2 Timotì 4:11 - The New Testament in the Babanki language

¹¹ A faŋ tò Luk a shə̀ yo wen. Wù sə ə nvì wu vi ve Mak ndi ghə̀ ə ngyàmtə̀ mò a mò a shyèʼ.

2 Timotì 4:11 ပူးပေါင်းရင်းမြစ်များ

Matìyò 19:30

Kənyʉ̀ a ghə̀ŋ diʼi be kɨ dìʼ la, nghoʼo viʼi a və diʼì luwèn a mbì lu ndiʼ a bàm, nghoʼo viʼi a və diʼ a bàm luwèn lu ndiʼ a mbì.”

Matìyò 20:16

Yesò mù sə mwètə̀ ə̀ gàʼ la, “Nghoʼo viʼi a və diʼì a mbì luwèn lu ndiʼi bàm, ə̀ viʼi a və diʼì a bàm luwèn lu ndiʼ mbì.”

Ŋwàʼlə̀ Luk 13:30

Ma sə gàʼà a ghə̀ŋ la, à lu ndiʼ a tʉʼ ayì, viʼi vyì a vəwenə diʼì a bàm luwen, lu ndiʼ a mbì, ə vyi a və diʼ a mbì luwen, lu ndiʼ a bàm.”

Shwèʼ 12:12

Bità nè yen nyʉ̀ vyi a və mfʉ̀ à wen lì myètə̀, lù dyʉ̀ a ngə̀ŋ Mèli, andiʼì lì Joyn Mak ə̀ yen mu viʼi zhùŋtə̀ li sə jɨ̀mə̀.

Shwèʼ 12:25

Andìʼ ando Balnabas wenə̀ Saul mwètə̀ shyèʼ vəwenə a Jelusalèm, vəwenə bwènə̀ vì a Antìyòk wenə̀ və Joyn Mak.

Shwèʼ 15:37

Balnabas sə kəŋə la wenə̀ və Joyn Mak tsèntə jèʼ a muʼu,

Shwèʼ 15:39

Vəwenə zìtə̀ ntaŋ a kəshi ayì no faynsə ə̀ gə̀sə̀. Balnabas lyɨ̀ Joyn Mak wenə̀ wen kwen a kànuʼ ə̀ dyʉ̀ a Saybùs.

Shwèʼ 16:10

Fa yì a bàm, yo vəwenə baʼtə̀ tò a zhʉ a yì əlu dyʉ̀ a loʼ Macedonia byìʼàndo yès nyen li la Nyìngòŋ ə kəŋə la yès dyʉ̀ shə̀ʼtə̀ ntɨm jùŋ à loʼ ayì.

Kòlòsyàns 4:10

Alìstakùs a yo wen diʼ a ngə̀ŋ nfɨŋ gàʼ la mà toŋtə ghə̀ŋ, Mak ə lèmə̀ Bànabàs gàʼ tamə ali. Ghə̀ŋ sə diʼ mù və gaʼa li a ghə̀ŋ kumə Mak. Ghə̀ vi, ghə̀ŋ shisə wen akayn.

Kòlòsyàns 4:14

Luk, ə wù chʉʼ viʼi yi a yès ə kòŋ no akayn li wenə Demàs gàʼ la mà toŋtə ghə̀ŋ.

2 Timotì 1:15

Wu kɨ la no viʼi və byɨməvə vi a və diʼì aloʼ ə Asìyà no və tsèm nyɨŋ li əmoʼtə mò. A ntìntìn ə vəwenə a diʼ Figelùs nə̀ Helmogenes.

2 Timotì 2:21

A sətsen no te ndò ghʉsə ənyʉ̀ ə byɨvə ə ndìʼ nə̀ laynə, Nyìngòŋ a lyɨ̀ wen tò nə̀ əkayntə wìʼ byìʼ ando ghə̀ ku li wenə wen ə sə dìʼ ə nkàyntə̀ wù ə shyèʼ à wen, kəʼtə ə ne no tənkì tə shyèʼ tə jùŋ tə no tə tsèm.

Filimùyn 1:24

Viʼi venə ə be tɨmə ətoŋtə a wù. A yi Mak nə̀ Alistakùs nə̀ Demàs nə̀ Luk. Yo vəwenə shwèʼè a kənyʉ̀ kə mùʼ.

1 Bità 5:13

Lèmə̀ ghə̀ŋ yi a ghə̀ diʼi a Babilòyn, a yi nòynə ə viʼi və byɨməvə vi a Nyìngòŋ ə tsuʼ li, ə tɨmə ətoŋtə a ghə̀ŋ. Mak, ə wàyn ghom a əbyɨmə ə be tɨmə ətoŋtə a ghə̀ŋ.