2 Tèsàlonyà 3:5 - The New Testament in the Babanki language

⁵ Yès ə jɨ̀mə̀ la Bobo nè ghə̀ŋ yen əkòŋ yì a Nyìngòŋ ə kòŋ ghə̀ŋ ə be nè la ghə̀ŋ ə wensə to wensə to nə̀ Klistò.

2 Tèsàlonyà 3:5 ပူးပေါင်းရင်းမြစ်များ

Lumans 5:5

Vəghəŋ zizi ko və lu ə gho kəfo na kènkə a və ki dyʉ̀sə̀ nə̀ kəwenkə lə byìʼì ando Nyìngòŋ ə kù li Kəzhwì kə Ŋwoʼkə, kə sə diʼi kòŋ ə wen a vəghəŋ.

Lumans 8:25

Alì mu vəghəŋ sətsen ə ki dyʉ̀sə nə̀ kəfo kə a vəghəŋ ko təmə kiʼi, vəghəŋ a ndiʼ ə kəʼtə wensə, kɨ nəmwèʼè la və lu kiʼi.

Lumans 8:28

Vəghəŋ ə kɨ la à fʉ̀ no tèbe ghò, Nyìngòŋ ə shɨtə a sə diʼ njùŋ a viʼi vyi a və kòŋ wen, a diʼ viʼi vi a ghə̀ dzàŋ la vəwenə ə nè ando ghə̀ bàtə.

1 Kolìntyàns 8:3

Alì mu wìʼ sətsen ə̀ kòŋ Nyìngòŋ, Nyìngòŋ a nkɨ wen.

Gàlesìyà 5:22

Alì kəzhwì kə Ŋwoʼkə kòŋ la: viʼi ə̀ nkòŋ vətsevə, saŋlə, kiʼ mbwaʼmə, wensə, kiʼi tyɨmə jùŋ ghə̀ be nè njùŋ a viʼi, choʼsə viʼi.

1 Tèsàlonyà 1:10

Vəwenə be ə shə̀ʼtə̀ ando ghə̀ŋ kəʼtə la Wàyn Nyìngòŋ lù bwenə vi fa akàŋ. Wàyn Nyìngòŋ na ghèn diʼ Yesò mu ghə̀ ə nè li ghə̀ lù fa pfʉ. Ghə̀ bwoŋsə li vəghəŋ la kə Nyìngòŋ lù kù ngəʼ a vəghəŋ a kətsi kə nsòʼ.

1 Tèsàlonyà 1:3

Yes ə zhʉsə njɨ̀mə̀ a Nyìngòŋ ə, Tìʼ vəghəŋ, yes ə sə kwoʼtə ando ghə̀ŋ nè shyèʼ ə jùŋ ghə̀ byìʼì ando ghə̀ŋ byɨmə a Bobo vəghəŋ Yesò Klistò be kwoʼtə ando ghə̀ŋ tə nshyèʼ no nə̀ kədyoʼkə byìʼì ando ghə̀ŋ kòŋ wen. Yes be kwoʼtə ando ghə̀ŋ kəʼtə wen, kɨ kɨ la ghə̀ lu bwenə vi.

1 Tèsàlonyà 3:11

Yes ə jɨ̀mə̀ la Nyìngòŋ ə vəghəŋ, ə Ti fa wen a ngeŋ wenə Bobo vəghəŋ Yesò nè la kə kənyʉ̀ kə taʼsə la kə yo wen vi yen ghə̀ŋ.

2 Timotì 4:8

Mà sə kə̀ʼtə̀ tò əmòʼtə ntsìnə̀ ə tɨmə ə̀ mò luwèn, Bobo vəghəŋ yi a ghə̀ soʼo viʼi a ji tɨmə ə lu ku əmòʼtə a ghenə à mò a kətsi kə nsoʼ. Ghə̀ ko lə ku tò à mò, ghə̀ lu be ku te be à viʼi vyi a və tə ə nkə̀ʼtə̀ məvi ə wen nə̀ ə koŋə.

Taytùs 2:13

Adìʼ a ji aghèn a vəghəŋ diʼ ntsi fa tsu ando vəghəŋ ə kə̀ʼtə̀ kətsi kə kanəkə kì a Nyìngòŋ ə mbwòŋsə̀ vəghəŋ və Yesò Klistò a ghə̀ kiʼi kədyòʼ kə gho kə lu bwènə̀ vì.

Hibùlù 9:28

A lə diʼ fa ji a ghèn a və ə nku Yesò ghə̀ pfʉ to aghayn ə mùʼ ə shʉ mbyɨsə viʼi no vəghoʼo. Ghə̀ lu bwenə ko ghə̀ be vi ə shʉ mbyɨsə viʼi, ghə̀ lu vi ə bwoŋsə̀ viʼi vyi a və nyʉ̀ʼ kəʼtə wen nə̀ tətyɨm tə vəwenə no tsèm.

Jems 2:5

Ghə̀ŋ zhʉtə a vəlèmə̀ və kòŋə̀ mò! Nyìngòŋ ntsùʼ li viʼi vi a viʼi mbyi lyɨ̀ la à dìʼ viʼi kəmfem ə̀ nlyɨ̀ la à dìʼ viʼi vəghoʼkəvə a byɨmə mbe ghʉ la vəwenə lu zhɨ soʼ fòn Nyìngòŋ yi a Ghə̀ nghʉ li la yì lu ku à viʼi vyi a və kòŋə̀ wen.

1 Bità 4:1

Ando vəghəŋ ə kɨ la Yesò Klistò ə nyen li ngəʼ kətsoʼ kə wèn, ghə̀ŋ ə boŋsə kiʼi to əkwoʼtə yì a ghə̀ nkiʼ, bvɨtə ə yen ngəʼ byìʼì ando no ndò a ghə̀ yenə ngəʼ a nse ashə to nə̀ Yesò, kə bè nè ə nè mbyɨ.

2 Bità 3:12

Ando ghə̀ŋ ə nyʉ̀ʼ kəʼtə kətsi kì a Nyìngòŋ ə ghʉ li la Yesò lu vi, be mwomsə ə nè la kə zaŋsə vi. A lu ndiʼ a kətsi na yi, əkaŋ ə fwi, ə zhiʼi ə nyʉʼ no tèbe ghò yi a ghə̀ diʼi akàŋ.

1 Joyn 4:19

Vəghəŋ dìʼi ə nkòŋə̀ byìʼàndo Nyìngòŋ ə ncho li mbì ə̀ kòŋ vəghəŋ.

Kəmwetə 1:9

Mà dìʼ Joyn ə lèmə̀ ghə̀ŋ. Vəghəŋ ə viʼi və byɨməvə à Yesò ə tsèntə̀ yenə ngəʼ alì ghaʼa ətyɨm, kə̀ʼtə̀ ə lu ndiʼ a kəshi kə fòyn ə Nyìngòŋ. Və nghʉ̀ mo a fəŋ ə̀ Batmòs byìʼàndo mà ə̀ nshə̀ʼtə̀ ntɨm ə̀ Nyìngòŋ be shə̀ʼtə̀ ənyʉ̀ nəmwèʼè vi a Yesò ə̀ ndiʼi a ndayn.

Kəmwetə 13:10

Və sətsèn ə̀ ndiʼ ə ghaʼ no tè ndò a ghòŋ və à ghàʼ tò ghaʼa, No ndò a ghə̀ ə shyə nə̀ nyì ngwoləŋ, və lù bè shyə wen tò nə̀ nyì ə ngwoləŋ. Nakènkə dìʼì la viʼi Nyìngòŋ ə diʼi ə nwensə̀ be shɨ̀tə̀ ghaʼa əbyɨmə vəwenə.