2 Tèsàlonyà 3:6 - The New Testament in the Babanki language

⁶ Yès ə gàʼa a ghə̀ŋ a kədyòʼ ə Bobo vəghəŋ Yesò Klistò a vəlemə la, kə ghə̀ŋ nə̀ jèʼè nə̀ viʼi və byɨməvə vi a və bwaʼa, ko və nè tebè kənyʉ̀ ki a yès tə ziʼi ghə̀ŋ la ghə̀ŋ ə nè.

2 Tèsàlonyà 3:6 ပူးပေါင်းရင်းမြစ်များ

Matìyò 18:17

Ghə̀ŋ sətsèn dyʉ̀ tsèntə̀ gàʼ à wen, ghə̀ be tyèn tò tyenə la ghə̀ ko a zhʉtə, wu lyɨ kənyʉ̀ akì dyʉ̀ nə̀ kəwenkə a ntsèntə̀ viʼi vəbyɨməvə. Ghə̀ sətsèn bè tyen tò tyenə la ghə̀ ko a zhʉtə kənyʉ̀ a ntsèntə̀ gàʼà, wu ghʉ̀ la ghə̀ sə diʼ à wù to nə̀ wù kətɨm ko wù tinə kənsè.”

Lumans 16:17

Ma sensə ghə̀ŋ no nànto a vəlemə vwomə la ghə̀ŋ ə tuʼmə kumə viʼi vyi a və vì nə̀ kəgəsə kə a ghə̀ŋ a ntìntìn, nə̀ʼsə̀ əbyɨmə ə ghəŋə. Vəwenə ə fɨŋə əziʼi yi a və ə ziʼi ghə̀ŋ tsu. Ma ə gàʼa la kə ghə̀ŋ a zhɨmə vye vəwenə!

1 Kolìntyàns 11:2

Ma bwomsə ghə̀ŋ byìʼì ando ghə̀ŋ ə ko lyesə mò no fa mpfen be shɨtə ghaʼ əziʼi yì a ma ə nziʼi ghə̀ŋ tsu,

1 Kolìntyàns 5:4

Ghə̀ŋ zhùŋtə̀ no zhʉ̀ko, kəzhwì ə kòmkə sə diʼ a ghə̀ŋ a ntìntìn. Ghə̀ŋ be zhùŋtə̀, ghə̀ŋ lyɨ̀ kədyòʼ kì a Bobo Yesò ə ku li a vəghəŋ,

1 Kolìntyàns 5:9

Ma tə nyòʼò a ghə̀ŋ la kə ghə̀ŋ ne tsèntə vye viʼi vyi a və tsi ətsìnə̀sə kəfwaʼlə.

2 Kolìntyàns 2:10

Ghə̀ŋ yi lyesə ku wìʼ a kənyʉ̀ a ghə̀ byɨbsə, kə ne ndiʼ la ma be ə lyesə nku wen. Ma lyesə kù wìʼ azhʉ̀ a kənyʉ̀ kə diʼ ə və lyesə, a ndi mu mà lyesə, ne ghə̀ŋ a jùŋ, to ndə̀ŋndəŋ ando Yesò ə kəŋ.

Efisyàns 4:17

Ma gaʼa a ghə̀ŋ a əzhiʼ ə Bobo be kumtə la kə ghə̀ŋ be tsì to nə̀ viʼi ətɨm. Vəwenə kiʼi to təkwòʼtə̀ tə zɨmtə.

Kòlòsyàns 3:17

Ghə̀ŋ nè no tèbe ghò, kò ghə̀ŋ gaʼa gaʼa, ghə̀ŋ gàʼa to a azhiʼ Bobo Yesò, ku kəzòŋ a Nyìngòŋ, ə Tìʼ chò fa wen.

1 Tèsàlonyà 4:1

Vəlemə, à le faŋ nyʉ̀ venə ndi mà gàʼ mwetə a ghə̀ŋ. Yes əziʼi li ghə̀ŋ, ghə̀ŋ sə ə kɨ ji yì a ghə̀ŋ diʼ ə nə̀ tsi fa tsu ə nè Nyìngòŋ ə saŋlə, a diʼ nyʉ̀ mu ghə̀ŋ sə nè. Yes ə sensə ghə̀ŋ luwen no nànto, a kədyòʼ Bobo Yesò la ghə̀ŋ be nè chò no fa li.

1 Tèsàlonyà 4:11

Ghə̀ŋ mwomsə no nə̀ kədyòʼ kə ə wʉ̀ la wìʼ fa ghə̀ŋ ko lu se tebè a ntaŋ akəshi. Kə ghə̀ŋ ne nkwensə əchʉ a nyʉ̀ viʼi. Ghə̀ŋ shyèʼ nə̀ avu ghəŋə ə kiʼi fo vi a ghə̀ŋ kəŋ. Ghə̀ŋ nè to ando yes ə ngàʼa la ghə̀ŋ ə nè.

1 Tèsàlonyà 5:14

Yes ə sensə tamə ghə̀ŋ a vəlemə la, ghə̀ŋ ku kətyiftə a viʼi vyi a və ko kòŋ tebè ə nə̀ shyèʼ, ə nè la viʼi və fwàynkəvə ə nkiʼ tətyɨm tə totə, ə gyàmtə̀ viʼi vyi a vəwenə ə kəŋ ə gyamtə. Ghə̀ŋ ə kiʼ əkwiʼ ətyɨm no tèbe a ndò.

2 Tèsàlonyà 2:15

Yès sə gaʼa a ghə̀ŋ a vəlemə la, ghə̀ŋ ghaʼ əbyɨmə ə ghəŋə, kə ghə̀ŋ a byɨmə la wìʼ ə nè, ghə̀ŋ moʼtə ziʼi nəmwèʼè yì a yès ə nziʼi a ghə̀ŋ lì ə be nyòʼ a ghə̀ŋ a ŋwàʼlə̀ lì.

2 Tèsàlonyà 3:7

No ghə̀ŋ fa ghə̀ŋ a təwen ə kɨ la ghə̀ŋ diʼ ə shyèʼè to ando yès ə shyèʼè. Yès ə ko tə ə bwaʼa achʉʼ a yès tə bo ndiʼ vəghəŋ.

1 Timotì 5:21

Mà gàʼà à wù no nə̀ kədyòʼ kə, a ashɨ ə̀ Nyìngòŋ nə̀ Yesò Klistò nə̀ ntsɨ̀ŋ shisə a Nyìngòŋ tsuʼtə la, wù shɨtə ghaʼ əghʉ ənyʉ̀ a venə a mà gàʼa a wù lə̀. Wù sə ə ne ənyʉ̀ a venə, kə wù ə ne to viʼi vətsenvə ghʉsə vətsevə.

1 Timotì 6:5

bè vi nə̀ kəngùmə̀ kə à viʼi vi a tətof tə vəwenə tə nyɨŋ li, ko vəwenə bè kɨ kənyʉ̀ ki a kə diʼ nəmwèʼè. Vəwenə ə kwòʼtə̀ la kənyʉ̀ kə Nyìngòŋ kə diʼ jì ə ko à vəwenə.

2 Timotì 3:5

Vəwenə lu ə nfɨsə̀ viʼi vyi a və ghoʼsə Nyìngòŋ, alì ken la vəwenə əzhʉ fa wen no fa mpfen. Kə wù ə nkiʼ kənyʉ̀ kətsenkə ə ne we nkì ə viʼi a venə.

2 Timotì 4:1

Yesò Klistò lu vi to nə̀ fòyn ə soʼ viʼi vyi a və bu tsi nə̀ vi a və pfʉkə li. Byìʼì wokenkə, mà sə gàʼa à wù no nə̀ kədyòʼ kə, ashɨ nə̀ Nyìngòŋ nə̀ Yesò Klistò la,

2 Joyn 1:10

A sətsèn wìʼ vi à ghə̀ŋ ke ə mvì nə̀ əziʼi aghenə kə ghə̀ŋ à shìsə wen ko toŋtə tè wen.