2 Timotì 2:7 - The New Testament in the Babanki language

⁷ Wù kwòʼtə̀ kənyʉ̀ kenkə a mà gàʼa lə, byiʼ ando Bobo a nè ə wù zhʉ kɨ ənyʉ̀ avenə no ə tsèm.

2 Timotì 2:7 ပူးပေါင်းရင်းမြစ်များ

Ŋwàʼlə̀ Luk 21:15

byiʼàndo mà lu ku gàʼ a tof à ghə̀ŋ a wìʼ ko lə chò kò tènsə nyʉ̀ vyi a ghə̀ŋ gàʼà.

Ŋwàʼlə̀ Luk 24:45

Ghə̀ mù boʼtə̀ tətof tə vəwenə ndi vəwenə nzhʉ ə kɨ gaʼa Nyìngòŋ,

Ŋwàʼlə̀ Luk 9:44

“Ghə̀ŋ tuʼù zhʉtə kənyʉ̀ a mà kəŋ gàʼ à ghə̀ŋ. Və a ku Wàyn wìʼ avu viʼi.”

Joyn 14:26

Ngyàmtə̀ yi a Tìʼ na tɨm a mo azhiʼ, a diʼ kəzhwì kə Ŋwoʼkə, kə ne ziʼi ghə̀ŋ no nə̀ nyʉ̀ nò tsèm, ə be nè ghə̀ŋ kwoʼtə no tèbe ghò yì a mà gàʼa li a ghə̀ŋ.

Joyn 16:13

Alì, kəzhwì kə Ŋwoʼkə kì a kə diʼi nəmwèʼè a vi tisə ghə̀ŋ, ghə̀ŋ kɨ no tèbe kənyʉ̀ kə kò ki a kə diʼi nəmwèʼè. Ghə̀ a vi, ko ghə̀ lu gaʼa tebè nyʉ̀ ə ngeŋ wen; ghə̀ a vì ə shə̀ʼtə̀ to nyʉ̀ mu və gàʼ gaʼa a wen, ə shə̀ʼtə̀ nyʉ̀, və bò diʼ ə ne fʉ̀.

Shwèʼ 7:10

ə̀ shìsə̀ wen fà wen a tì ngəʼsə no sətsèm. Josèf lù tɨ̀mə a shɨ fòyn Felòh a ghə̀ nsoʼo loʼ Ijìb, Nyìngòŋ ku tof kaynəghə à wen ə̀ nè la fòyn a ghèn nkoŋə̀ wen. Felòh yen a lì nè Josèf sə diʼ kətʉ kə mbʉ̀ʼ a loʼ ayì be tùʼmə̀ no nə̀ gho a ghə̀ ndiʼì à wen a ntuʼ.

1 Kolìntyàns 12:8

Kəzhwì na kènkə kə mùʼ nə̀ dyʉ̀ a wu ə tsen, kə ne la ghə̀ ngàʼà nə̀ ətofə, kə dyʉ̀ a wutsen kə ne la ghə̀ nkɨ ə shə̀ʼtə̀ nyʉ̀ vyi a kə diʼi a wen.

Filìbàyns 4:8

Vəlèmə̀ vwomə ə kəmwetə, ghə̀ŋ ghʉ təkwòʼtə̀ təŋtə no tè a ghò yì a ghə̀ bòŋə̀ be diʼ və nghoʼsə̀,nyʉ venə diʼ ənyʉ̀ vyi a diʼì ənyʉ̀ nəmwèʼè, ənyʉ̀ vyi a və diʼì ə və jùŋvə, ənyʉ̀ vyi a diʼ ənyʉ̀ ə̀ tɨməvə, ənyʉ̀ vyi a diʼ ənyʉ̀ ŋwoʼvə, ənyʉ̀ a viʼi diʼ ə nkòŋə̀ bènə̀ ənyʉ̀ a və diʼì ə və ntemə təpfem tsu.

Kòlòsyàns 1:9

Kənyʉ̀ na kènkə ənè li, yès sə jɨ̀mə̀ to jɨ̀mə̀ a ghə̀ŋ fa achʉʼ a yès əzhʉ, loynə la Nyìngòŋ ə ku ətof ə be ne ghə̀ŋ nzhʉ kɨ nyʉ̀ ə tsèm vi a kəzhwì kə Ŋwoʼkə ne viʼi kɨ ndiʼ ghə̀ŋ kɨ mwetə kənyʉ̀ ki a ghə̀ kəŋ.

1 Timotì 4:15

Ku wenə wu no tsèm ə ne nyʉ̀ venə no tsèm, ndi viʼi vətsèm ə yen la wu kwi.

2 Timotì 2:6

No ndo a ghə̀ shyèʼè a wen a sɨm nə̀ kədyòʼ kə, ghə̀ pfì əfo ambì.

2 Timotì 2:8

Kwòʼtə̀ Yesò Klistò. Ghə̀ nfʉ̀ fa ngwaʼ ə ngə̀ŋ ə̀ Devìt. Nyìngòŋ ə lusə li wen fa ə pfʉ, a diʼ ntɨm ə jùŋ yi a ma shə̀ʼtə̀.

Hibùlù 12:3

Ghə̀ŋ nkwoʼtə ji yì a Yesò nyenə ngəʼ fa tsù avù ə viʼi nyʉ̀ ə byɨvə ali ə sə wensə to wensə. Ghə̀ŋ nkwoʼtə ndiʼ kə kənyʉ̀ kə be a gubtə̀ ghə̀ŋ la ghə̀ŋ bwaʼ.

Hibùlù 13:7

Ghə̀ŋ ə̀ nkwoʼtə tʉtʉ ə vəŋə, a və wenə tə nshə̀ʼtə̀ kənyʉ̀ kə Nyìngòŋ a ghə̀ŋ fa ambì. Ghə̀ŋ ə̀ nkwoʼtə ntsìnə̀ vəwenə nə̀ ji shisə a vəwenə mpfʉ̀ kə fa tsu. Ghə̀ŋ shəmə ntsìnə̀ əbyɨmə vəwenə a ghèn.

Hibùlù 3:1

Vəlemə vwomə və laynəvə vyi a Nyìngòŋ ə bòŋ li dzàŋ ghə̀ŋ la ghə̀ŋ ə diʼ viʼi wen, kə lə diʼi la ghə̀ŋ diʼ ə shɨtə ə ghʉ̀ kwoʼtə ə ghəŋə a Yesò. Ghə̀ diʼ wù ə ntɨm Nyìngòŋ a vəghəŋ be diʼ kətʉ pfèm a ngə̀ŋ Nyìngòŋ, gyàmtə̀ vəghəŋ no ghò na yì kumə əbyɨmə yì a vəghəŋ ə kiʼi.

Hibùlù 7:4

Wù zi wù yèn la Mèlìkisedèk ndiʼ no kəshi kətokə. Nò tiʼi əloʼ ə Islel, Ablaham ə ngə̀tə̀ li əfo vyi a ghə̀ kiʼi atoʼ ghòŋ əshi əwùm ə ku kəshi kə mùʼ fa tyi shi ə wum a venə a wen.

Jems 1:5

No te ndo a ghə̀ gho ətof fà ghə̀ŋ a ntìntìn, ghə̀ jɨm ə̀ bèm à Nyìngòŋ a ghə̀ a ku à wen. Nyìngòŋ ə ku à viʼi vətsèm nə̀ kəvu kə boʼtəkə bènə̀ boŋə tyɨm.

Jems 3:15

Nki tof aghenə ko lù fà kàŋ. Ghə̀ lù fa nse ashə̀, kenla àdìʼ ə tof ə kəzhwì kəŋwoʼəkə, adìʼ tof ə Deblə̀.

Jems 3:17

Tof a ghə̀ lù fà kàŋ ə chò mbì ŋwòʼə̀, kòŋə̀ mbwaʼmə̀, kòŋ əzhʉtə nyʉ̀ ə viʼi vətsenvə, kiʼ kusə nshinsə be nè nyʉ̀ juŋəvə no ghoʼo. Ghə̀ lyɨ̀ viʼi vətsèm tò ndə̀ŋndəŋ ko a ndiʼ la ghə̀ kiʼ kəmbɨ̀lə̀.

1 Joyn 5:20

Vəghəŋ ə̀ bè kɨ la wàyn Nyìngòŋ ə̀ mvi li ə̀ dìʼsə̀ vəghəŋ la vəghəŋ nkɨ Nyìngòŋ yì a ghə̀ diʼì nəmwèʼè. Vəghəŋ sə diʼ a kənyʉ̀ kə mùʼ vəghəŋ və wen yì a ghə̀ diʼì nəmwèʼè bènə̀ wàyn wen ə Yesò Klistò. Ghə̀ dìʼ Nyìngòŋ yì a ghə̀ diʼ nəmwèʼè be diʼ əbwòŋ a ghə̀ ko lu mè.