2 Timotì 1:10 - The New Testament in the Babanki language

¹⁰ Luwèn sə ə dìʼ mu ghə̀ diʼi li ətyɨm ə jùŋ ghə̀ a ghenə a jì la Yesò Klistò, ə Mbwòŋsə̀ vəghəŋ nvi li. Ghə̀ nvi li ne la kə pfʉ mbe kiʼ kədyòʼ kùmə̀ vəghəŋ. Ghə̀ ziʼi li ntɨm ə jùŋ ə ne la vəghəŋ ə kɨ ntsìnə̀ yi a ghə̀ ko lə mè.

2 Timotì 1:10 ပူးပေါင်းရင်းမြစ်များ

Ŋwàʼlə̀ Luk 11:36

Wenə wu tsèm sətsen nkiʼi bayn kò kəshi kə fenə kə lə ndiʼ tsu, ghə̀ a baynə no tsèm ando kənkàʼtə̀ kə baynə à wù a wèn nə̀ baynə yi no tsèm.”

Ŋwàʼlə̀ Luk 13:7

Ghə̀ mù gàʼà wù ə shyèʼ sɨm wen la, ‘A shi ngʉʼsə taʼ a ma vì to vì a tyi fəkòʼ ashə̀ alì kenla mà yenə no shɨ à yi kətʉ. Bvàʼà mòʼ a nsè. Byiʼi gho a fə byɨsə kəshi kə nsè ken kə tò kədyàŋ a?’

Ŋwàʼlə̀ Luk 2:11

Və bwili mbwòŋsə̀ lan a ghə̀ŋ a loʼo fòyn Devìt a diʼi Klistò a ghə̀ diʼi Bobo.

Joyn 1:9

Əbayn na ghenə ndiʼ əbayn nəmwèʼè a ghə̀ ə vi a mbi ə nku əbayn a viʼi və tsèm.

Joyn 14:6

Yesò ə gàʼ a wen la, “Ma diʼ ji, diʼ nəmwèʼè, be diʼ əbwòŋ yì a ghə̀ ko lu mè, wìʼ ko diʼ a ghə̀ zizi ghə̀ dyʉ̀ a Bobo, a bwen la ghə̀ chò fa mo kəvu.

Joyn 20:31

Və nyoʼ kènkə alə ndiʼ ghə̀ŋ zhʉ̀, ə byɨmə la Yesò diʼ to no Klistò, ə Wàyn Nyìngòŋ, əbyɨmə ə na ghenə nè, ghə̀ŋ kiʼi ntsìnə̀ yì a ghə̀ ko lu mè a wen a əzhiʼ.

Joyn 4:42

ə gàʼ a wùwì na yì la, “Yès ə byɨmə li luwen, a ko diʼ to byìʼì kənyʉ̀ kì a wù shə̀ʼtə̀ a yès. Yès ə zhʉ li əziʼi ə wen no fa yès a ngeŋsə nkɨ la à diʼ tò no wen Mbwòŋsə̀ mbyi.”

Joyn 5:40

Alì, ko ghə̀ŋ byɨmə ə vì a mò ə kiʼi ə ntsìnə̀ a ghèn.

Shwèʼ 13:23

Nyìngòŋ nghʉ li la ghə̀ lu tsuʼ wìʼ mu ghə̀ lù fa ngwaʼa ngə̀ŋ Devìt, la ghə̀ bwòŋsə viʼi Islel. Wìʼ aghèn diʼ Yesò.

Shwèʼ 5:31

Nyìngòŋ ə kuʼsə li wen à wen a shyə kwoŋ toghə ə ne la ghə̀ ndiʼ kətʉ be diʼi mbwòŋsə̀ ndi ghə̀ ne la viʼi Islel kiʼi jì əkaʼsə tətyɨm tə vəwenə fà vəwenə a nyʉ̀ byɨvə ndi Nyìngòŋ lyesə mbyɨsə vəwenə.

Lumans 16:26

luwen sə ə diʼ mù ghə̀ diʼi li kənyʉ̀ na kènkə a ndayn əchò fa nyʉ̀ yi a nshə̀ʼtə̀ sə ghoʼkəsə ə nyoʼo kumə Yesò. Ghə̀ ngaʼa li la viʼi vətsèm byɨmə ə zhʉtə, a diʼ wen yi a ghə̀ fàŋ li nəmwèʼè.

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

Lumans 3:31

Kə ko diʼi tebè la vəghəŋ maʼa Əsoʼ luwen byìʼì byɨmə ə vəghəŋ. Vəghəŋ boŋsə diʼ ə shɨtə ə ghaʼ Əsoʼ luwen ando vəghəŋ byɨmə li lə̀.

Lumans 6:6

Vəghəŋ ə kɨ la və ə sə bayntə Yesò a kəntò ə bayntə boʼsə nə̀ ntsìnə̀ ə mu ə vəghəŋ ndiʼ kədyòʼ kə mbyɨ kì a kə ndiʼ a wen ə mu ghə̀ na ghèn mè, ko vəghəŋ ə be a ndiʼ əkòs a mbyɨ,

1 Kolìntyàns 15:26

Wù kəbàyn wen ə yi a ghə̀ lu byɨsə a kəmwetə a diʼ əpfʉ̀.

1 Kolìntyàns 4:5

Ali, kə ghə̀ŋ tyinə nsòʼ ko ndiʼ la zhʉ̀ yi kʉʼʉ li. Ghə̀ŋ kəʼtə, Bobo vi. Ghə̀ a vi ə diʼ làynsə nyʉ̀ ə lyomtəvə vyi a və nyoʼtə ne a kəbəŋ kə fenəkə, ə shə̀ʼtə nyʉ̀ vyi a viʼi əkwoʼtə lyomtə a və wenə a tətyɨm. Nyìngòŋ ə mu bwomsə no ndò to ji a ghə̀ əshyèʼè.

2 Kolìntyàns 5:4

Vəghəŋ tsi a wen ashə̀, dì to dì byìʼì ngəʼ yì a vəghəŋ yenə. A ko diʼ la vəghəŋ kəŋ la Nyìngòŋ ə lyisə əwèn ghenə a vəghəŋ tsì tsu, vəghəŋ boŋsə kòŋ to la ghə̀ ku əwèn ə fighə a vəghəŋ a ghə̀ zizi ko ghə̀ lu pfʉ, ndi ghə̀ lyɨ̀ kəshi kə wèn ghenə.

Gàlesìyà 5:4

Ghə̀ŋ vyi a ghə̀ŋ kəŋ ə nti akayn ashɨ Nyìngòŋ ə byìʼì ando ghə̀ŋ ghʉ Əsoʼ ghenə, kɨ la ghə̀ŋ gə̀sə̀ li təwen ətəŋtə fa Klistò. Ghə̀ŋ tyenli ətyɨm ə jùŋə ghə̀ yi a Nyìngòŋ ə diʼi li a ghə̀ŋ.

Efisyàns 1:18

Ma be jɨ̀mə̀ la Nyìngòŋ ə nè tə tof ə tyəŋtə boʼmə̀, ghə̀ŋ nkɨ la ghə̀ŋ be lù kiʼi əfo ə juŋəvə vi a ghə̀ baʼtə̀ a ghə̀ŋ byìʼì ando ghə̀ ntsuʼ li ghə̀ŋ nə̀ əghoʼ ə ŋwoʼghə yì a ghə̀ nghʉ̀ a viʼi wen no vətsèm,

Efisyàns 1:9

Nyìngòŋ ə nè li la vəghəŋ kɨ nyʉ̀ mu ghə̀ baʼtə̀, a sə kɨ to wen. Ghə̀ mbaʼtə nyʉ̀ a venə la və fʉ̀ chò fa a Yesò, mu à nkòŋ to wen la kə ə̀ ndiʼ a ji a ghèn.

2 Tèsàlonyà 2:8

Və lyisə wìʼ na ghèn fa ji, wù ətyɨm ə byɨghə na ghèn fʉ. Bobo Yesò lu vi no tèbe achʉʼ ə ko ə zhwi wen nə̀ kəzhwì mu kə fʉ fa wen a chʉ̀, benə əbayn ə ghoʼoghə ə wen.

2 Timotì 1:1

A ə nyòʼò mò Bol, nyòʼo ŋwàʼlə̀ ghèn à wù a Timotì. Mà dìʼ wù ə ntɨm ə̀ Yesò Klistò mu a ntsuʼ Nyìngòŋ. Ghə̀ ntsuʼ mò la mà shə̀ʼtə̀ ntɨm ə jùŋ kùmə̀ ntsìnə̀ yi a ghə̀ ko lə me to ando ghə̀ əghʉ̀ li. Ntsìnə̀ a ghèn ə diʼ to zhʉ a vəghəŋ diʼ to kənyʉ̀ kəmùʼ vəghəŋ və Yesò Klistò.

2 Timotì 1:8

Kə lə diʼi la wù ko diʼ ə ndiʼsə kətʉ ə tɨmə ncho nsoʼ à Bobo vəghəŋ, kò be ndiʼsə kətʉ byìʼì mò ando ma diʼì a mfɨŋ byiʼ ando ma byɨmə à Klistò. Mà gàʼà la wù bòŋsə lyɨ̀ kədyòʼ ki a Nyìngòŋ ku à wù, ə vi boʼsə à mò atyi ngəʼ yi a ma diʼì tsu byìʼì ntɨm ə jùŋ.

2 Timotì 4:1

Yesò Klistò lu vi to nə̀ fòyn ə soʼ viʼi vyi a və bu tsi nə̀ vi a və pfʉkə li. Byìʼì wokenkə, mà sə gàʼa à wù no nə̀ kədyòʼ kə, ashɨ nə̀ Nyìngòŋ nə̀ Yesò Klistò la,

2 Timotì 4:8

Mà sə kə̀ʼtə̀ tò əmòʼtə ntsìnə̀ ə tɨmə ə̀ mò luwèn, Bobo vəghəŋ yi a ghə̀ soʼo viʼi a ji tɨmə ə lu ku əmòʼtə a ghenə à mò a kətsi kə nsoʼ. Ghə̀ ko lə ku tò à mò, ghə̀ lu be ku te be à viʼi vyi a və tə ə nkə̀ʼtə̀ məvi ə wen nə̀ ə koŋə.

Taytùs 2:11

Kə diʼ alə̀ byìʼàndo Nyìngòŋ ə diʼ li boŋə tyɨm ə wen a ghə̀ ə nvi ə bwòŋsə̀ viʼi vətsèm.

Taytùs 2:13

Adìʼ a ji aghèn a vəghəŋ diʼ ntsi fa tsu ando vəghəŋ ə kə̀ʼtə̀ kətsi kə kanəkə kì a Nyìngòŋ ə mbwòŋsə̀ vəghəŋ və Yesò Klistò a ghə̀ kiʼi kədyòʼ kə gho kə lu bwènə̀ vì.

Taytùs 3:4

alì no a zhʉ̀ kò a njùŋ bènə̀ ə̀kòŋ ə Nyìngòŋ ə mbwòŋsə̀ vəghəŋ ə̀ mfʉ

Hibùlù 10:32

Ghə̀ŋ bwensə li kwòʼtə ando əbayn ə nvi a ghə̀ŋ, ghə̀ŋ kɨ Nyìngòŋ. A ghə̀ŋ ə nyenə ngəʼ avù ə viʼi achʉʼ a yi no nànto ali wensə to wensə.

2 Bità 1:1

A nyoʼo mò Saymun Bità nyoʼo ŋwàʼlə̀ ghèn. Ma diʼ wù ə shwèʼè ə Yesò Klistò be diʼ wù ə ntɨm ə wen. Ma nyoʼo ŋwàʼlə̀ na ghèn a ghə̀ŋ vi a ghə̀ŋ byɨmə li a Yesò Klistò to nə̀ yes. Əbyɨmə na ghenə ə boŋə a ghə̀ŋ to ndə̀ŋndəŋ ando ghə̀ bòŋə a yès. Yesò Klistò ə ne vəghəŋ kiʼi əbyɨmə na ghenə byìʼì ando ghə̀ diʼi wu kənyʉ̀ kətɨməkə. Ghə̀ diʼ Nyìngòŋ ə vəghəŋ mu ghə̀ mbwòŋsə̀ li vəghəŋ fa mbyɨsə.

2 Bità 1:11

a li Nyìngòŋ ə nè la ji bayn mwetə ndi ghə̀ŋ kwen akəshi kə əfòyn ə Bobo, ə Mbwòŋsə̀ vəghəŋ Yesò Klistò, a diʼ əfòyn mu ghə̀ faŋ li to ghayn əmùʼ.

2 Bità 1:3

Nyìngòŋ ə ku li no tèbe ghò a vəghəŋ ə kəŋ ndiʼ vəghəŋ ə ntsi ntsìnə̀ ə laynə yì a ghə̀ kwʉ̀ʼ. Ghə̀ ku fo a venə chò fa kədyòʼ ə Nyìngòŋ a ji la ghə̀ nè li vəghəŋ sə kɨ Nyìngòŋ. Ghə̀ dzàŋə li vəghəŋ la və ntsi a ntìntìn əbayn ə ghoʼo ghə̀ ə Nyìngòŋ, jèʼè a jisə jùŋsə ə Nyìngòŋ.

2 Bità 2:20

Viʼi sətsen kiʼi Bobo, ə Mbwòŋsə̀ vəghəŋ Yesò Klistò ə nyɨŋ fʉ̀ fa nyʉ̀ ə mbi ə be lu bwensə kwen tsu, kə tisə vəwenə, a viʼi a vyi a byifə chò ando və ə ndiʼ fa ambì.

2 Bità 3:18

Ali ghə̀ŋ ə mbòŋsə kwi to kwi a ntìntìn boŋ tyɨm ə Bobo ə Mbwòŋsə̀ vəghəŋ Yesò Klistò be ziʼi ə nkɨ wen. Kuʼsə ə ndiʼ wen luwen, be zaʼa no fa ze. Amèyn.

2 Bità 3:2

Ma kəŋ la ghə̀ŋ bwensə kwòʼtə nyʉ̀ vyi a nshə̀ʼtə̀sə laynəsə ə ngàʼa no fa chʉʼ ə mughə, nə̀ əsoʼ yì a Bobo, ə Mbwòŋsə̀ vəghəŋ ə ngàʼa a viʼi ntɨm və ku a ghə̀ŋ.

1 Joyn 1:2

Əbwòŋ a ghèn ə ndiʼi li wen ə wen, yès yen ə mù sə ti a nə̀ viʼi və yenəvə a wen. Yès ə gàʼà a ghə̀ŋ bìʼì əbwòŋ aghenə a ghə̀ ndiʼi wenə Tìʼ ə dìʼ li wen ə wen a yès.

1 Joyn 4:14

Vəghəŋ ə yen li be sə shə̀ʼtə̀ à viʼi vətsenvə la Tìʼ ə ntɨm li wàyn wen a nə̀ mbwòŋsə̀ viʼi mbyi.

Kəmwetə 18:1

Andìʼ ando ənyʉ̀ venə̀ ncho, mà yen ntsɨ̀ŋ ngə̀ŋ ə̀ Nyìngòŋ tsen ghə̀ shiʼi vì fa kàŋ. Ghə̀ ə̀ nkìʼ kədyòʼ nə̀ ə̀soʼ ghoʼoghə, əbayn ə wen ə chiʼtə nse no tsèm.

Kəmwetə 2:7

A ə ntofə tè ndò ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə! A sətsèn ə̀ soyn ə̀ zhɨ̀ tè ndò ə̀ zhɨ mbyɨ, mà à nè ghə̀ zhɨ əshɨ fəkòʼ fì a fə ku ə̀bwòŋ a fə kwi a tì sɨm ə̀ Nyìngòŋ.”

Kəmwetə 20:14

Luwen və mu moʼ əpfʉ nə̀ loʼ və mpfʉvənsə a nkwoŋ zhiʼ. Nkwoŋ ə zhiʼ a ghèn ndiʼ kənkùmtə̀ kəpfʉ.

Kəmwetə 22:14

Njùŋ ne diʼ a viʼi vyi a və shʉ̀ ndisə vəwenə, sə laynə, vəwenə ə sə kiʼ kədyòʼ ə phiʼ ashɨ a fəkoʼ yi a ghə̀ kù bwoŋ, be kiʼ kədyòʼ ə chò fa chʉ̀ mbàyn ə kwen a ntə̀ʼ.

Kəmwetə 22:17

Kəzhwì kə Ŋwoʼkə wenə Wi We Njɨ̀ nə̀ gàʼa la, “Vi a Bobo Yesò.” Nò ndo yi a ghə̀ zhʉ kənyʉ̀ kènkə nə̀ diʼ to mə ə gàʼ la, “Vi a Bobo Yesò.” Ətoŋ a mu nə̀ zɨmtə no ndo, ghə̀ vi. Ghə̀ nə̀ koŋə, ghə̀ shi mu mì a mə nè viʼi tsi ko andiʼ la ghə̀ loʼ no kəfo.