2 Timotì 3:8 - The New Testament in the Babanki language

⁸ Viʼi a venə ə taʼsə əziʼi yi a ghə̀ diʼì nəmwèʼè tò ndə̀ŋndəŋ ando Janès wenə̀ Jambles ə nlu sə taʼsə əziʼi ə Mosìs. Vəwenə ə nkiʼ təkwòʼtə̀ tə byɨtə, ko və mbe kwʉ̀ʼmə̀ a kənyʉ̀ kətsenkə a ntìntìn byɨmə.

2 Timotì 3:8 ပူးပေါင်းရင်းမြစ်များ

Shwèʼ 15:24

Yès zhʉ li la viʼi vətsenvə fa yès a ntìntìn tə vì gàʼ nyʉ̀, à ghə̀ŋ və sə ku ngəʼ a ghə̀ŋ a tətyɨm. Nyʉ̀ avenə a Vəwenə tə gàʼ lə̀ ko tə gàʼ yès.

Lumans 1:28

Ando vəwenə tyenli əbyɨmə Nyìngòŋ, ghə̀ moʼtə li vəwenə a ntìntìn kwoʼtə ə nəkwoŋ ə vəwenə a ghèn, vəwenə sə kumə tsì, ne nyʉ̀ a və ko kwʉʼʉ.

Lumans 16:18

Tənki tə viʼi na tèntə ə ko shyèʼ a Bobo vəghəŋ Yesò. Vəwenə kəŋ to ə nə̀ nè nyʉ̀ vyi a və nfwomə a vəwenə. Vəwenə gàʼa nyʉ̀ ə fwoməvə to ə lobtə viʼi vyi a və ko shɨtə kɨ nyʉ̀.

Efisyàns 4:14

Kə sətsen ndiʼ alə̀, ko vəghəŋ be a diʼ to nə̀ vwondyə a və diʼ to nə̀ nkanuʼ a əfwof ə̀ tenlə cho a mù. Kə vəghəŋ be a ne nyʉ vi a viʼi lobtə vəghəŋ nə̀ ndzɨŋsə diʼ to nə̀ tofə kəŋ tasə a diʼ nəmwèʼè

1 Timotì 1:19

Shɨtə ghaʼ əbyɨmə ə wu à Yesò Klistò, ə nkiʼ kwoʼtə ə laynə ghə̀. Viʼi vətsenvə tensə li ə ne kənyʉ̀ ki a kwòʼtə ə laynə ghə̀ a ghenə ə diʼi, ə maʼa əbyɨmə ə vəwenə.

1 Timotì 4:2

Tənkì tə əziʼi a tentə ə diʼ ə ziʼi ndìʼsə̀sə ə ndzɨŋsə, ko tətof tə vəwenə tə ko be tɨmə, mu tə pfʉ li sə diʼ sə və nyʉ̀ʼ nə̀ zhiʼ.

1 Timotì 6:5

bè vi nə̀ kəngùmə̀ kə à viʼi vi a tətof tə vəwenə tə nyɨŋ li, ko vəwenə bè kɨ kənyʉ̀ ki a kə diʼ nəmwèʼè. Vəwenə ə kwòʼtə̀ la kənyʉ̀ kə Nyìngòŋ kə diʼ jì ə ko à vəwenə.

2 Timotì 4:15

Nkàyntə̀ wù be diʼ tùʼmə̀ byìʼì wen byìʼì ando ghə̀ tə ə ngàʼà ənyʉ̀ no a kədyòʼ, ko və boŋ byìʼì ntɨm ə jùŋ yì a vəghəŋ ə ziʼi.

Taytùs 1:10

Mà gàʼà alə̀ byìʼàndo viʼi diʼ no vəghoʼo a və ko zhʉ gɨ̀, gàʼà tò əgàʼ zɨmghə be lobtə̀ viʼi. Nyʉ̀ avenə tùʼù nè vəjew vyi ə bwensə li ə sə dzɨ̀mtə̀ Klistò.

Taytùs 1:16

Vəwenə gàʼà la vəwenə kɨ Nyìngòŋ alì ntsìnə̀sə vəwenə sə dìʼì la vəwenə tyenə wen. Ntsìnə̀sə vəwenə sə nyèlə̀. Vəwenə to kətʉ ko a ndiʼ la vəwenə kwʉ̀ʼʉ̀ ənè tè kənyʉ̀ kə jùŋə kə kətsenkə.

2 Bità 2:14

Vəwenə nə̀ nyʉ̀ʼ no zhʉ̀ko, kwoʼtə to ki viʼi. Vəwenə nə̀ nè mbyɨ, ko və bwaʼa, ə yèyn viʼi vi a əbyɨmə ə vəwenə ə bwaʼa, və lobtə, və kwen a mbyɨ. Vəwenə ghʉ li tə kwoʼtə tə vəwenə to ko. Nyìngòŋ ə telə li vəwenə!

1 Joyn 2:18

Məntsi mə̀ kəmwetə boʼsə li a vunə vwomə. Ghə̀ŋ ə zhʉ li la wù kəbàyn ə̀ Klistò diʼ lu vì, viʼi kəbàyn ə̀ Klistò diʼ mu və vi li luwèn no vəghoʼo. A le ji a vəghəŋ ə kɨ la məntsi mə̀ kəmwetə boʼsə li.

1 Joyn 4:1

Viʼi ndoŋsə mò, kə ghə̀ŋ a mbyɨmə viʼi vətsèm a və gàʼà la vəwenə kiʼ kəzhwì, alì ghə̀ŋ mwomsə vəwenə ə yen la, tì kəzhwì akì lù fà Nyìngòŋ lo. Ghə̀ŋ diʼ ənè a lì byìʼàndo nshə̀ʼtə̀sə ndzɨŋsə fʉ li se jèʼè fa mbi no səghoʼo.

Kəmwetə 2:20

Alì mà ghàmə̀ ghə̀ŋ to kənyʉ̀ kènkə kə mùʼ: la ghə̀ŋ ə ghʉsə li wùwì ghèn ə Jezebel a ghə̀ gàʼà la yì dìʼ ə nshə̀ʼtə̀ ghoʼo, ghə̀ sə lobtə̀ viʼi shyèʼ mò la vəwenə ntsi nə̀ ki ko nə̀ lʉmə à ko kiʼ vəwenə. Ghə̀ be nè la vəwenə nzhɨ ə̀fo zhɨvə a və moʼò vənyìngòŋ tsu.

Kəmwetə 2:6

Kənyʉ̀ a ghə̀ŋ ə nè a kə bòŋə̀ à mò dìʼ la ghə̀ŋ ə bàynə̀ ənyʉ̀ tsenəvə a nkàyntə̀ mo ə bè bàynə̀. Ənyʉ̀ a vyi diʼ ənyʉ̀ a ndzɨ̀mtə̀sə bàm ə̀ Nikolawus sə nè.