2 Timotì 1:16 - The New Testament in the Babanki language

¹⁶ Mà jɨ̀mə̀ la Nyìngòŋ diʼ kusə shinsə à viʼi ngwaʼ ə ngə̀ŋ nə̀ Onèsìpholùs byiʼ ando ghə̀ tə nè la ma ə saŋlə. Ghə̀ ko tə ə diʼsə kətʉ la ma dìʼ a ngə̀ŋ mfɨŋ.

2 Timotì 1:16 ပူးပေါင်းရင်းမြစ်များ

Matìyò 25:17

Yì a və nku mbo ko bò à wen lì shwèʼ nə̀ wenə ghə̀ ə̀ se mbo ko bò à yì a kətʉ.

Matìyò 5:7

Mbwaʼmə dìʼ a viʼi vyi a və kusə̀ nshinsə à viʼi və tsenəvə byiʼàndo Nyìngòŋ lu kusə̀ nshinsə à vəwenə.

Shwèʼ 21:33

Kətʉ kə vəsugyèʼ akì dyʉ̀ à Bol ə̀ gàʼ və ghaʼ wen ə̀ kwìʼi wen nə̀ mpfɨŋsə səbò. Ghə̀ mù bèm à viʼi a vyi la, “Wìʼ ghèn dìʼ ndo? Ghə̀ nè ghò?”

Shwèʼ 28:20

A lè kənyʉ̀ a kə ne mà ngaʼ la mà yen ghə̀ŋ vəghəŋ besə a muʼu. Mà dìʼ a mpfɨŋsə alə̀ tò byìʼàndo mà byɨmə à wìʼ yì a viʼi Islel ə ghʉ kwòʼtə vəwenə tò à wen.”

1 Kolìntyàns 16:18

Vəwenə zhʉsə li ətyɨm ə ghomə ndə̀ŋndəŋ ando vəwenə tə ə̀ zhʉsə təŋtə. Ghə̀ŋ ə ngumlə̀ viʼi to nə̀ nki viʼi a venə.

Efisyàns 6:20

Ma diʼ mu və tɨm la mà vi ə shə̀ʼtə̀ ntɨm ə jùŋ a ghèn no tèbe ando, ma diʼi luwen a nfɨŋ. Ghə̀ŋ njɨ̀mə̀ la mà ə̀ shə̀ʼtə̀ to ando ma diʼi ə̀ nshə̀ʼtə̀, ko ma fwàynə̀ tebè kəfo.

2 Timotì 1:12

A lə kənyʉ̀ ki a ma yen ngəʼ byìʼì kəwenkə, alì ken la ma ndiʼsə kətʉ byiʼ ando ma kɨ kɨ la ghə̀ tùʼmə̀ nə̀ mò ə zaʼa a kətsi a ghə̀ lu bwenə ə vi.

2 Timotì 1:17

To ando ghə̀ nlu vi zaʼa a Lum no a zhʉ ko ə ghə̀ jèʼè kəŋ no nə̀ kədyoʼkə mibu yen mo.

2 Timotì 1:18

Mà jɨ̀mə̀ la Nyìngòŋ lù diʼ ə kusə nshinsə a wen à Kətsi kə bàm. No wù ə kɨ ando ghə̀ ngyàmtə̀ mò a Efesùs.

2 Timotì 1:8

Kə lə diʼi la wù ko diʼ ə ndiʼsə kətʉ ə tɨmə ncho nsoʼ à Bobo vəghəŋ, kò be ndiʼsə kətʉ byìʼì mò ando ma diʼì a mfɨŋ byiʼ ando ma byɨmə à Klistò. Mà gàʼà la wù bòŋsə lyɨ̀ kədyòʼ ki a Nyìngòŋ ku à wù, ə vi boʼsə à mò atyi ngəʼ yi a ma diʼì tsu byìʼì ntɨm ə jùŋ.

2 Timotì 4:19

Toŋtə Blisilyà wenə lɨmə wen Akwilà nə̀ viʼi ngwaʼ ngə̀ŋ nə̀ Onèsìpholùs à mò.

Filimùyn 1:20

Lèmə̀ ghom, sensen nè kənyʉ̀ kènkə a ma gàʼà a wù lə a zhiʼi Bobo. Nè mà ə saŋlə a zhiʼi Klistò.

Filimùyn 1:7

Lèmə̀ ghom, ə koŋə yì a wù kiʼi a viʼi Nyìngòŋ nə̀ ji yi a wù nè vəwenə saŋlə fa tsù ə nè li ma sə saŋlə no nànto, tyɨm ə ghomə be sə totə.

Hibùlù 10:34

Ghə̀ŋ ə kusə shinsə a viʼi vyi a və ghaʼtə shwin. Və nghaʼtə shi əfo ə vəŋə, ghə̀ŋ ə boŋsə saŋlə byìʼì ando ghə̀ŋ ə kɨ la ghə̀ŋ bo kiʼi əfo vyi a Nyìngòŋ ə ghʉ̀ a ghə̀ŋ, və kuʼmə chò vyi a və ghaʼ shi be diʼ mu və faŋ li to nəmwèʼè.

Hibùlù 6:10

Nyìngòŋ ə nə̀ nè no tèbe ghò to ji tɨmə. Ghə̀ zizi ko ghə̀ lu lyesə kòŋ yì a ghə̀ diʼi a viʼi wen nə̀ shwèʼ yì a ghə̀ŋ nè ə gyamtə vəwenə. A diʼ no tèbe luwen, ghə̀ŋ bo shwèʼè to ali.