2 Timotì 1:1 - The New Testament in the Babanki language

¹ A ə nyòʼò mò Bol, nyòʼo ŋwàʼlə̀ ghèn à wù a Timotì. Mà dìʼ wù ə ntɨm ə̀ Yesò Klistò mu a ntsuʼ Nyìngòŋ. Ghə̀ ntsuʼ mò la mà shə̀ʼtə̀ ntɨm ə jùŋ kùmə̀ ntsìnə̀ yi a ghə̀ ko lə me to ando ghə̀ əghʉ̀ li. Ntsìnə̀ a ghèn ə diʼ to zhʉ a vəghəŋ diʼ to kənyʉ̀ kəmùʼ vəghəŋ və Yesò Klistò.

2 Timotì 1:1 ပူးပေါင်းရင်းမြစ်များ

Joyn 10:28

Ma kù ntsìnə̀ yì a ghə̀ ko lu mè a byi a sensə, ko sə lu be ə pfʉkə. Wìʼ zizi ko ghə̀ lu ghaʼa ə shi səwensə fa mo kəvu.

Joyn 17:3

Ə kiʼi ntsìnə̀ yì a ghə̀ ko lu mè, a diʼ la, vəwenə na kɨ wù yì a wù diʼ Nyìngòŋ mùʼ yi a ghə̀ diʼ nəmwèʼè, be kɨ Yesò Klistò yi a wù tɨmə lì.

Joyn 5:24

“Ma gaʼa a ghə̀ŋ to no nəmwèʼè la no ndò yi a ghə̀ zhʉ kənyʉ̀ ki a ma gaʼa, ə byɨmə a wìʼ yi a ghə̀ tɨmə mo, ne kiʼi bwoŋ yi a ghə̀ faŋ to ghayn ə mùʼ. Və zizi ko və lu be soʼo wìʼ na ghèn. Kə diʼi la ghə̀ chò li fʉ fa pfʉ sə kiʼi ə ntsìnə̀ yi a ghə̀ ko be lu mè.

Joyn 6:40

Tìʼ ə ghom ə kəŋ la no viʼi vətsèm a və yen li mo ə byɨmə a mò lu kiʼi bwoŋ yi a ghə̀ ko lu mè. Mà lu bwènsə̀ lùsə vəwenə fa pfʉ a kətsi kə bàm.”

Joyn 6:54

A zhɨ no ndò zhɨ əwenə ghomə be nyʉ mənlyuŋ mwomə, mu ghə̀ lu kiʼi bwoŋ yi a ghə̀ ko lu mè, a li ma be lùsə wen fa pfʉ a kətsi kə bàm,

Lumans 1:1

A nyòʼò mò Bol nyòʼò ŋwàʼlə̀ ghèn. Ma diʼ wu ə shwèʼè ə Yesò mu à tsuʼ Nyìngòŋ tsuʼ mo a wù ə ntɨm, ə ghʉ̀ la mà ə nshə̀ʼtə̀ ntɨm ə jùŋ ə Nyìngòŋ.

Lumans 5:21

Mbyɨ ə diʼi kədyòʼ kì a ghə̀ kiʼi chò fa pfʉ ali Nyìngòŋ ə diʼi la ətyɨm ə jùŋə ə wenə ə kiʼi kədyòʼ ə lyɨ̀ vəghəŋ a viʼi kənyʉ̀ kətɨməkə ə ku ntsìnə̀ yì a ghə̀ ko lu mè a vəghəŋ chò fa a Bobo vəghəŋ Yesò Klistò.

Lumans 6:23

Ghə̀ŋ kɨli la əmòʼtə mbyɨ ə diʼ əpfʉ̀ ali Nyìngòŋ ə ku ə ntsìnə̀ yì a ghə̀ ko lu mè to kədyàŋ chò fa a Yesò Klistò ə Bobo vəghəŋ.

1 Kolìntyàns 1:1

A nyòʼò mò Bol nyòʼò ŋwàʼlə̀ ghèn. A tsuʼ Nyìngòŋ ntsuʼ mo fa wen a kòŋ la mà ndiʼ wù ə ntɨm ə Yesò Klistò. Ma nyòʼò ŋwàʼlə̀ ghèn yo lèmə̀ vəghəŋ Sòstinìs.

2 Kolìntyàns 1:1

A nyòʼò mo Bol ə wù ə ntɨm ə Yesò Klistò mu à ntsuʼ Nyìngòŋ ntsuʼ mo fa wen a kòŋ. Ma nyoʼo ŋwàʼlə̀ ghèn a ntsèntə̀sə viʼi Nyìngòŋ vyi no vətsèm a və tsi a Kolìn, be nə̀ a ghə̀ŋ viʼi Nyìngòŋ vyi a ghə̀ŋ tsi ashə Akayà no vətsèm. Ma diʼ yo Timotì ə lèmə̀ ə vəghəŋ a byɨmə.

2 Kolìntyàns 1:20

A diʼ wen a ghə̀ nè no ghò na yi a Nyìngòŋ ə nghʉ kə kwʉ̀ʼ. A lə kənyʉ̀ ki a vəghəŋ nə̀ ngàʼa la, “Amèyn” chò fa a wen azhiʼ, kuʼsə Nyìngòŋ.

Gàlesìyà 3:26

Ghə̀ŋ vətsèm diʼ vunə a Nyìngòŋ byìʼì ando ghə̀ŋ byɨmə li a Yesò Klistò.

Gàlesìyà 3:28

Nəkwoŋ ko be diʼ fa wù ə Jus wenə wìʼ yi a ko diʼ wù Jus. Nəkwoŋ ko be diʼ fa wìʼ yi a ghə̀ diʼi fa ngeŋ wenə wìʼ yi a ghə̀ diʼi kəkòs, ko ghə̀ diʼ a wùlɨm nə̀ wùwì, byìʼì ando ghə̀ŋ və tsèm sə tsèntə diʼ to kənyʉ̀ kə mùʼ vye və Yesò Klistò.

Efisyàns 3:6

Kənyʉ̀ kə kaynəkə a kì a və ə mo fa ambì ə diʼ la, viʼi ə ətɨm vyi a və byɨmə ntɨm ə jùŋ lu tsèntə zhɨ̀ fòyn ə Nyìngòŋ wenə viʼi Islel ə be tsèntə diʼ əbàs to a ntìntìn əwèn ə mùʼ, be diʼ lù tsèntə ə kiʼi mbwaʼsə yì a Nyìngòŋ ə ghʉ li chò fa a Yesò Klistò.

1 Timotì 6:19

Vəwenə sətsen ə ne alə, mu vəwenə ə we ghʉ kəchɨ kə ngə̀ŋ vəwenə kə to, vəwenə lu kiʼi ntsìnə̀ nəmwèʼè yi a ghə̀ ko lə me.

2 Timotì 1:10

Luwèn sə ə dìʼ mu ghə̀ diʼi li ətyɨm ə jùŋ ghə̀ a ghenə a jì la Yesò Klistò, ə Mbwòŋsə̀ vəghəŋ nvi li. Ghə̀ nvi li ne la kə pfʉ mbe kiʼ kədyòʼ kùmə̀ vəghəŋ. Ghə̀ ziʼi li ntɨm ə jùŋ ə ne la vəghəŋ ə kɨ ntsìnə̀ yi a ghə̀ ko lə mè.

2 Timotì 1:13

Shɨtə ghaʼ nəmwèʼè a ghèn a mà ziʼi à wù lə ə nziʼi à viʼi vətsenvə. Wù sə ə ne ənyʉ̀ a venə, wu shɨ̀tə̀ ghaʼ byɨmə ə wu nə̀ əkòŋ yi a vəghəŋ ə kiʼi à Yesò Klistò.

2 Timotì 1:9

Nyìngòŋ ə mbwòŋsə̀ li vəghəŋ ə ne la vəghəŋ ə ndìʼ viʼi wen. Ghə̀ nko ne alə byìʼì ando vəghəŋ ə nè kənyʉ̀ kə jùŋ kə kətsenkə à wen. Ghə̀ ne a lì tò fa wen a ngeŋ byìʼì ətyɨm ə jùŋə̀ ghə̀. Ghə̀ ghʉ̀ kənyʉ̀ a kenkə mimbu no mbyi sə zìtə̀, la ghə̀ lu ne ənyʉ̀ a venə əcho fa Yesò Klistò ə diʼ ətyɨm ə jùŋ ghə̀ ə̀ wen.

2 Timotì 2:1

A dìʼ fà wù a wàyn ə ghom Timotì, wu diʼ ə nto cho fa ətyɨm ə jùŋ a Yesò Klistò a ghə̀ diʼi li à wù.

2 Timotì 2:10

A dìʼ byìʼì kənyʉ̀ a kenkə a ma kiʼi kwiʼi ətyɨm tò ənyʉ̀ ə tsèm byìʼì viʼi vyi a Nyìngòŋ tsuʼ li ndi vəwenə lu kiʼi əbwòŋ chò fa Yesò Klistò ə kiʼi əkuʼsə no məzhʉ ntsèm.

2 Timotì 2:3

Wù diʼ ə yen ngəʼ to nə̀ sugyèʼ ə jùŋ yi a ghə̀ zhʉmə fà Yesò Klistò.

2 Timotì 3:15

Wù kwòʼtə̀ to ando və nlu sə ziʼì wù nə̀ ənyʉ̀ mu və fʉ̀ fa Ŋwàʼlə̀ Nyìngòŋ tò no fa ətʉ̀ʼ a wù mbo bu wàyn. Ənyʉ̀ a venə ə diʼ ə ku ətof à wù ndi wù byɨmə à Yesò Klistò a ghə̀ bwòŋsə̀ wù.

Taytùs 1:2

Jì nəmwèʼè aghèn ə nè la vəwenə nkɨ nəmwèʼè la Nyìngòŋ lu nè vəwenə kiʼi əbwòŋ yi a ghə̀ ko lu mè. Nyìngòŋ ko nə̀ nzhò ndzɨ̀ŋ. Əbwòŋ aghenə diʼ mu à nghʉ̀ Nyìngòŋ mibu mbi sə zìtə̀.

Taytùs 1:4

Mà nyòʼò à wù a Taytùs. Wù dìʼ no nkàyntə̀ wàyn ghom byìʼàndo yowù kìʼ tò byɨmə mùʼ. Nyìngòŋ wenə̀ mbwòŋsə̀ vəghəŋ ə Yesò Klistò a dìʼ ətyɨm ə jùŋ ghə̀ à wù ə ne la wu ntsi tò nə̀ mbwaʼmə̀.

Hibùlù 9:15

A lə kənyʉ̀ ki a Yesò diʼ wìʼ yi a ghə̀ bàtə məkàyn mə mfimə̀ ə ne la viʼi vi a Nyìngòŋ dzàŋ kiʼi mbwaʼsə yì a ghə̀ ghʉ̀ mu ghə̀ faŋ li to nəmwèʼè. Kə diʼ alə̀ byìʼì ando Yesò ə npfʉ̀ li ə bwoŋsə̀ viʼi fa mbyɨsə yi a vəwenə ne achʉʼ ə məkàyn mə mumə̀.

1 Joyn 2:25

Əbwòŋ a ghə̀ ko lu mè dìʼ kəfo a ghə̀ nghʉ li la ghə̀ lu ku à vəghəŋ.