2 Timotì 2:22 - The New Testament in the Babanki language

²² Nyɨŋ bwènə̀ fa əbàm ə təmwòmsə̀ yi a tə ku ngəʼ à mbvòʼò wìʼ li ə mwòmsə̀ ə ne nyʉ̀ tɨməvə, ə byɨmə à Klistò ə kòŋ viʼi bè tsi nə̀ mbwaʼmə. Wù ne nyʉ̀ a venə no ə tsèm we viʼi vyi a və jɨ̀mə̀ à Bobo nə̀ tətyɨm tə laynə tə.

2 Timotì 2:22 ပူးပေါင်းရင်းမြစ်များ

Shwèʼ 7:59

Ando vəwenə mfaŋ ə̀ sə temlə Stifèn tò temlə, ghə̀ jɨ̀m ə̀ gàʼ la, “Bobo Yesò, lyɨ̀ kəzhwì kom.”

Shwèʼ 9:14

Ghə̀ dìʼ a shèn luwèn nə̀ adyòʼ mù à kù tʉtʉ vəpfèm və ngə̀ŋ Nyìngòŋ la ghə̀ vi ə̀ ghaʼtə no viʼi vətsèm a və jɨ̀mə̀ toŋtə̀ zhiʼ wu.”

Lumans 14:17

Əsoʼ ə fòyn nə̀ Nyìngòŋ ə diʼ alə̀, a ko diʼ byìʼì kəfo kəzhɨkə, a ko diʼ byìʼì kə nyʉ kə, à diʼ kənyʉ̀ kumə ə ntsi ntsìnə̀ tɨmə a shɨ Nyìngòŋ, kiʼi mbwaʼmə nə̀ saŋlə, a diʼ nyʉ̀ vyi a kəzhwì kə Ŋwoʼkə ə vì nə̀ wenə və.

Lumans 14:19

Vəghəŋ mwomsə ə nè to nyʉ̀ vyi a və vì nə̀ mbwaʼmə, nè la viʼi ə kwi a vəwenə byɨmə.

1 Kolìntyàns 1:10

Ma sensə ghə̀ŋ a vəlemə vwomə a zhiʼ Bobo vəghəŋ Yesò Klistò la ghə̀ŋ nti to əchʉ̀ ə mùʼ a nyʉ̀ vyi a ghə̀ŋ gàʼà ndi kə kəgəsə kə na diʼ a ghə̀ŋ a ntìntìn. Ghə̀ŋ diʼ ə mboŋsə diʼ to a kənyʉ̀ kə mùʼ, kiʼ to əkwoʼtə ə mùʼ, be ki nyʉ̀ to fa ji ə mùʼ.

1 Kolìntyàns 1:2

Ma nyòʼò ŋwàʼlə̀ ghèn a ənòyn ə viʼi a və byɨmə li a Nyìngòŋ a və diʼ a ntə̀ʼ Kolìn, nə̀ viʼi a Nyìngòŋ ə tsuʼ li ə ne la vəwenə ndiʼ viʼi vəlaynəvə, diʼ mu ghə̀ lyɨ vəwenə chò fa Yesò Klistò. Ma nyòʼò a ghə̀ŋ, be nyòʼò a viʼi vətsèm no tèbe fè a vəwenə diʼ, dzàŋə zhiʼ ə Bobo vəghəŋ Yesò Klistò. Ghə̀ diʼ Bobo vəwenə be diʼ Bobo ə vəghəŋ.

1 Kolìntyàns 10:14

Alì, ghə̀ŋ nyɨŋsə təwen ə təŋtə fa gumlə nshəʼsə a doŋ shom sə jùŋsə.

1 Kolìntyàns 14:1

Ghə̀ŋ nkəŋ ji to məzhʉ̀ ə tsèm ə ndiʼi əkòŋ a viʼi. Ghə̀ŋ ə soynə ə kiʼi kəku kikə a kəzhwì kə Ŋwoʼkə ə ku, soynə no nəkwoŋ la kə ne, ghə̀ŋ nkɨ ə shə̀ʼtə̀ ntɨm ə Nyìngòŋ.

1 Kolìntyàns 6:18

Ghə̀ŋ nyɨŋsə wenə ghə̀ŋ fa bàm nyʉ̀ ə kəfwaʼlə. Wìʼ ne no tèbe kənyʉ̀ kə kəbyɨkə kə kò, ko ghə̀ a byɨbsə əwèn əwen, ali mu ghə̀ sətsen nè kənyʉ̀ kə fwaʼlə kə wenə wùwì kò wenə wulɨm, ghə̀ a byɨbsə əwèn ə wen.

1 Timotì 1:14

Bobo vəghəŋ ə ndiʼ li ətyɨm ə jùŋ ghə̀ wen à mò no nànto, ə ne la mà byɨmə à wen ə bè nkiʼ ə kòŋ a ghə̀ lu fà Yesò Klistò.

1 Timotì 1:5

Mà gaʼa kənyʉ̀ a kenkə à wù alə byìʼì ando ma kəŋ la viʼi və byɨməvə ə kiʼ əkòŋ yi a ghə̀ fʉ̀ fa tətyɨm tə laynə tə, kə və wenə a nkiʼ kwòʼtə̀ ə byɨghə, bè nkiʼ əbyɨmə yi a ghə̀ diʼi nəmwèʼè.

1 Timotì 2:8

Mà kəŋ la lyʉmə a vəwenə ku li təwen tə vəwenə a Nyìngòŋ no te fe ə jɨ̀m, nə̀ tətyɨm tə laynə tə, kə vəwenə a nkiʼ tin əfwi ko kəngùmə̀ wenə viʼi.

1 Timotì 4:12

Kə a ghʉsə la wìʼ chasə wù byìʼì ando wù dìʼ wàyndyə. Wu diʼ ə ndiʼ kəchwitə à viʼi və byɨməvə, a jisə yi a wù gaʼa fatsu. Wù ntsi ntsìnə̀ ə jùŋ, kòŋ viʼi, diʼi la wù byɨmə à Klistò bè dìʼ nə̀ layn ə.

1 Timotì 6:11

Wù dìʼ wù ə Nyìngòŋ, nyɨŋsə ə wen ə wu fa nyʉ̀ venə. Ə bòŋsə mwòmsə ə ntsi ntsìnə̀ ə təmə. Shɨtə ghaʼa kənyʉ̀ kə Nyìngòŋ, kiʼi əbyɨmə à Klistò, kòŋ viʼi, mwòmsə̀ ə kwiʼ ətyɨm bè tsi nə̀ mbwaʼmə we viʼi.

Hibùlù 12:14

Ghə̀ŋ mwomsə no nə̀ kədyòʼ kə ə ntsi nə̀ mbwaʼmə to vye viʼi vətsèm be mwomsə no nə̀ kədyòʼ kə ntsi ntsìnə̀ əlaynə a shɨ Nyìngòŋ byìʼì ando wìʼ sətsen ə faŋ ke nlaynə a wen a ntsìnə̀, ko ghə̀ lu ə yen Nyìngòŋ.

1 Bità 2:11

Viʼi ndoŋsə ə mò, ghə̀ŋ diʼ viʼi ghayn chò a diʼ jì, ghə̀ŋ ko diʼ viʼi mbyi ashen. A le kənyʉ̀ ki a ma sensə ghə̀ŋ la, kə ghə̀ŋ a nè nyʉ̀ vyi a njòsə əwen ə ghə̀ŋ sə ə kəŋ byìʼì ando nyʉ̀ a venə ə soynə kəzhwì ə kəŋkə̀.

1 Bità 3:11

Wìʼ na ghèn ə diʼ ə maʼa ə ntsìnə̀ ə byɨ ə ntsi ntsìnə̀ ə jùŋ. Ghə̀ diʼ ə kəŋ ji ə tsi to nə̀ mbwaʼmə,

3 Joyn 1:11

Kə a nshyəmə̀ mbyɨ a lèmə̀ kòŋ ə̀ mò, ə mbòŋsə shyəmə̀ tò njùŋ. Wìʼ a ghə̀ nè njùŋ dìʼ wù Nyìngòŋ, yì a ghə̀ nè mbyɨ ə ko təmə kɨ Nyìngòŋ.