2 Timotì 1:13 - The New Testament in the Babanki language

¹³ Shɨtə ghaʼ nəmwèʼè a ghèn a mà ziʼi à wù lə ə nziʼi à viʼi vətsenvə. Wù sə ə ne ənyʉ̀ a venə, wu shɨ̀tə̀ ghaʼ byɨmə ə wu nə̀ əkòŋ yi a vəghəŋ ə kiʼi à Yesò Klistò.

2 Timotì 1:13 ပူးပေါင်းရင်းမြစ်များ

Lumans 2:20

la ghə̀ŋ tisə nkoyn, diʼ ndìʼsə̀sə sə voyndyə byìʼì ando ghə̀ŋ kɨli no tèbe gho a yi a Əsoʼ ə gàʼa be kɨ no tèbe gho a yi a ghə̀ diʼi nəmwèʼè?

Lumans 6:17

Vəghəŋ diʼ ə ku kəzòŋ a Nyìngòŋ byìʼì ando a ndiʼ a tʉʼ tseghə, ghə̀ŋ diʼ əkòs a mbyɨ ali ə lu zhʉ ziʼi yì a və ziʼi a ghə̀ŋ ə byɨmə nə̀ tyɨm ə ghəŋə no tsèm.

Filìbàyns 1:27

Ko a fʉ no te ghò, ghə̀ŋ tsi ando ntɨm ə jùŋ ə Klistò ə kəŋ ndi mà sətsen vi tèbe vi ə yen ghə̀ŋ, kò zhʉ byìʼì ghə̀ŋ a zhʉ a ma ko diʼ, mà ə kɨ la ghə̀ŋ ə ko kwitə fa kiʼi kwoʼtə ə mùʼ, tsi to a kənyʉ̀ kə mùʼ, shyèʼ no nə̀ kədyoʼkə be soynə ə ghaʼa əbyɨmə yì a ntɨm ə jùŋ ə ziʼi.

Filìbàyns 4:9

Ghə̀ŋ ə nè ənyʉ̀ vyi a ghə̀ŋ ziʼì fà mò, vyi a ghə̀ŋ shi fà mò, vi a ghə̀ŋ zhʉ ando mà gàʼà bènə̀ vi a ghə̀ŋ yenə ando mà nè. Sətsen ghə̀ŋ ə nè alə Nyìngòŋ a ku mbwaʼmə̀ a ghə̀ŋ mbe ndi və̀ vəwenə.

Kòlòsyàns 1:4

Yès ə ku kəzòŋ a Nyìngòŋ byìʼì ando yès əzhʉ li la ghə̀ŋ byɨmə li a Yesò Klistò be sə kòŋ viʼi Nyìngòŋ no və tsèm.

1 Tèsàlonyà 5:21

Ghə̀ŋ boŋsə kaʼtə no nyʉ̀ ə tsèm ə yen la, və le lù to no fa Nyìngòŋ ə lo. Ghə̀ŋ yen to kə nəmwèʼè kə ghə̀ŋ a byɨmə,

1 Timotì 1:10

Və shɨtə à viʼi vyi a və tsi nə̀ ki, a ko diʼ ki vəwenə, nə̀ lyʉmə, a ko diʼ vəlɨm və vəwenə, ə bè shɨtə a lyʉmə vi a və kaʼsə tsi nə̀ lyʉmə vətsenvə, nə̀ viʼi vyi a və tsòŋ viʼi baʼlə̀, nə̀ viʼi kənwam, nə̀ nchò nsoʼ sə kənlobtə̀, nə̀ vi a və nè no te ghò ə tsen a əziʼi nəmwèʼè ə tensə.

1 Timotì 1:14

Bobo vəghəŋ ə ndiʼ li ətyɨm ə jùŋ ghə̀ wen à mò no nànto, ə ne la mà byɨmə à wen ə bè nkiʼ ə kòŋ a ghə̀ lu fà Yesò Klistò.

1 Timotì 6:3

No ndo a ghə̀ sətsen ə nziʼi nyʉ̀ ko a ndiʼ ənyʉ̀ vyi a mà ku à wù ko ənyʉ̀ vyi a və ziʼi byìʼì Bobo vəghəŋ Yesò Klistò, bè ntensə jì shi a və ziʼi la viʼi və byɨməvə ə ntsi fatsu mu,

2 Timotì 1:1

A ə nyòʼò mò Bol, nyòʼo ŋwàʼlə̀ ghèn à wù a Timotì. Mà dìʼ wù ə ntɨm ə̀ Yesò Klistò mu a ntsuʼ Nyìngòŋ. Ghə̀ ntsuʼ mò la mà shə̀ʼtə̀ ntɨm ə jùŋ kùmə̀ ntsìnə̀ yi a ghə̀ ko lə me to ando ghə̀ əghʉ̀ li. Ntsìnə̀ a ghèn ə diʼ to zhʉ a vəghəŋ diʼ to kənyʉ̀ kəmùʼ vəghəŋ və Yesò Klistò.

2 Timotì 1:14

Kəzhwì kə Ŋwòʼəkə kì a kə diʼì a vəghəŋ a ntìntìn a gyamtə wù ə ku kədyòʼ ndi wù shɨ̀tə̀ ghaʼ ənyʉ̀ jùŋvə vi a və ku li à wù.

2 Timotì 2:2

Wù tə ə zhʉ nyʉ̀ vyi a ma tə nziʼi ashɨ nə̀ viʼi. Wù diʼ ə lyɨ̀ əziʼi ghenə luwen ə ziʼi viʼi və jùŋvə vyi a zì vəwenə be ə ziʼi viʼi vətsenvə.

2 Timotì 3:14

Alì fa wù, faŋə mbyɨmə tò nəmwèʼè yi a və tə ziʼì wù tsu li. No wù ə nkɨ ndìʼsə̀ shi a sə tə ziʼì wù nə̀ kənyʉ̀ a kenkə.

2 Timotì 4:3

Mà gàʼà alə byìʼì ando ə zhʉ ne vì, a viʼi kə be ne kòŋ ə nzhʉtə əziʼi yi a ghə̀ diʼì ziʼi nəmwèʼè, alì ə bòŋsə kəŋ ə zhʉ ənyʉ̀ vyi a vəwenə kòŋ. Vəwenə ne jèʼè gubtə̀ ndìʼsə̀sə sə vi ə ziʼi ənyʉ̀ a venə à vəwenə.

Taytùs 1:9

Ghə̀ diʼ nshɨ̀tə̀ ghaʼa ntɨm ə jùŋ yì ando və ndìʼsə̀. Ghə̀ dìʼ be ziʼi viʼi nə̀ nyʉ̀ vyi a Nyìngòŋ ə kəŋə, be dìʼì à viʼi a və tyenə ziʼi aghenə la vəwenə nè li ə nshwè.

Taytùs 2:1

Fà wu ə Taytùs, wù diʼ ndìʼsə̀ viʼi nə̀ nyʉ̀ juŋəvə vi a və nè la viʼi ə ntsi a nkàyn

Taytùs 2:8

Ə ndìʼsə̀ tò kənyʉ̀ a kə diʼì nəmwèʼè ndiʼi kə viʼi be a nkiʼi kənyʉ̀ əgàʼ byìʼì kəwenkə ndi ətʉ viʼi kəbàyn ə vəghəŋ ndiʼ ando vəwenə ko be a kiʼi kənyʉ̀ kəbyɨkə gàʼ byìʼì vəghəŋ.

Hibùlù 10:23

Vəghəŋ ghaʼ kənyʉ̀ ki a vəghəŋ ə kɨ la kə diʼ nəmwèʼè ə to tsu kə vəghəŋ be a nə̀ʼkə̀, byìʼì ando Nyìngòŋ ə ghʉ̀ no ghò, ghə̀ ne to ali.

Hibùlù 3:6

Alì, Yesò, shyèʼ to no akayn to nə̀ wàyn Nyìngòŋ no tèbe ghò a ngə̀ŋ ə Tìʼ wen diʼ to a wen a kəvu. Vəghəŋ sətsen ghaʼa əbyɨmə ghə̀ to, vəghəŋ ne saŋlə kumə kəfo kì a vəghəŋ ə ki dyʉ̀sə nə̀ kəwenkə, vəghəŋ diʼ viʼi wen, à diʼ ngə̀ŋ wen na yì.

Hibùlù 4:14

Vəghəŋ shɨtə ghaʼa əbyɨmə ə vəghəŋ ghə̀ to, byìʼì ando vəghəŋ ə kiʼi kətʉ kə Vəpfèm ə ŋaŋtə a ghə̀ ə kuʼ akàŋ. Pfèm ə ngə̀ŋ Nyìngòŋ ə ŋaŋtə na ghèn a ghə̀ ŋaŋtə chò sətsensə lə diʼ to no Yesò, ə Wàyn Nyìngòŋ.

Ŋwàʼlə̀ Jud 1:3

Ma tə ə kòŋ ə nyòʼò a ghə̀ŋ, a doŋ shomsə jùŋ sə kumə ando Nyìngòŋ ə tsèntə bwòŋsə̀ vəghəŋ vətsèm, ali ə yen la kə bòŋ la mà zaŋsə nyòʼ ə tyɨftə ghə̀ŋ la ghə̀ŋ nè shwèʼè no nə̀ kədyoʼkə ə ghaʼ əbyɨmə yi a viʼi Nyìngòŋ ə kiʼi. Əbyɨmə ghenə diʼ to əmùʼ, mu Nyìngòŋ nku li a viʼi wen to ghayn əmùʼ.

Kəmwetə 2:25

Mà gàʼà tò la ghə̀ŋ ə nshɨ̀tə̀ nè tò kənyʉ̀ a ghə̀ŋ tə nè əzaʼa azhʉ a mà bwènə̀ vì.

Kəmwetə 3:11

Mà sə̀ laʼtə̀ ə bwènə̀ vì, ghə̀ŋ tuʼù ə̀ ghàʼ tò əziʼi yi a ghə̀ŋ sə̀ kiʼ ndi kə wìʼ lù sòʼ əmoʼtə ghəŋə.

Kəmwetə 3:3

Ghə̀ŋ bwensə̀ kwòʼtə̀ ənyʉ̀ vyi a və ndìʼsə̀ ghə̀ŋ tsu bènə̀ ə̀vi a ghə̀ŋ ə̀ nzhʉ. Ghə̀ŋ kwitə tətyɨm ə təŋtə fà ghə̀ŋ ə mbyɨsə nè ənyʉ̀ a vyi. Ghə̀ŋ sətsèn ə̀ fàŋ ke lùkə̀, mà bvʉ̀tə̀ vì à ghə̀ŋ tò nə̀ tsòŋ kèn la ghə̀ŋ a kɨ zhʉ a mà vì.