2 Timotì 4:18 - The New Testament in the Babanki language

¹⁸ Mà kɨ la Bobo a mbwòŋsə̀ mò no fa nyʉ̀ byɨvə no tsèm ə bè lyɨ̀ mò ə mà shɨ̀tə̀ jèʼ kwen akəshi kə fòyn ə̀ wen a kaŋ. Viʼi ə nkuʼsə wen no məzhʉ ntsèm. Amèyn.

2 Timotì 4:18 ပူးပေါင်းရင်းမြစ်များ

Matìyò 13:43

Viʼi kənyʉ̀ kə tɨməkə lu mbaynə a tʉʼ ayì tò nə̀ chʉzhʉ a kəshi kə fòyn Tìʼ vəwenə. No ndò a ghə̀ kiʼi tiʼitiʼi ghə̀ tuʼù zhʉtə.”

Matìyò 25:34

A dìʼ a zhʉ a yì a fòyn a gàʼ à viʼi kənyʉ̀ kə tɨmə kə vi a və ti à wen a shyə kwoŋ toghə la, ‘Ghə̀ŋ venə a Tìʼ ghomə bwaʼsə li lə̀, ghə̀ŋ kwen vì ə̀ nzhɨ njùŋ yì a ghə̀ nshɨtə li ghʉ̀ a ghə̀ŋ fa kənzìtə̀ kə mbi,

Matìyò 6:13

Kə wu ghʉsə ə mwòmsə ə vi a yès, bwoŋsə yes fa ənyʉ̀ ə byɨvə. Byìʼì ando əfòyn ə wu ə soʼo tò wù, à kiʼì tò wù kiʼi kədyòʼ, nə̀ ə bayn ə ghoʼ ghə to məzhʉ ntsèm. Amèyn.’

Ŋwàʼlə̀ Luk 11:4

Lyèsə̀ ku nyʉ̀ byɨvə yès ando yès lyèsə̀ ku no məndo yì a ghə̀ ne mbyɨ à yès. Kə a ghʉsə la mwòmsə vì à yès.’”

Ŋwàʼlə̀ Luk 12:32

“Kə ghə̀ŋ à fwaynə, ando nòynə ghə̀ŋ tyetə, byiʼ ando Tìʼ ghə̀ŋ Nyìngòŋ kòŋ li əku soʼ fòyn wen à ghə̀ŋ.

Ŋwàʼlə̀ Luk 22:29

Ando tìʼ ghom nkuli soʼ fòyn a mò, a diʼ ndə̀ŋndəŋ jì a ma ku soʼ ayi a ghə̀ŋ,

Joyn 17:15

Ma ko jɨ̀mə̀ tebè la wù shisə vəwenə fa mbyi. Ma jɨ̀mə̀ la wù tuʼmə ə lyòmtə vəwenə fa Deblə̀.

Lumans 11:36

A shɨtə Nyìngòŋ shɨtə fo ə tsèm, fo a vyi sə diʼ to byìʼì ando ghə̀ kòŋ la və ndiʼ, vì nə̀ əkuʼsə a wen. Əkuʼsə ə dyʉ̀ a Nyìngòŋ to məzhʉ̀ ə tsèm. Amèyn.

Lumans 16:27

Əkuʼsə ə dyʉ̀ a Nyìngòŋ ə, chò fa Yesò Klistò to məzhʉ̀ ə tsèm! A diʼ to wen yi mùʼ a ghə̀ kiʼi ətof ə tsèm. Amèyn.

1 Kolìntyàns 1:21

Nyìngòŋ ə nyen li fa wen a tof la viʼi ko lu kɨ tebè wen nə̀ ətof ə ngəŋ ə vəwenə. Ghə̀ boŋsə ghʉ̀ la ghə̀ be lù bwòŋsə viʼi vyi a və zhʉ ntɨm yì a yès ə shə̀ʼtə̀ ə byɨmə no tèbe ando viʼi vətsenvə gàʼa la à diʼ kəkoynkə kənyʉ̀.

1 Kolìntyàns 10:13

Nò mwomsə ə tsen ghə̀ ko diʼ a ghə̀ vì a ghə̀ŋ ko andiʼ la ghə̀ tɨmə vì a wìʼ. Nyìngòŋ ə tuʼmə. Ghə̀ ko a moʼtə la mwòmsə̀ ə vi a ghə̀ to chò kədyòʼ ə kəŋkə̀. Əmwòmsə̀ ə sətsèn vì a ghə̀ŋ, ghə̀ a diʼ ji yì a ghə̀ŋ nyɨŋ fa tsù, ko mwòmsə̀ na yi a to ghoʼ ghə̀ŋ.

1 Kolìntyàns 15:50

Kənyʉ̀ ki a ma gàʼà a vəlemə vwomə diʼ la, wìʼ ko lu yenə əfòynə Nyìngòŋ nə̀ kətsoʼ kə wèn kenkə, kəfo kì a kə fwè zizi ko kə lu kiʼi kəfo ki a kə ko lu fwè.

2 Kolìntyàns 1:10

Ghə̀ ə bwoŋsə li yès fa chʉ̀ əpfʉ̀ ə, diʼ lù be ə bwoŋsə yes. Yès ə kɨ to no nəmwèʼè la ghə̀ lu bwòŋsə yès.

Gàlesìyà 1:5

Ma jɨ̀mə̀ la viʼi Əkuʼsə Nyìngòŋ to məzhʉ̀ ə tsèm. Amèyn.

1 Tèsàlonyà 5:23

Nyìngòŋ yi a ghə̀ kù mbwaʼmə a vəghəŋ na nè ghə̀ŋ ndiʼ nə̀ laynə ə no tèbe a ji ə kò, ə wʉ̀ ntsìnə̀ ə ghəŋə nə̀ kəzhwì ə kəŋkə̀ nə̀ əwen ghenə, ko wìʼ lu ghàm ghə̀ŋ a kənyʉ̀ no fa mphen a kətsi yi a Bobo vəghəŋ Yesò Klistò bwenə vi.

2 Tèsàlonyà 3:3

Alì Nyìngòŋ ə gàʼa tèbe la ghò, ghə̀ nè to ali. Ghə̀ na nè tətyɨm ə təŋtə ə to ə bwoŋsə ghə̀ŋ fa kəvu ə Deblə̀.

1 Timotì 1:17

Yes ə jɨ̀mə̀ la və ə kuʼsə fòyn yi a ghə̀ soʼo no məzhʉ ntsèm, a diʼ tò wen Nyìngòŋ, ko ndiʼ la ghə̀ lu ə pfʉ, viʼi ko yenə wen. Yes ə jɨ̀mə̀ la viʼi faŋ ə ngumlə̀ tò wen no to məzhʉ ntsèm. Amèyn.

1 Timotì 6:16

ghə̀ diʼ ko ə ghə̀ lu ə pfʉ, dìʼ a ntìntìn əbayn yi a wìʼ ə zi ko ghə̀ lə bòʼtə̀ ashɨ ə wen ə ki. Wìʼ ko təmə yen Nyìngòŋ a ghèn, ko ghə̀ diʼ ə lu ə yen. Viʼi diʼ ə ghoʼsə wen. Ghə̀ nsoʼo mbi ghèn no nə̀ kədyòʼ no məzhʉ ntsèm! Amèyn.

2 Timotì 1:12

A lə kənyʉ̀ ki a ma yen ngəʼ byìʼì kəwenkə, alì ken la ma ndiʼsə kətʉ byiʼ ando ma kɨ kɨ la ghə̀ tùʼmə̀ nə̀ mò ə zaʼa a kətsi a ghə̀ lu bwenə ə vi.

2 Timotì 4:1

Yesò Klistò lu vi to nə̀ fòyn ə soʼ viʼi vyi a və bu tsi nə̀ vi a və pfʉkə li. Byìʼì wokenkə, mà sə gàʼa à wù no nə̀ kədyòʼ kə, ashɨ nə̀ Nyìngòŋ nə̀ Yesò Klistò la,

Hibùlù 11:16

Vəwenə boŋsə kəŋ əloʼ a ghə̀ boŋ chò ə loʼ a yi, à diʼ lòʼ əkaŋ. Vəwenə toŋtə Nyìngòŋ la Nyìngòŋ ə vəwenə, ko Nyìngòŋ ə be diʼsə̀ kətʉ. Vəghəŋ ə kɨ alə̀ byìʼì ando ghə̀ sə diʼ mù ghə̀ shɨtə li ntə̀ʼ a vəwenə akàŋ.

Hibùlù 12:22

Ghə̀ŋ kɨ li la ghə̀ŋ boŋsə li ə nvi ntɨmə a ben phèn ə Zayòn, a ntə̀ʼ Nyìngòŋ yi a ghə̀ tsi. Ntə̀ʼ na ghèn ndiʼ ntə̀ʼ Jelusalèm yì a ghə̀ diʼ akàŋ, ətsɨŋsə Nyìngòŋ sə diʼ tsu, və taŋ le.

Jems 2:5

Ghə̀ŋ zhʉtə a vəlèmə̀ və kòŋə̀ mò! Nyìngòŋ ntsùʼ li viʼi vi a viʼi mbyi lyɨ̀ la à dìʼ viʼi kəmfem ə̀ nlyɨ̀ la à dìʼ viʼi vəghoʼkəvə a byɨmə mbe ghʉ la vəwenə lu zhɨ soʼ fòn Nyìngòŋ yi a Ghə̀ nghʉ li la yì lu ku à viʼi vyi a və kòŋə̀ wen.

1 Bità 1:5

Nyìngòŋ ə kəŋə ghə̀ŋ nə̀ kədyòʼ kì a ghə̀ kiʼi. Ghə̀ ne kəŋə byìʼì ə byɨmə ə ghəŋə, ghə̀ŋ diʼ lù kiʼi əbwòŋ yì a ghə̀ baʼtə̀ li ə lu ku a ghə̀ŋ a ndayn a tʉʼ bàm.

1 Bità 5:11

Kədyòʼ kə wen kə faŋ to faŋ to məzhʉ ə tsèm. Amèyn.

2 Bità 1:11

a li Nyìngòŋ ə nè la ji bayn mwetə ndi ghə̀ŋ kwen akəshi kə əfòyn ə Bobo, ə Mbwòŋsə̀ vəghəŋ Yesò Klistò, a diʼ əfòyn mu ghə̀ faŋ li to ghayn əmùʼ.

2 Bità 3:18

Ali ghə̀ŋ ə mbòŋsə kwi to kwi a ntìntìn boŋ tyɨm ə Bobo ə Mbwòŋsə̀ vəghəŋ Yesò Klistò be ziʼi ə nkɨ wen. Kuʼsə ə ndiʼ wen luwen, be zaʼa no fa ze. Amèyn.

Ŋwàʼlə̀ Jud 1:1

A nyòʼò mò Jud ə lèmə̀ Jems ə nyòʼtə̀ ŋwàʼlə̀ ghèn a ghə̀ŋ. Mà diʼ wù ə shwèʼè ə Yesò Klistò. Ma nyòʼò ŋwàʼlə̀ ghèn a ghə̀ŋ a vəlemə və jùŋ və vyi a və ndzàŋ li ə shisə, ghə̀ŋ sə tsi a tyì əkòŋ Nyìngòŋ Tìʼ, Yesò Klistò ə sə lye ghə̀ŋ.