2 Timotì 4:14 - The New Testament in the Babanki language

¹⁴ Alèksandà a ghə̀ tì kəlàm tə mwòm kənyʉ̀ à mò wen kə fànsə̀ no nànto. A ne loʼ to Bobo loʼ wen byìʼì kənyʉ̀ a kì.

2 Timotì 4:14 ပူးပေါင်းရင်းမြစ်များ

Lumans 12:19

Kə ghə̀ŋ be lù mbwensə mbyɨ a doŋ shomsə. Ghə̀ŋ boŋsə əwʉ̀sə a Nyìngòŋ, ghə̀ diʼ tin nə̀ fwi ə wen to ndə̀ŋndəŋ ando və nyoʼo li la Bobo ə gàʼ la, “A diʼ kəshi ə komkə ə shisə nyʉ̀ vyi a viʼi ə nè. Mà lu bwènsə̀ loʼ nyʉ̀ ə byɨvə ə viʼi.”

Lumans 2:6

Ghə̀ lu ku əmoʼtə əshwèʼè no ndò a wen.

2 Tèsàlonyà 1:6

Nyìngòŋ ə lu ku ngəʼ a viʼi vyi a və tə ə ku ngəʼ a ghə̀ŋ byìʼì ando ghə̀ nè to kənyʉ̀ ki a kə diʼ kənyʉ̀ kətɨməkə.

1 Timotì 1:20

Hymenùs nə̀ Alèksandà ə diʼ viʼi vətsenvə a ntìntìn ə̀ viʼi a venə. Mà sə diʼ mu ma ku li vəwenə à Satan la ghə̀ ku ngəʼ à vəwenə ndi vəwenə ziʼi ətof ko ndiʼ la vəwenə bè a nziʼi nyʉ̀ ndzɨŋsə byìʼì Nyìngòŋ.

2 Timotì 4:15

Nkàyntə̀ wù be diʼ tùʼmə̀ byìʼì wen byìʼì ando ghə̀ tə ə ngàʼà ənyʉ̀ no a kədyòʼ, ko və boŋ byìʼì ntɨm ə jùŋ yì a vəghəŋ ə ziʼi.

1 Joyn 5:16

A sətsèn à yen tè ndò yèn lèmə̀ wen ghə̀ nè mbyɨ, a ko diʼ mbyɨ a ghə̀ gə̀sə̀ wen fa əbwòŋ. Ghə̀ jɨ̀mə̀ a Nyìngòŋ a ghə̀ a ku əbwòŋ à wen. Kènkə dyʉ̀ a viʼi vi a mbyɨsə vəwenə sə diʼ shìsə a sə ko gə̀sə̀ vəwenə fa bwòŋ lì. Mbyɨ dìʼ a ghə̀ gə̀sə̀ viʼi fa bwòŋ. Mà ko gàʼà la wìʼ jɨm byìʼì nki mbyɨ aghèn.

Kəmwetə 18:20

“Ghə̀ŋ vi a ghə̀ŋ ə tsi a kàŋ, ghə̀ŋ ə nsaŋlə̀. Ghə̀ŋ ə nsaŋlə̀ a viʼi Nyìngòŋ nə̀ viʼi ə ntɨm nə̀ nshə̀ʼtə̀sə sə̀ ghoʼkəsə byìʼàndo Nyìngòŋ ə sisə li kənyʉ̀ a ghə̀ ə̀ ne à ghə̀ŋ.”

Kəmwetə 18:6

Ghə̀ŋ ne to kənyʉ̀ kì à wen a ghə̀ tə̀ ne à ghə̀ŋ. Ghə̀ŋ sə mbwènsə̀ loʼo wen a ənyʉ̀ a ghə̀ ə̀ ne à ghə̀ŋ, ghə̀ŋ ə lòʼo ə̀ zòmtə Ghə̀ŋ sə nku məlyʉ̀ʼ mə ntomə̀ à wen, ghə̀ŋ ə ku mì a mə to chò məlyʉ̀ʼ a ghə̀ ə̀ nku à ghə̀ŋ.

Kəmwetə 6:10

Əzhwi a vyi zɨmə̀ gàʼà no a gɨ to la, “Bobo a ghə̀ kiʼi àdyoʼ ə̀ tsèm, ŋwòʼə̀ be diʼ nəmwèʼè, kə a lyɨ̀ ə zhʉ ale ə wù soʼ viʼi venə a nse ə ku ngəʼ à vəwenə ando vəwenə tə zhwì yes a?”