2 Timotì 2:1 - The New Testament in the Babanki language

¹ A dìʼ fà wù a wàyn ə ghom Timotì, wu diʼ ə nto cho fa ətyɨm ə jùŋ a Yesò Klistò a ghə̀ diʼi li à wù.

2 Timotì 2:1 ပူးပေါင်းရင်းမြစ်များ

1 Kolìntyàns 16:13

Ghə̀ŋ tsɨŋ təwen ətəŋtə əto a ghə̀ŋ a byɨmə. Ghə̀ŋ nkiʼ ətyɨm ə to ghə̀ kə ghə̀ŋ a fwaynə tebè kəfo.

Efisyàns 6:10

Ə mwetə, ma sə gàʼa la ghə̀ŋ ə zhəʼtə to əwen Nyìngòŋ, ghə̀ ku kədyòʼ a ghə̀ŋ byìʼì ando ghə̀ kiʼi kədyòʼ kə kaynə kə.

Filìbàyns 4:13

No kənyʉ̀ kə ko a kə fʉ̀ a mò, ma tɨmə ə tò byìʼì kədyòʼ ki kə a Yesò Klistò ə ku à mò.

1 Timotì 1:18

Wàyn ghom Timotì, ma gàʼà à wù la wù diʼ ə kwoʼtə ə nyʉ̀ vyi a nshə̀ʼtə̀sə ghoʼkəsə ə ngàʼ li byìʼì wù. Lyɨ̀ ənyʉ̀ a venə a nə̀ əfo əghòŋ ə̀ wù ə shɨtə soynə nshə̀ʼtə̀sə ndzɨŋsə tsu.

1 Timotì 1:2

Mà nyòʼo ŋwàʼlə̀ ghèn à wù a Timotì. Wù dìʼ to no ə nkàyntə̀ wàyn a mo byìʼì ando yowù ə kiʼ tò byɨmə ə mùʼ. Nyìngòŋ Tìʼ, wenə Yesò Klistò, ə Bobo vəghəŋ ə diʼi ətyɨm jùŋ ghə̀, nə̀ əkusə shinsə, bè nè wù ntsi nə̀ mbwaʼmə.

2 Timotì 1:1

A ə nyòʼò mò Bol, nyòʼo ŋwàʼlə̀ ghèn à wù a Timotì. Mà dìʼ wù ə ntɨm ə̀ Yesò Klistò mu a ntsuʼ Nyìngòŋ. Ghə̀ ntsuʼ mò la mà shə̀ʼtə̀ ntɨm ə jùŋ kùmə̀ ntsìnə̀ yi a ghə̀ ko lə me to ando ghə̀ əghʉ̀ li. Ntsìnə̀ a ghèn ə diʼ to zhʉ a vəghəŋ diʼ to kənyʉ̀ kəmùʼ vəghəŋ və Yesò Klistò.

2 Timotì 1:2

Timotì, wàyn kòŋ ə̀ mò, Nyìngòŋ ə Tìʼ, wenə Yesò Klistò, ə Bobo vəghəŋ ə diʼi ətyɨm ə jùŋ ghə̀ à wù nə̀ əkusə shinsə, ə be ku mbwaʼmə a wù.

2 Timotì 1:7

Mà gàʼà alə byiʼ ando Nyìngòŋ ko ku kəzhwì kəfwàyn a vəghəŋ. Ghə̀ ku kəzhwì la kə nə̀ ne vəghəŋ ə kiʼi ətyɨm to ghə̀, kòŋ viʼi vətsenvə, bè kɨ ə ghaʼ tə wen tə vəghəŋ.

2 Timotì 2:10

A dìʼ byìʼì kənyʉ̀ a kenkə a ma kiʼi kwiʼi ətyɨm tò ənyʉ̀ ə tsèm byìʼì viʼi vyi a Nyìngòŋ tsuʼ li ndi vəwenə lu kiʼi əbwòŋ chò fa Yesò Klistò ə kiʼi əkuʼsə no məzhʉ ntsèm.

2 Timotì 4:17

Bobo ə nlu li tɨmə ə tomsə mò la ə mà kiʼi kədyòʼ ə shə̀ʼtə̀ mwetə ntɨm ə jùŋ à viʼi ətɨm vətsèm. Ghə̀ mbè ə bwòŋsə̀ mò fa kəvu ə pfʉ.

2 Bità 3:18

Ali ghə̀ŋ ə mbòŋsə kwi to kwi a ntìntìn boŋ tyɨm ə Bobo ə Mbwòŋsə̀ vəghəŋ Yesò Klistò be ziʼi ə nkɨ wen. Kuʼsə ə ndiʼ wen luwen, be zaʼa no fa ze. Amèyn.