2 Timotì 3:16 - The New Testament in the Babanki language

¹⁶ No te kənyʉ̀ kə ko a və nyoʼo a Ŋwàʼlə̀ Nyìngòŋ kə diʼ mu à nkù Nyìngòŋ la və nyoʼo, kə boŋə kwʉʼmə la və nziʼi viʼi tsu, shə̀ʼtə̀ la viʼi shwe li fatsu, tomsə viʼi fatsu, dìʼsə̀ viʼi fatsu ndi və ə ntsi ntsìnə̀ ə tɨmə.

2 Timotì 3:16 ပူးပေါင်းရင်းမြစ်များ

Matìyò 13:52

Ghə̀ mù gàʼ à vəwenə la, “Ndìʼsə̀sə təsoʼ shì a sə ziʼì li ə̀ kɨ kənyʉ̀ kì a Sòʼ Fòyn Nyìngòŋ diʼ wenə ghə̀, dìʼ mu və se li tò nə̀ tì ngə̀ŋ yì a ghə̀ kiʼi ghoʼ wen à wen a kəntuʼ sə shìsə fo fivə nə̀ muvə fa tsu shyèʼè nə̀ wenəvə no tsèm.”

Matìyò 21:42

Yesò bwènsə̀ gàʼ à vəwenə la, Ŋwàʼlə̀ Nyìngòŋ ə gàʼ à la, Ngùʼ yì a viʼi shwèʼ tə màʼà lì kaʼsə li sə diʼ ngùʼ bʉ ngə̀ŋ. A dìʼ shwèʼè Bobo alə̀, à diʼ kənyʉ̀ kə mesəkə à vəghəŋ?

Matìyò 22:43

Yesò bèm à vəwenə la, “A zhʉ a kə diʼ a lì byìʼì ghò a kəzhwì kə ŋwoʼəkə ne la ghə̀ dzàŋ wàyn wen aghèn la Bobo a? Mà bèm alə̀ byìʼàndo Devìt nlù gàʼ la,

Matìyò 26:54

Mà sətsèn mù nè a lì mu kənyʉ̀ kì a və ə̀ nyòʼò li a ŋwàʼlə̀ Nyìngòŋ byìʼì mò ko a lyɨ kəshi.”

Matìyò 26:56

Nyʉ̀ venə diʼi fʉ̀ alə̀ ndi nè la nyʉ̀ vyi a Nyìngòŋ ngaʼà chòsə̀ fà nshə̀ʼtə̀sə wen la və lyɨ kəshi.” No a zhʉ̀ kò ndzɨ̀mtə̀sə bàm wen sə nyɨŋkə no sə tsèm mòʼtə̀ wen.

Ŋwàʼlə̀ Mak 12:24

Yesò gàʼ à vəwenə la, “Ghə̀ŋ ko kwòʼtə̀ a ji tɨmə byìʼàndo ghə̀ŋ ko kɨ̀ kənyʉ̀ a ŋwàʼlə̀ Nyìngòŋ gàʼà, kò ghə̀ŋ lu nkɨ kənyʉ̀ a Nyìngòŋ zì ghə̀ ne.

Ŋwàʼlə̀ Mak 12:36

Kəzhwì kə ŋwoʼkə ne li Devìt gàʼ, gàʼà la, “Bobo Nyìngòŋ ngàʼa à Bobo ghom la, ŋwʉʼmə a shyə kwòŋ toghə mò əzaʼa fa tʉʼ a ma ghʉ viʼi kəbàyn wù à wù a tì aghʉ.”

Joyn 10:35

Nyìngòŋ ə sətsen ə toŋtə viʼi vyi a kənyʉ̀ kə Nyìngòŋ kə ə vì a vəwenə la, ‘Vənyìngòŋ,’ vəghəŋ ə kɨ la və zizi ko və lu kwitə kənyʉ̀ kə Nyìngòŋ,

Joyn 3:20

Nò ndò yi a ghə̀ ne nyʉ̀ ə byɨvə ko kòŋ əbayn, ko ghə̀ lu kòŋ ə fʉ̀ fa tsu, ə nyʉ̀ ə byɨvə ə wen a fʉ̀ a ndayn.

Shwèʼ 1:16

“Vəlèmə̀ vwomə, nyʉ̀ venə a və chò kùmə̀ Judàs tə ndiʼ chò ndi lwinsə kənyʉ̀ kì a kəzhwì kə ŋwoʼəkə ə̀ nè Foyn Devìt gàʼ və bè nyòʼ a ŋwàʼlə̀ Nyìngòŋ byìʼì Judàs a ghə̀ tə sùʼ Yesò la ntsɨ̀ŋsə ngə̀ŋ Nyìngòŋ sə ghaʼ.

Shwèʼ 18:25

Ghə̀ ndìʼ mu ghə̀ bè ziʼi nyʉ̀ byìʼì jisə shìsə a Bobo kəŋ la viʼi ntsi fa tsu, ə sə gàʼà no nə̀ kədyoʼkə, be ziʼi viʼi byìʼì Yesò a ji a ghə̀ ndìʼì la ghə̀ nkɨ kənyʉ̀ a ghə̀ nziʼì. Ghə̀ ntùʼù kɨ tò nyʉ̀ vyi a Joyn wu ku amù nziʼì byìʼì mu mì a ghə̀ nku à viʼi lì.

Shwèʼ 20:20

Ghə̀ŋ ə kɨ la ma ko tə sə nziʼì ghə̀ŋ a ntìntìn viʼi ko à ghə̀ŋ a aloʼ ə̀ lyòmtə̀ no tè kənyʉ̀ kə tyetəkə kətsenkə a kə nzì kə gyàmtə̀ ghə̀ŋ.

Shwèʼ 20:27

byìʼàndo ma ko tə lyòmtə̀ kənyʉ̀ fa ghə̀ŋ byìʼì kənyʉ̀ kì a Nyìngòŋ ə baʼtə̀ ənè.

Shwèʼ 28:25

Vəwenə gə̀sə̀ fà tsu tò nə̀ ntaŋ ando Bol ngàʼa kənyʉ̀ kènkə kə mùʼ tsu la, “Kəzhwì kə ŋwòʼəkə ə nè tò kənyʉ̀ kə tɨməkə əgàʼ à vətìʼ və vəghəŋ və mbì ə̀ chò fà nshə̀ʼtə̀ Azayà la:

Lumans 15:4

Nò tèbe ghò a və nyoʼo a Ŋwàʼlə̀ Nyìngòŋ ə ndiʼ ziʼi a vəghəŋ ndiʼ vəghəŋ ə kɨ nəmwèʼè la kənyʉ̀ kì a vəghəŋ ə ki dyʉ̀sə nə̀ kəwenkə lu kwʉ̀ʼ byìʼì mə̀ wensə nə̀ ətyɨm ə to ghə̀ yi a kənyʉ̀ kə Nyìngòŋ kə ku a vəghəŋ.

Lumans 2:20

la ghə̀ŋ tisə nkoyn, diʼ ndìʼsə̀sə sə voyndyə byìʼì ando ghə̀ŋ kɨli no tèbe gho a yi a Əsoʼ ə gàʼa be kɨ no tèbe gho a yi a ghə̀ diʼi nəmwèʼè?

Lumans 3:2

Nəmwèʼè se diʼ to a jisə kədə̀ŋ. Mbì kənyʉ̀ ə diʼ la Nyìngòŋ ə nku li kənyʉ̀ kə wen a viʼi Jus.

Lumans 4:23

Kənyʉ̀ a kènkə a və nyoʼ lə kumə Ablaham la, “Ghə̀ nlyɨ li wen a wù kənyʉ̀ kətɨməkə,” a ko ndiʼ la və nyoʼtə to a wen.

1 Kolìntyàns 12:7

Nyìngòŋ ə ku Kəzhwì kə wen no tèbè a ndò la kə gyàmtə̀ wen ghə̀ nè əshwèʼ jùŋ ghə to viʼi və tsèm.

Gàlesìyà 3:8

Ŋwàʼlə̀ Nyìngòŋ sə diʼ mù ghə̀ nshə̀ʼtə̀ li la, Nyìngòŋ ə lu nè ə viʼi kətɨm ə vəwenə ndiʼ viʼi kənyʉ̀ kətɨməkə byìʼì əbyɨmə ə vəwenə. Byìʼì kənyʉ̀ a kenkə, Nyìngòŋ ə be mu shə̀ʼtə̀ ntɨm ə jùŋ a mbì a Ablaham la, “Ma lu bwaʼsə viʼi təloʼ tə tsèm chò fa wù”.

2 Timotì 2:25

Tisə viʼi vyi a və nkəmə kənyʉ̀ ki a wu gàʼà nə̀ mbwaʼmə, kɨ la Nyìngòŋ ne nè ə vəwenə kwitə tətyɨm tə vəwenə fa vəwenə mbyɨsə ə bwènə̀ vi ə kɨ kənyʉ̀ ki a kə diʼ nəmwèʼè.

2 Timotì 4:2

wù ə nshə̀ʼtə̀ ntɨm ə jùŋ à viʼi no mənzhʉ̀ ntsèm. Wù nshə̀ʼtə̀ tò shə̀ʼtə̀ kò viʼi ə kòŋ ə zhʉtə, kò və faŋ ke kòŋ. Wù diʼi laynsə kənyʉ̀ ki a viʼi ə nè byɨsə, ə gàʼ la kə vəwenə bè nè, ə sensə la vəwenə ə nzhʉ ənyʉ̀ a venə. Wù sə ə ziʼì vəwenə, wù ə shɨtə ziʼi nə̀ ətyɨm ə zhʉtə ghə̀.

Hibùlù 11:1

Ə kiʼ əbyɨmə a Nyìngòŋ diʼ ə nkɨ nəmwèʼè la wù lu kiʼi kəfo kì a wù ki kəʼtə kəwenkə, kɨ la wu ne kiʼi no tèbe ando wù ko tɨmə ə yen kəfo a kì nə̀ əshɨ.

Hibùlù 3:7

A lə kənyʉ̀ ki a kəzhwì kə Ŋwoʼkə ə gàʼa la, “Ghə̀ŋ zhʉ̀ gɨ Nyìngòŋ layn,

Hibùlù 4:12

Kənyʉ̀ kə Nyìngòŋ kə diʼ alə̀ diʼ tosə kə tsi, kiʼi kədyòʼ be lyɨmə chò no tèbe nyi ə ngwoləŋ ə kò. Kə sù wìʼ, kə kwen zàʼa a wen a tyɨm ə dyʉ̀ kum kəzhwì kə wen, ə be chò no fa wen zhʉŋ ə kwoŋ. Kənyʉ̀ kə Nyìngòŋ kə diʼi Laynsə əkwoʼtə ə wìʼ.