2 Timotì 1:5 - The New Testament in the Babanki language

⁵ Mà bu kwòʼtə̀ ə nkàyntə̀ byɨmə yi a wù kiʼi à Klistò, a diʼ tò əbyɨmə yi a Lowis ə lì ə lì wù wenə Yunis ə li wù nkiʼ. Mà kɨ la wù kiʼi tò əbyɨmə a yi.

2 Timotì 1:5 ပူးပေါင်းရင်းမြစ်များ

Joyn 1:47

Yesò yen to ando Nàtanyèl ə vi ə gàʼ la, “A diʼ to no nkàyntə mbwìnə̀ Islel a ghə̀ vi lə. Ghə̀ gàʼa to nəmwèʼè.”

Shwèʼ 16:1

Bol wenə̀ Silàs jèʼ ə̀ dyʉ̀ zaʼa Delbə̀ nə̀ Lista. Wu byɨmə tsen ntsi tsu, zhiʼ wen diʼ Timotì, lì wen be diʼ wu byɨmə, a ndìʼ Jus, alì tìʼ wen diʼ wu Glis.

Shwèʼ 26:26

Fòn Aglibà, mà zì mà gàʼ kè nə̀ fanə à wù byìʼàndo wù kɨ nyʉ̀ a venə no tsèm ko à ndiʼ la kətsenkə nchò li fa tsu ke wù kɨ byìʼàndo və nko ncho a kənlyòmtə.

Lumans 14:14

Ma kɨli nəmwèʼè la kəfo kə zhɨkə kə tsenkə ko diʼ a kə ko laynə kʉʼʉ. Ma kɨ alə̀ byìʼì ando ma byɨmə a Bobo Yesò. Alì, wìʼ sətsèn ə yen la kəfo kə ko diʼ laynə, mu kə li ko laynə a wen.

Lumans 14:5

Viʼi vətsenvə ə yen nə̀ to la mətsi mə tsen ə kuʼmə ashɨ Nyìngòŋ ə chò mətsen nə̀, və tsenəvə yen ə̀ la mətsi ə tsèm diʼ to ndə̀ŋndəŋ. Kə bòŋ la no ndò ə shɨtə kɨ kənyʉ̀ ki a ghə̀ ti tsu.

Lumans 15:14

Ma kɨ no fa mo a tyɨm a vəlemə vwomə la ghə̀ŋ shɨtə tsi to no ntsìnə̀ ə jùŋ, kɨ mwetə to no kənyʉ̀ kì a kə diʼ nəmwèʼè be kwʉ̀ʼʉ̀ ə ziʼi təwen ə təŋtə.

Lumans 4:21

Ghə̀ ə ntuʼtə̀ kɨ to nəmwèʼè la Nyìngòŋ be kiʼi kədyòʼ ə nè kənyʉ̀ ki a ghə̀ nghʉ̀.

Lumans 8:38

Ma kɨli nəmwèʼè a kò a diʼ tèbe əpfʉ̀ kò à diʼ tsi, kò à diʼ ətsɨŋsə Nyìngòŋ kò à diʼ kədyòʼ kì a kə soʼo viʼi, kò à diʼ nyʉ̀ vyi a və diʼ luwen kò à diʼ vi a və diʼ lù ə fù, kò à diʼ ədyoʼ ə byɨvə,

2 Kolìntyàns 6:6

Yès diʼi li la yès diʼ viʼi Nyìngòŋ byìʼì ando yès ə tsì ətsìnə̀sə laynəsə, kɨ kənyʉ̀ ki a kə diʼi nəmwèʼè, wensə, tuʼmə, kiʼ Kəzhwì kə Ŋwoʼkə be kòŋ viʼi vətsenvə nə̀ tyɨm ə yèsə no tsèm.

1 Timotì 1:5

Mà gaʼa kənyʉ̀ a kenkə à wù alə byìʼì ando ma kəŋ la viʼi və byɨməvə ə kiʼ əkòŋ yi a ghə̀ fʉ̀ fa tətyɨm tə laynə tə, kə və wenə a nkiʼ kwòʼtə̀ ə byɨghə, bè nkiʼ əbyɨmə yi a ghə̀ diʼi nəmwèʼè.

1 Timotì 4:6

Wù sətsèn ə mbèsə̀ ənyʉ̀ a venə a mà gàʼa lə à viʼi və byɨməvə, wù ne ndiʼ tò no wù ə shwèʼ ə jùŋ à Yesò Klistò. Wù sətsen ghaʼ ə ndìʼsə̀ nəmwèʼè a ghèn, ghə̀ gyàmtə̀ wù ə ne la byɨmə ə wu ə to.

2 Timotì 1:12

A lə kənyʉ̀ ki a ma yen ngəʼ byìʼì kəwenkə, alì ken la ma ndiʼsə kətʉ byiʼ ando ma kɨ kɨ la ghə̀ tùʼmə̀ nə̀ mò ə zaʼa a kətsi a ghə̀ lu bwenə ə vi.

2 Timotì 3:15

Wù kwòʼtə̀ to ando və nlu sə ziʼì wù nə̀ ənyʉ̀ mu və fʉ̀ fa Ŋwàʼlə̀ Nyìngòŋ tò no fa ətʉ̀ʼ a wù mbo bu wàyn. Ənyʉ̀ a venə ə diʼ ə ku ətof à wù ndi wù byɨmə à Yesò Klistò a ghə̀ bwòŋsə̀ wù.

Hibùlù 11:13

Viʼi na venə no vətsèm nki li əbyɨmə a Nyìngòŋ ə lu kaʼ əpfʉ to nə̀ wenə ghə̀. Vəwenə ə nsə pfʉ ko a vəwenə kiʼi li kənyʉ̀ kì a Nyìngòŋ nghʉ̀ ali, vəwenə sə saŋlə to saŋlə, ki dyʉ̀sə nə̀ kənyʉ̀ ki a Nyìngòŋ ə ndiʼ lù nè. Vəwenə ngaʼa li to no nə̀ əchʉ vəwenə la vəwenə diʼ a nse ashə to nə̀ viʼi ghayn.

Hibùlù 6:9

Yès ə gàʼà no tèbe alə̀ a doŋ shomsə, kɨ la à diʼ a ghə̀ŋ, nyʉ̀ ə bòŋ chò fa lə byìʼì əbwoŋə yì a ghə̀ŋ kiʼi.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.