2 Timotì 2:16 - The New Testament in the Babanki language

¹⁶ Kə wù ə nzhʉtə ə gàʼ ə kəndzɨ̀ŋtə̀ yi a və gaʼa a mbyì a shə̀ byìʼì ando ghə̀ kò ku ə ghoʼsə à Nyìngòŋ. Tənkì tə əgaʼa a tentə tə ne tò la viʼi ghʉsə jì shì a Nyìngòŋ ə kəŋ.

2 Timotì 2:16 ပူးပေါင်းရင်းမြစ်များ

1 Kolìntyàns 15:33

Kə wìʼ na ə lobtə ghə̀ŋ. Ghə̀ŋ kɨ la, “Ndoŋsə byɨsə ə byɨbsə ntsìnə̀ ə jùŋ.”

1 Kolìntyàns 5:6

Əghaŋsə əwen ghə̀ŋ ə ko bòŋ. A ghə̀ŋ kɨli la fɨ̀shɨ̀ŋfə ə nə̀ tyɨftə tèbè a le, fə nè kəbayn kə məka kə kuʼ.

1 Timotì 1:9

Vəghəŋ diʼ kɨ la əsoʼ a ghənə nko vi a viʼi və jùŋvə, soʼ a ghenə nvì a viʼi vyi a və kwàʼa ə soʼ, nə̀ əvi a və to kətʉ, nə̀ viʼi vyi a və ko gumlə Nyìngòŋ, nə̀ vi a və nè ənyʉ̀, ə byɨvə, nə̀ vi a və ko jɨ̀mə̀ a Nyìngòŋ nə̀ vi a və telə Nyìngòŋ, nə̀ viʼi vyi a və zhwi vətiʼi vəwenə kò vəlì vəwenə nə̀ vi a və zhwi viʼi vətsenvə.

1 Timotì 4:7

Nyɨŋsə wenə wu fa bàm ə mətitì mə zɨmə mi a mə ko diʼ a nkàyn ashɨ ə̀ Nyìngòŋ. Myəʼsə wenə wu ə ntsi a jisə Nyìngòŋ.

1 Timotì 6:20

Timotì, shɨ̀tə tùʼmə̀ no te nə̀ gho yi a Nyìngòŋ ku li à wù. Kə wù nə̀ zhʉtə ə gàʼ, a ghə̀ ko ku əghoʼsə à Nyìngòŋ. Kə wù a nsoʼtə ənyʉ̀ kə kəndzɨ̀ŋtə̀ vi a viʼi ə dzɨŋə soʼtə̀, gàʼa la à dìʼ ənyʉ̀ ətof.

2 Timotì 2:14

Wù mbèsə̀ nyʉ̀ venə a mà gàʼa a wù lə à viʼi, pfàntə vəwenə a shɨ Nyìngòŋ la, kə vəwenə ə jèʼè soʼtə̀ chò nə̀ nyʉ̀, byìʼì nyʉ̀ a və zì ko və lu ə gyàmtə̀. Ənyʉ̀ a venə ə gyàmtə̀ tò ə byɨsə viʼi vyi a və zhʉtə.

2 Timotì 2:21

A sətsen no te ndò ghʉsə ənyʉ̀ ə byɨvə ə ndìʼ nə̀ laynə, Nyìngòŋ a lyɨ̀ wen tò nə̀ əkayntə wìʼ byìʼ ando ghə̀ ku li wenə wen ə sə dìʼ ə nkàyntə̀ wù ə shyèʼ à wen, kəʼtə ə ne no tənkì tə shyèʼ tə jùŋ tə no tə tsèm.

2 Timotì 3:13

Viʼi və byɨvə nə̀ viʼi vyi a və diʼi la və dìʼ kəfo, diʼ ne ə byɨfə dyʉ̀ tò nə̀ mbì, lobtə viʼi, viʼi vətsenvə be lobtə vəwenə.

Taytùs 1:11

Wù diʼi chiʼtə təchʉ̀ tə vəwenə byìʼàndo vəwenə kwenə à wìʼ a kəbəŋ vəwenə byɨ̀sə no nyʉ̀ ətsèm nə̀ ziʼi byɨghə aghenə. Vəwenə dìʼsə̀ viʼi nə̀ nyʉ̀ a vəwenə a və ko yi ndiʼ ndìʼsə̀ tò byìʼàndo vəwenə kəŋ kiʼi ko.

Taytùs 1:14

kò vəwenə mbe zhʉ mətitì mə nzɨmə̀ ə̀ vəjew ko mbe ghʉ kətʉ a təsoʼ a viʼi a və tensə̀ nəmwèʼè ə ku.

Taytùs 3:9

Kə a kwen a bèsə̀ nyʉ̀ a və ko kiʼ ətof, ə̀ be ə ntaŋtə təzhiʼ tə vətìʼ və vəghəŋ və mbì. Kə a kwen a ntaŋ nə̀ əsoyn kùmə̀ ə̀soʼ. Ənyʉ̀ kədyàŋ kədyàŋ avenə ko gyàmtə̀ wìʼ no kənyʉ̀ kətsenkə.

Hibùlù 12:15

Ghə̀ŋ tuʼmə, kə wìʼ na faŋ ke yen ətyɨm ə jùŋə ghə̀ yi a Nyìngòŋ ə diʼi a wen. Ghə̀ŋ be tuʼmə, kə wìʼ ə demə fʉ̀ a ghə̀ŋ a ntìntìn, kiʼ ətyɨm ə byɨghə ə byɨbsə təkwòʼtə̀ tə viʼi.

2 Bità 2:18

Vəwenə ə ghaŋsə wèn gàʼà no nànto be gàʼà gaʼa ə kənkoyn, lobtə viʼi vyi a və sə nyɨŋ fʉ̀ vi fa a ntìntìn ə̀ viʼi vyi a və ko kɨ ji Nyìngòŋ, kəŋ la viʼi a vyi vi ə tsèntə vəwenə, wenə vəwenə ə nè nyʉ̀ vyi a njòsə əwen ə̀ vəwenə sə kòŋ.

2 Bità 2:2

Viʼi Nyìngòŋ vətsenvə ə na dzɨ̀mtə̀ təziʼi təbyɨtə ə vəwenə be nshəmə ə ntsìnə̀sə kəfwaʼlə sə vəwenə na sensə to kədə̀ŋ, viʼi zìtə̀ ə ngaʼa əgaʼa ə əbyɨghə kumə Ji yì a ghə̀ diʼi nəmwèʼè.

Kəmwetə 13:14

Byìʼì ənyʉ̀ kanəvə avenə a Nyìngòŋ ə nghʉsə nyàm ətoʼ aghèn sə̀ nè a shɨ nyàm ətoʼ ə̀ mbì yì lì lobtə viʼi vətsèm a və̀ ntsi a nse ə̀ gàʼ la vəwenə shɨtə kənshyə̀ʼsə̀ kə nyàm ətoʼ kì a ghə̀ ə̀ nkìʼ əlyom ə toghə mu və bvàʼ nə̀ nyì ə ngwoləŋ alì ghə̀ bu sə diʼ tò to lì.

Kəmwetə 13:3

Kətʉ kə nyàm akì kətsenkə nkə̀ʼə̀ tò sə kənkiʼi li əlyom ə fansəghə alì mu və nchʉʼ li, viʼi vətsèm a nse sə̀ diʼ nə̀ kaynə mù sə̀ dzɨ̀mtə̀ dyʉ̀ tò nə̀ nyàm ayì.