2 Timotì 2:12 - The New Testament in the Babanki language

¹² Vəghəŋ sətsen ə ghaʼa ətyɨm a tyi ngəʼsə, vəghəŋ və wen lu ə soʼo mbyi. Vəghəŋ sətsen tensə la vəghəŋ ə ko kɨ wen, ghə̀ lu be tensə la ghə̀ ko kɨ vəghəŋ.

2 Timotì 2:12 ပူးပေါင်းရင်းမြစ်များ

Matìyò 10:33

A sətsèn no ndo mo mò ashɨ ə viʼi, no nkàyntə̀ a mò lə̀ mo wen ashɨ ə Tìʼ ghom a kaŋ.

Matìyò 26:35

Bità bè gàʼ à wen la, “A dìʼ tè pfʉ mà à pfʉ yowù. Ma ko lə mo wù.” Ndzɨ̀mtə̀sə bàm wen no sətsèm sə bè gàʼ tò ndə̀ŋndəŋ.

Matìyò 26:75

Ghə̀ mù bwènsə̀ kwòʼtə̀ ando Yesò ngàʼà à wen la “Nkə̀ʼ ne sə toŋ mu wù mo li mò aghayn la a taʼ.” No a zhʉ kò Bità fʉ̀ dyʉ̀ a kəbəŋ ə dì tsu no mwèʼè mwèʼè.

Ŋwàʼlə̀ Mak 10:33

Ghə̀ mù gàʼ la, “Ghə̀ŋ nkɨ la ando vəghəŋ ə kuʼu dyʉ̀ a Jelusalèm luwèn lə̀, və diʼ a dyʉ̀ ku Wàyn Wìʼ à tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ. Vəwenə a chòsə̀ soʼ la ghə̀ dìʼì pfʉ mu ku wen à viʼi tɨm

Ŋwàʼlə̀ Mak 8:38

No ndò sətsèn ndìʼsə̀ kətʉ byìʼì mò nə̀ ziʼi ghomə a shɨ viʼi mbyi nyʉ̀ byɨvə ghèn a və ko fànə̀ Nyìngòŋ lə̀, Wàyn Wìʼ be lù nkiʼ kətʉ kədiʼikə byìʼì wen a zhʉ a ghə̀ bwènə̀ mvi a tì baynə ghoʼghə Tìʼ wen wenə̀ ntsɨ̀ŋsə ŋwòʼə sə wen.”

Ŋwàʼlə̀ Luk 12:9

No məndo a ghə̀ sətsen tensə ghə̀ ko diʼ wù ghom ashɨ viʼi, Wàyn Wìʼ be lù boŋ mò wen ashɨ ntsɨ̀ŋsə Nyìngòŋ.

Ŋwàʼlə̀ Luk 22:29

Ando tìʼ ghom nkuli soʼ fòyn a mò, a diʼ ndə̀ŋndəŋ jì a ma ku soʼ ayi a ghə̀ŋ,

Ŋwàʼlə̀ Luk 22:30

ndi ghə̀ŋ zhɨ bè nyʉ a mò kəchiʼ a mò soʼ fòyn, ghə̀ŋ be ne ŋwʉʼʉ a foyn ngwàʼsə Islel shìsə njʉ̀sə̀ bò.”

Ŋwàʼlə̀ Luk 9:26

No məndo a ghə̀ sətsen dìʼì kətʉ kədiʼikə byìʼì mò nə̀ ziʼi ghomə, ghə̀ nkɨ la Wàyn Wìʼ lu be dìʼsə kətʉ kùmə̀ wen a zhʉ a ghə̀ bwènə̀ vì a ntìntìn bayn ghoʼghə yi a ghə̀ kiʼì, nə̀ Tìʼ bènə̀ ntsɨ̀ŋsə wen a sə ŋwòʼə.

Shwèʼ 14:22

ə tomsə viʼi vəbyɨməvə la vəwenə nghaʼa tyɨmə a vəwenə a byɨmə. Vəwenə bè gàʼ la, “Vəghəŋ diʼi chò fa tì ngəʼsə no sə ghoʼo mibu kwen a kəshi kə fòyn Nyìngòŋ.”

Lumans 5:17

Kə diʼ nəmwèʼè la pfʉ ə nyɨŋ li nchò fa mbi ə tsèm byìʼì mbyɨ wìʼ ə mùʼ, ali viʼi vi a Nyìngòŋ ə diʼi ətyɨm ə jùŋə a vəwenə ə lyɨ̀ a viʼi kənyʉ̀ kətɨməkə, vəwenə soʼo to nə̀ təfòyn tə, kiʼi ntsìnə̀ yi a ghə̀ ko lu mè ə chò fa a wìʼ ə mùʼ, Yesò Klistò.

Lumans 8:17

Vəghəŋ sətsen ə ndi vunə Nyìngòŋ, kə ne diʼi la vəghəŋ lu kiʼi əghoʼ ə Nyìngòŋ, diʼ lù kiʼi əghoʼ na yi, vəghəŋ və Yesò to muʼ. Vəghəŋ lu kiʼi əghoʼ na ghèn nə̀ vəghəŋ və Yesò to azhʉ̀ a vəghəŋ ə boŋ yen nə̀ ngəʼ yì a Yesò ə yen ə̀ ndi vəghəŋ boŋ kiʼi əbayn yì a ghə̀ kiʼi.

Filìbàyns 1:28

Kə ghə̀ŋ nè fwàynə̀ viʼi vyi a və tamə ghə̀ŋ. Ghə̀ŋ nè kiʼ ətyɨm ə to ghə̀. Ghə̀ŋ sətsen ə nè alə, ghə̀ŋ diʼi a vəwenə la Nyìngòŋ a byɨbsə vəwenə ə bwoŋsə ghə̀ŋ. A diʼ shyèʼ Nyìngòŋ.

1 Timotì 5:8

A sətsen te ndò nyɨŋ la ghə̀ ko tùʼmə̀ nə̀ viʼi ngwaʼ ngə̀ŋ wen, ma tuʼtə gàʼa viʼi ti ngə̀ŋ wen, kə ne diʼi la ghə̀ tensə li ənyʉ̀ vyi a wù ə byɨmə ə diʼ nè mu ghə̀ byɨfə chò no tebe wìʼ yi a ghə̀ ko təmə ə ndiʼ wù ə byɨmə no fa mpfen.

Ŋwàʼlə̀ Jud 1:4

Ma gaʼa alə byìʼì ando viʼi vətsenvə nyoʼtə li ə kwen a ghə̀ŋ a ntìntìn, a diʼ viʼi mu və kaʼsə li əboŋ ətyɨm Nyìngòŋ yi a vəghəŋ ə kuʼsə, ə lyɨ̀ sə nè nyʉ̀ ə kəfwaʼlə vəwenə tsu. Viʼi a venə ə ko kɨ Nyìngòŋ, tensə ndìʼsə̀ vəghəŋ mùʼ yi a vəghəŋ ə kiʼi, a diʼ Bobo Yesò Klistò. Ŋwàʼlə̀ Nyìngòŋ sə diʼ mù ghə̀ ə ngaʼa li kumə nkì ə viʼi a vyi ə shə̀ʼtə̀ la Nyìngòŋ ə lu soʼo byɨbsə vəwenə.

Kəmwetə 1:6

Ə mù nè la vəghəŋ ə ndiʼ vunə ntuʼ, ə̀ shyèʼ à Nyìngòŋ ə Tìʼ wen. Əghoʼsə nə̀ kədyòʼ ə ndiʼ à Yesò Klistò no məzhʉ̀ ntsèm. Amèyn.

Kəmwetə 1:9

Mà dìʼ Joyn ə lèmə̀ ghə̀ŋ. Vəghəŋ ə viʼi və byɨməvə à Yesò ə tsèntə̀ yenə ngəʼ alì ghaʼa ətyɨm, kə̀ʼtə̀ ə lu ndiʼ a kəshi kə fòyn ə Nyìngòŋ. Və nghʉ̀ mo a fəŋ ə̀ Batmòs byìʼàndo mà ə̀ nshə̀ʼtə̀ ntɨm ə̀ Nyìngòŋ be shə̀ʼtə̀ ənyʉ̀ nəmwèʼè vi a Yesò ə̀ ndiʼi a ndayn.

Kəmwetə 2:13

Mà kɨ kəshi kì a ghə̀ŋ ə tsi tsu. Ghə̀ŋ ə tsi a kəshi a Satan ə soʼo əfòyn ə wen tsu. Ghə̀ŋ dìʼ no nkàyntə̀ viʼi ə vwomə, kènla ghə̀ŋ ə̀ ntɨmə̀ màʼà əbyɨmə à ghə̀ŋ ə kiʼì mò no kətsi kətsenkə. Ghə̀ŋ ə shɨ̀tə̀ ghaʼa əbyɨmə ghəŋə no tè ando və̀ nzhwì Antipàs ə ndzɨ̀mtə̀ bàm ə̀ mò afì à diʼ kəshi a Satan ə soʼo əfòyn ə wen tsu.

Kəmwetə 20:4

Fà yi bàm, mà yen Əfwoyn, bè nə̀ Viʼi a və̀ ŋwʉʼ a Əfwoyn avenə, ndìʼ mu və ku li kədyòʼ à vəwenə la vəwenə nsoʼo viʼi vətsenvə. Mà bè yèn əzhwi ə viʼi vyi a və tin tə tʉ vəwenə byìʼàndo vəwenə nshə̀ʼtə̀ əgàʼ ə Nyìngòŋ be dìʼì nəmwèʼè yì a Yesò ə̀ ndìʼsə̀. A ə̀ ndìʼ viʼi a və̀ ntyenə la vəwenə ko a ə̀ nghoʼsə̀ nyàm ətoʼ yì ko kənshyə̀ʼsə̀ kə wen kì ə̀ mù sə̀ diʼ kènla vəwenə shi li kəchwitə kə nyàm ətoʼ kì à vəwenə təchʉ̀ tətʉ ko à vəwenə a kwoŋ. Vəwenə bwènsə̀ lù fa pfʉ ə̀ sə̀ soʼo wenə̀ və Klistò a ngʉ̀ʼsə nkam.

Kəmwetə 20:6

Njùŋ dìʼ ghə̀ no ndò a ghə̀ lu lù ə mbì məlù fa pfʉ, vəwenə diʼ viʼi və ŋwoʼvə Nyìngòŋ! Kənkùmtə̀ kəpfʉ kə ko bè kiʼ kənyʉ̀ ə lu nè nə̀ vəwenə. Vəwenə lu mbòŋsə̀ diʼ vəpfèm və Nyìngòŋ wenə̀ Klistò. Vəwenə lu tsèntə̀ ə nsoʼo a tì ngʉ̀ʼsə sènsə nkam.

Kəmwetə 3:10

Mà ne bwòŋsə ghə̀ŋ fa zhʉ ə ngəʼ yì a ghə̀ vì à mbi ə̀ tsèm ə mwòmsə viʼi vyi a və tsi a kwi nse byìʼàndo ghə̀ŋ ə zhʉ li kənyʉ̀ kì a mà ə gàʼà la, ghə̀ŋ ə wensə.

Kəmwetə 3:21

No ndò a ghə̀ nè soyn ə̀ zhɨ mbyɨ, ma nè ghə̀ ŋwʉʼʉ ə̀ boʼsə kəfwoyn ə komkə ando nkàyntə̀ mò sə̀ diʼ mu mà ə nsoyn li ə̀ zhɨ mù sə̀ ŋwʉʼ boʼsə kəfwoyn kə Tìʼ ə ghom.

Kəmwetə 3:8

Mà kɨ təshyèʼ ə təŋtə. Ghə̀ŋ yen a! mà bòʼò li əchʉ ngə̀ŋ ə nghʉsə à ghə̀ŋ a wìʼ ko zì ghə̀ shwin. Mà kɨ la ghə̀ŋ ə ko tùʼù kiʼ kədyòʼ alì ə nghʉ ə̀soʼ ə ghomə kèn la ghə̀ŋ ə tyen li mò.

Kəmwetə 5:10

Wù ə ne li vəwenə sə diʼ vunə ngwàʼ ə̀ vəchəʼ və ngə̀ŋ ə̀ Nyìngòŋ a və shyèʼè à Nyìngòŋ ə̀ vəghəŋ. Vəwenə lu soʼ ə mbi ghèn.”