2 Timotì 2:21 - The New Testament in the Babanki language

²¹ A sətsen no te ndò ghʉsə ənyʉ̀ ə byɨvə ə ndìʼ nə̀ laynə, Nyìngòŋ a lyɨ̀ wen tò nə̀ əkayntə wìʼ byìʼ ando ghə̀ ku li wenə wen ə sə dìʼ ə nkàyntə̀ wù ə shyèʼ à wen, kəʼtə ə ne no tənkì tə shyèʼ tə jùŋ tə no tə tsèm.

2 Timotì 2:21 ပူးပေါင်းရင်းမြစ်များ

Shwèʼ 9:15

Bobo gàʼ à Ananyàs la, “Dyʉ̀ tò dyʉ̀ byìʼàndo ma tsuʼ li wen la ghə̀ shyèʼ à mò ə nè la viʼi tɨm nə̀ təfòyn tə bènə̀ viʼi Islel, kɨ mo.

1 Kolìntyàns 5:7

Kə le diʼi la ghə̀ŋ diʼ ə maʼa mbyɨ fa ghə̀ŋ a ntìntìn ə bwenə ə ndiʼ ando əghɨf kəbayn ə fìghə kènə fɨ̀shɨ̀ŋfə tsu, a bwen ali a mbyɨ a kwi dyʉ̀ a ghə̀ŋ a ntìntìn to nə̀ fɨ̀shɨ̀ŋfə. Ma kɨli la ghə̀ŋ sə diʼ to nə̀ əghɨf kəbayn kye nə̀ fɨ̀shɨ̀ŋfə byìʼì ando Yesò yi à diʼi wàyn njɨ̀ kə zhɨ kə məzaʼsə ə vəghəŋ sə diʼ mù və shyə li wen a kəku.

2 Kolìntyàns 7:1

Luwen ando Nyìngòŋ ə ghʉ̀ li nyʉ̀ a venə a vəghəŋ a doŋ shomsə jùŋsə, kə bòŋ la vəghəŋ mwomsə ə nyɨŋ ə bwenə fa abàm nyʉ̀ yi a və vi nə̀ kəməŋkə a njòsə wen, be nə̀ a vəghəŋ kəzhwì. Vəghəŋ boŋsə fwàynə̀ Nyìngòŋ, laynə kwʉ̀ʼ.

2 Kolìntyàns 9:8

Nyìngòŋ ə kiʼi kədyòʼ ə bwàʼsə ghə̀ŋ nə̀ əfo və ghoʼo chò vyi a ghə̀ŋ kəŋ ndiʼ ghə̀ŋ nkiʼi to kiʼi no məzhʉ̀ ə ntsèm be kiʼi kə kwʉ̀ʼʉ̀ nè nyʉ̀ ə jùŋə və tsu,

Efisyàns 2:10

Vəghəŋ diʼ alə̀ a diʼ kəvu kə shwèʼ ə Nyìngòŋ. A ndo vəghəŋ diʼ a kənyʉ̀ kə mùʼ vəghəŋ və Yesò Klistò, ghə̀ nshɨtə vəghəŋ la vəghəŋ ntsi ntsìnə̀ ə jùŋ yì a ghə̀ nsə diʼ mù ghə̀ ə baʼtə̀ li ghʉ̀ la vəghəŋ ntsi.

1 Timotì 6:11

Wù dìʼ wù ə Nyìngòŋ, nyɨŋsə ə wen ə wu fa nyʉ̀ venə. Ə bòŋsə mwòmsə ə ntsi ntsìnə̀ ə təmə. Shɨtə ghaʼa kənyʉ̀ kə Nyìngòŋ, kiʼi əbyɨmə à Klistò, kòŋ viʼi, mwòmsə̀ ə kwiʼ ətyɨm bè tsi nə̀ mbwaʼmə we viʼi.

2 Timotì 2:16

Kə wù ə nzhʉtə ə gàʼ ə kəndzɨ̀ŋtə̀ yi a və gaʼa a mbyì a shə̀ byìʼì ando ghə̀ kò ku ə ghoʼsə à Nyìngòŋ. Tənkì tə əgaʼa a tentə tə ne tò la viʼi ghʉsə jì shì a Nyìngòŋ ə kəŋ.

2 Timotì 2:20

Wù kɨ la, à diʼ a ngə̀ŋ ghoʼo kaŋ nə̀ bolə diʼ tsu to tənkì a tənkì. Ətsenəvə ə diʼ mu və shɨ̀tə̀ nə̀ kəso kəko, tsenəvə dìʼ mu və shɨ̀tə̀ nə̀ kəkas kə, tsenəvə dìʼ mu və tsɨf nə̀ ənkòʼ ə mbwom tsenəvə nə̀ kətsoʼ kə. Və nè və sə lyɨ̀ əkayntə əkaŋ vyi a və shɨ̀tə̀ nə̀ kəso kəko kò nə̀ kəkas kə, we əfo tsu a zhʉ a və tsuʼtə ənyʉ̀, lyɨ̀ tsenəvə vyi we əfo tsu no a zhʉ ko.

2 Timotì 3:17

Ənyʉ̀ a venə ə diʼ ə nè la wù ə shyèʼ ə Nyìngòŋ ə kwʉʼ myetə̀ ə ne no tənkì tə təshwèʼ tə jùŋtə tə tsèm.

2 Timotì 4:11

A faŋ tò Luk a shə̀ yo wen. Wù sə ə nvì wu vi ve Mak ndi ghə̀ ə ngyàmtə̀ mò a mò a shyèʼ.

Taytùs 3:1

Kùmtə à viʼi vyə la vəwenə nshiʼsə̀ təwen tə vəwenə à tʉtʉ vəwenə bènə̀ viʼi a və soʼo vəwenə, zhʉ gɨ̀ be bvʉ̀tə̀ ənè shyèʼ jùŋə ghə̀ no mənzhʉ̀ ntsèm.

Taytùs 3:14

Viʼi və byɨməvə vəghəŋ diʼ əmwòmsə̀ ənè tò ənyʉ̀ juŋəvə, kiʼ ə̀fo, vəwenə ngyàmtə̀ viʼi a vəwenə ko kiʼ. Kə vəwenə à ntsi ntsìnə̀ a ghə̀ ko kiʼ əse.

Taytùs 3:8

Əgàʼ aghenə diʼ nəmwèʼè. Mà kəŋə la wù ə nshɨ̀tə̀ dìʼsə̀ ənyʉ̀ venə a mà gàʼà lə̀ ndi viʼi vyi a və byɨmə li à Nyìngòŋ ə ntùʼmə̀ be ghʉ tətyɨm tə vəwenə ə nè tò ənyʉ̀ juŋəvə. Ənyʉ̀ avenə gyàmtə̀ viʼi.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.

1 Bità 1:7

Təmwòmsə̀ na tentə ə vi a ghə̀ŋ ə ne la viʼi yen əkɨ la ghə̀ŋ kiʼi no nkàyntə̀ əbyɨmə. Və nə̀ mwomsə gul nə̀ zhiʼ ali a diʼ kəfo a kə ko kuʼmə zàʼa tebè a nə̀ əbyɨmə, mu kə zi kə byɨf. Kə le diʼi la, və diʼ mwomsə əbyɨmə ə ghəŋə byìʼì ando à diʼ kəfo a kə kuʼmə chò gul ndiʼ à lù ndiʼ a kətsi a Yesò Klistò bwenə vì, Nyìngòŋ ə bwomsə ghə̀ŋ ə be ku əghoʼ ə wen a ghə̀ŋ.

1 Joyn 3:3

No tè ndò a ghə̀ ŋwʉʼ ghʉ ətyɨm ə wen à wen ə ghʉ ngə̀ŋ kətʉ ə wen nə̀ laynə no tè ando Klistò ə laynə.