̀ gaʼa Nyìngòŋ diʼ ngə̀tə̀ ku ndìʼsə̀sə ə wen nə̀ əfo ə jùŋ vi a ghə̀ kiʼi, no ə tsèm.

Kòlòsyàns 1:25

Nyìngòŋ be tsuʼ mo a wù ə shwèʼ a viʼi və byɨmə ə Klistò. Əshwèʼè a ghənə diʼ la mà shə̀ʼtə̀ mwetə ntɨmə Nyìngòŋ na ghèn a ghə̀ŋ.

Kòlòsyàns 4:3

Ghə̀ŋ be njɨ̀mə̀ a yes la, Nyìngòŋ ə nè yes kɨ jisə ə shə̀ʼtə̀ ntɨm ə jùŋ kumə ənyʉ̀ ə tò və vi a Nyìngòŋ ə diʼi làynsə a yes kumə Yesò. Ma diʼ a ngə̀ŋ nfɨŋ byìʼì ntɨm ə jùŋ na ghèn a ma shə̀ʼtə̀ lə.

1 Tèsàlonyà 1:6

Nò tèbe ghə̀ŋ ə shəmə ntsìnə̀ yes be shəmə ntsìnə̀ Bobo. Nò tèbe ando ghə̀ŋ ə yen nə̀ ngəʼ no nànto, kəzhwì kə Ŋwoʼkə ə vi li ə nè ghə̀ŋ shisə ntɨm na yi nə̀ saŋlə.

1 Tèsàlonyà 5:14

Yes ə sensə tamə ghə̀ŋ a vəlemə la, ghə̀ŋ ku kətyiftə a viʼi vyi a və ko kòŋ tebè ə nə̀ shyèʼ, ə nè la viʼi və fwàynkəvə ə nkiʼ tətyɨm tə totə, ə gyàmtə̀ viʼi vyi a vəwenə ə kəŋ ə gyamtə. Ghə̀ŋ ə kiʼ əkwiʼ ətyɨm no tèbe a ndò.

1 Tèsàlonyà 5:20

kò tensə ntɨm yì a viʼi shə̀ʼtə̀ a ghə̀ŋ mu ghə̀ lù fa Nyìngòŋ.

1 Timotì 4:13

Wù mwòmsə ndzàŋ Ŋwàʼlə̀ Nyìngòŋ à viʼi, shə̀ʼtə̀ ntɨm ə jùŋ, be ziʼi viʼi ə zaʼa fa zhʉ mà vì.

1 Timotì 5:20

Chəʼ ngə̀ŋ Nyìngòŋ ə ne mbyɨ, wu gham ə wen tò a ndayn ndi viʼi vətsenvə yen ə fàyn.

2 Timotì 2:21

A sətsen no te ndò ghʉsə ənyʉ̀ ə byɨvə ə ndìʼ nə̀ laynə, Nyìngòŋ a lyɨ̀ wen tò nə̀ əkayntə wìʼ byìʼ ando ghə̀ ku li wenə wen ə sə dìʼ ə nkàyntə̀ wù ə shyèʼ à wen, kəʼtə ə ne no tənkì tə shyèʼ tə jùŋ tə no tə tsèm.

2 Timotì 2:25

Tisə viʼi vyi a və nkəmə kənyʉ̀ ki a wu gàʼà nə̀ mbwaʼmə, kɨ la Nyìngòŋ ne nè ə vəwenə kwitə tətyɨm tə vəwenə fa vəwenə mbyɨsə ə bwènə̀ vi ə kɨ kənyʉ̀ ki a kə diʼ nəmwèʼè.

2 Timotì 3:10

Timotì, wù sə dìʼ luwèn alə mu wù ndzɨ̀mtə̀ li əziʼi ə ghomə, nə̀ ntsìnə̀ ghom, nè kənyʉ̀ ki a mà tə ə nkwòʼtə̀ ə lu ə nè. Wù yen li jì yi a ma choʼsə Klistò fatsu, kiʼi ətyɨm ə zhʉtə ghə̀, kòŋ viʼi, kɨ ə kwiʼi ətyɨm.

Taytùs 1:13

Wìʼ aghèn ə̀ ngàʼa tò nəmwèʼè. Kə lə dìʼì la wù diʼ kəŋkə̀ vəwenə nə̀ kədyòʼ kə, tisə vəwenə ndi vəwenə byɨmə tò kənyʉ̀ kì a kə diʼì nəmwèʼè

Taytùs 2:15

Dìʼsə̀ nyʉ̀ venə, tyɨftə vəwenə be kəŋkə̀ vəwenə nə̀ àdyoʼ no tsèm a wu kiʼì a vəwenə a kətʉ. Kə a mòʼtə la wìʼ à chàs wù!

Hibùlù 13:22

Vəlemə ə vwomə ma sensə la ghə̀ŋ shɨtə ghaʼ nyʉ̀ venə a mà gàʼa lə̀. Ma ko nyoʼ nyʉ̀ ə ghoʼo və.

Kəmwetə 3:19

Mà kəŋkə̀ be ku ngəʼ à viʼi vi a mà ə kòŋə̀. Ghə̀ŋ ə nlɨ̀mtə̀ ə̀ bè kwitə tətyɨm ə təŋtə fà ghə̀ŋ ə mbyɨsə.