2 Timotì 3:11 - The New Testament in the Babanki language

¹¹ Wù yen li ando və tə ntsuʼ kəghʉ ə kom mbè yenə ngəʼ shisə a və tə ku à mò a ntə̀ʼ Antìyòk. Wù kɨ ə nyʉ̀ vyi a və tə chò nə̀ mò a ntə̀ʼ Ikonùm nə̀ Lista, ma kwiʼi tò ətyɨm ə byèʼè ngəʼsə ashi, Bobo shìsə mò fa a ngəʼsə na shìsə no sətsèm.

2 Timotì 3:11 ပူးပေါင်းရင်းမြစ်များ

Shwèʼ 13:14

Vəwenə lù fa Bègà ə̀ kuʼ ə̀ dyʉ̀ a Antìyòk yì a ghə̀ ndiʼì a loʼ Bisidiyà. A sə ndiʼ a kətsi kə zhʉtə kə viʼi Islel, vəwenə dyʉ̀ kwèn a ngə̀ŋ ntsèntə̀ ə̀ shiʼi ŋwʉʼʉ a nse.

Shwèʼ 13:45

Viʼi Jus vətsevə nè yèn ando nòyn viʼi nghoʼo, sə kiʼ kənghə̀ʼ mù zìtə̀ sə gàʼà nyʉ̀ byɨvə byìʼì nyʉ̀ a Bol ngàʼà, be telə wen.

Shwèʼ 14:8

Wìʼ ndìʼ a ntə̀ʼ Lista a və nsə bwi wen mu afwen wen kwaʼkə li, kèn la ghə̀ ntɨmə̀ jèʼ no fa mpfen.

Shwèʼ 20:19

No tè ando Vəjew vətsenvə mbaʼtə̀ nyʉ̀ byɨvə byìʼì mò, be ku ngəʼ à mò nè la mà ndì. Mà tə nè shwèʼ ə ghomə to nə̀ wù shwèʼ Bobo be gumlə̀ viʼi tò məzhʉ̀ ntsèm.

Shwèʼ 23:10

Kətʉ kə vəsugyèʼ kə ghoʼo kə kì yen la ntaŋ sə to dyʉ̀ tò nə̀ mbì ghə̀ sə̀ fànə̀ la viʼi a vyi a sàtə Bol tò a kiʼ a kiʼ, ghə̀ gàʼ à vəsugyèʼ vəwen la və shiʼi ə̀ dyʉ̀ lyɨ̀ Bol fʉ̀ nə̀ wen fa tì nòyn ayì ə̀ kwèn nə̀ wen a tì kəbə̀ŋ kə vəsugyèʼ.

Shwèʼ 26:17

Mà ne bwòŋsə wù fà avu viʼi Islel bènə̀ fà avu viʼi tɨm vi a ma tɨm wù à vəwenə luwèn.

Shwèʼ 26:22

alì Nyìngòŋ ngyàmtə̀ mò ə kuʼ ə zaʼa lan, mà sə ti a shə̀ luwèn a nə̀ wu yenə əshə̀ʼtə̀ nyʉ̀ venə à viʼi vətsèm, a viʼi vətyetəvə nə̀ vəghoʼkəvə. Kənyʉ̀ a ma gàʼà bè dìʼ tò ndə̀ŋndəŋ kənyʉ̀ a Mosìs bènə̀ nshə̀ʼtə̀sə səghoʼkəsə ndìʼ mu vəwenə shə̀ʼtə̀ li la kə lu chò.

Shwèʼ 9:16

Nkàntə̀ mò a dìʼi nki ngəʼ à wen a ghə̀ diʼi yen ənè la viʼi kɨ mo.”

Lumans 15:31

Ghə̀ŋ ə jɨ̀mə̀ la kə viʼi Jùdiyà vyi a və ko kɨ Nyìngòŋ nè yenə ngəʼ a mò. Ghə̀ŋ be ə njɨ̀mə̀ la Nyìngòŋ nè, viʼi və byɨməvə vyi a Jelusalèm ə saŋlə ə shi ə gyàmtə̀ yì ando mà dyʉ̀ nə̀ wenə ghə̀ a vəwenə.

2 Kolìntyàns 1:5

Ghə̀ŋ kɨli la, Yesò Klistò ə nyen li ngəʼ no nànto, yès mu be ə kwenə to ndə̀ŋndəŋ ə ngəʼ wen na yi, Nyìngòŋ sə be wye tyɨmə yèsə no nànto chò fa Yesò Klistò.

2 Kolìntyàns 1:7

Yès ə kɨ nəmwèʼè la əbyɨmə ə ghəŋə na nto tò to. Yès ə kɨ alə̀ byìʼì ando ghə̀ŋ kwen li a ndə̀ŋndəŋ ə ngəʼ yi a yès diʼ tsu, Nyìngòŋ ə sə wye ə tyɨm ghə̀ŋ ndə̀ŋndəŋ ando ghə̀ wye ə yèsə.

2 Kolìntyàns 12:10

Ma nè ma sə saŋlə azhʉ̀ a ma bwaʼa, viʼi telə mò, nyʉ̀ ə to a mò, və ntsuʼ kəghʉ ə kòmkə, ngəʼ sə tsensə be vi a mò to byìʼì Yesò. Kə diʼ alə̀ byìʼì ando a vi azhʉ̀ a ma bwaʼa, ma sə boŋsə kiʼi kədyòʼ.

2 Timotì 4:7

Ma shwèʼè li nkwʉʼ tò no a nkàyn. Ma shwèʼ li ə zaʼa a kəlyɨŋ yi a və kəŋ, bè shɨtə ghaʼ əbyɨmə ə ghomə.

2 Bità 2:9

Kə le diʼi la Bobo ə kɨ ji yì a ghə̀ zizi ghə̀ bwoŋsə viʼi wen fa tsù fa ngəʼsə vəwenə, kɨ ji yì a ghə̀ zizi ghə̀ ghaʼ ghʉ̀ viʼi və byɨvə fa tsù ə zàʼa fa kətsi kə nsòʼ.