2 Timotì 1:14 - The New Testament in the Babanki language

¹⁴ Kəzhwì kə Ŋwòʼəkə kì a kə diʼì a vəghəŋ a ntìntìn a gyamtə wù ə ku kədyòʼ ndi wù shɨ̀tə̀ ghaʼ ənyʉ̀ jùŋvə vi a və ku li à wù.

2 Timotì 1:14 ပူးပေါင်းရင်းမြစ်များ

Ŋwàʼlə̀ Luk 16:11

Ghə̀ŋ le sətsen dìʼ ke kɨ tuʼmə nə̀ ghoʼ mbyì, à lə̀ ku ndo nkàyntə ghoʼ à ghə̀ŋ a?

Joyn 14:17

Ngyàmtə̀ a ghèn ne ndiʼ Kəzhwì kə Nyìngòŋ kì a kə diʼi nəmwèʼè kumə Nyìngòŋ. Viʼi mbyi zizi ko və lu shisə Ngyàmtə̀ a ghèn byìʼàndo vəwenə ko yenə wen, ko və kɨ wen. Ghə̀ŋ kɨli wen byìʼàndo ghə̀ tsi ghə̀ŋ vəwenə, diʼ ə nè ə ndiʼ a ghə̀ŋ a ntìntìn.

Lumans 3:2

Nəmwèʼè se diʼ to a jisə kədə̀ŋ. Mbì kənyʉ̀ ə diʼ la Nyìngòŋ ə nku li kənyʉ̀ kə wen a viʼi Jus.

Lumans 8:11

Kəzhwì kə Nyìngòŋ a ghə̀ ə nlùsə Yesò Klistò fa pfʉ sətsen ə ntsi a ghə̀ŋ a ntìntìn, Nyìngòŋ a ku ntsìnə̀ a ghə̀ŋ a wen ashə a ghə̀ diʼ lu ə pfʉ lə, chò fa wen a kəzhwì yi a kə tsi a ghə̀ŋ a ntìntìn.

Lumans 8:13

Ghə̀ŋ sətsen ntsi dyʉ̀ to ando njòsə əwen ə ghə̀ŋ sə ə kəŋ, ghə̀ŋ a pfʉ, ali mu ghə̀ŋ sətsen boŋsə ə maʼa nyʉ̀ ə byɨvə ə ghə̀ŋ chò fa kədyòʼ yi a kəzhwì kə ku a ghə̀ŋ, ghə̀ŋ a ntsi diʼ.

Lumans 8:9

Alì fa ghə̀ŋ, ghə̀ŋ ko ghʉ tebè kətʉ ə kəŋkə̀ a nyʉ̀ ə njòsə wen. A tisə Kəzhwì kə Ŋwoʼkə tisə ghə̀ŋ a zhʉ a ghə̀ŋ kiʼi Kəzhwì kə Nyìngòŋ na kènkə nəmwèʼè. Nò tèbe ndo a ghə̀ ko kiʼ kəzhwì kə Yesò kodiʼ wù ə Yesò.

1 Kolìntyàns 3:16

A ghə̀ŋ kɨli la ghə̀ŋ diʼ ngə̀ŋ Nyìngòŋ, kəzhwì kə Nyìngòŋ kə tsi a ghə̀ŋ a ntìntìn?

1 Kolìntyàns 6:19

Kə lə diʼ la ghə̀ŋ ko kɨ la ghə̀ŋ ə diʼ ngə̀ŋ Nyìngòŋ ə ku la Kəzhwì kə Ŋwoʼkə ntsi a ghə̀ŋ a ntìntìn mu. Ghə̀ŋ ko bè diʼ fa ghə̀ŋ a ngeŋ. A kiʼi Nyìngòŋ kiʼ ghə̀ŋ.

1 Kolìntyàns 9:17

Mà tə ndiʼ la ma ne shwèʼ a ghenə fa mò a kòŋ, a və ne diʼ ə lòʼò mò. Alì ma sə ne to byìʼì ando à diʼ kənyʉ̀, a ma diʼ ə ne, mu à gàʼ Nyìngòŋ la ma ə ne.

2 Kolìntyàns 5:16

Ə zìtə̀ fa luwen, yès ko be a nlyè wìʼ fa ji yi a viʼi mbyi lyè fa tsu. Kə diʼ to no nəmwèʼè la, yès ə nlyè Yesò a ji a ghèn, ali sə diʼ ko yès mbe nlye ali.

Gàlesìyà 2:7

Vəwenə ə mboŋsə li yen la Nyìngòŋ ə wè li shwèʼ a ghenə a mo a kəvu la mà shə̀ʼtə̀ ntɨm ə jùŋ a viʼi a ko diʼ viʼi Jus, ndə̀ŋndəŋ to ando ghə̀ ə mbe wè a kəvu a Bità la ghə̀ shə̀ʼtə̀ a viʼi Jus.

Efisyàns 2:22

Ghə̀ŋ və viʼi vətsenvə lu tsèntə diʼ a ntìntìn ə Klistò, ghə̀ shɨtə ghə̀ŋ la ghə̀ŋ ə diʼ kəshi kì a kəzhwì kə Nyìngòŋ kə ə tsi tsu.

Efisyàns 5:18

Kə ghə̀ŋ nyʉ məlyʉ̀ʼ moʼtə mə ghaʼ ghə̀ŋ byìʼì ando məlyʉ̀ʼ ne viʼi tsi ntsìnə̀ nyamsə. Ghə̀ŋ boŋsə moʼtə kəzhwì kə Ŋwoʼkə lywinsə ghə̀ŋ.

Kòlòsyàns 4:11

Joshùwà yi a və be toŋtə wen la Justùs li, gàʼ la mà toŋtə ghə̀ŋ. A diʼ to vəwenə viʼi Jus və byɨməvə vi a və shwèʼè yo vəwenə. Ma shwèʼè yo vəwenə ne la viʼi yen əfòynə ə Nyìngòŋ. Vəwenə nè li ma sə diʼ to akayn.

1 Tèsàlonyà 5:19

Kə ghə̀ŋ ne taʼsə shwèʼè yì a kəzhwì kə Ŋwoʼkə ə nè a ghə̀ŋ a ntìntìn,

1 Timotì 1:11

Ənyʉ̀ a venə ə diʼ a ntìntìn ntɨm ə jùŋ yi a Nyìngòŋ ku la mà shə̀ʼtə̀. A diʼ Nyìngòŋ kaynə yì a viʼi ə kuʼsə.

1 Timotì 6:20

Timotì, shɨ̀tə tùʼmə̀ no te nə̀ gho yi a Nyìngòŋ ku li à wù. Kə wù nə̀ zhʉtə ə gàʼ, a ghə̀ ko ku əghoʼsə à Nyìngòŋ. Kə wù a nsoʼtə ənyʉ̀ kə kəndzɨ̀ŋtə̀ vi a viʼi ə dzɨŋə soʼtə̀, gàʼa la à dìʼ ənyʉ̀ ətof.

2 Timotì 1:12

A lə kənyʉ̀ ki a ma yen ngəʼ byìʼì kəwenkə, alì ken la ma ndiʼsə kətʉ byiʼ ando ma kɨ kɨ la ghə̀ tùʼmə̀ nə̀ mò ə zaʼa a kətsi a ghə̀ lu bwenə ə vi.

2 Timotì 2:2

Wù tə ə zhʉ nyʉ̀ vyi a ma tə nziʼi ashɨ nə̀ viʼi. Wù diʼ ə lyɨ̀ əziʼi ghenə luwen ə ziʼi viʼi və jùŋvə vyi a zì vəwenə be ə ziʼi viʼi vətsenvə.

1 Bità 1:22

Ghə̀ŋ sə diʼ mù ghə̀ŋ shʉ li tətyɨm təŋtə tə layn byìʼì ando ghə̀ŋ zhʉ̀ li kənyʉ̀ kə Nyìngòŋ kì a kə diʼi nəmwèʼè ə sə kòŋ təwen ə təŋtə. Ghə̀ŋ ə kòŋmə li təwen ə təŋtə to nə̀ vəlemə no nəmwèʼè nə̀ ətyɨm ə muʼ.