2 Tèsàlonyà 3:4 - The New Testament in the Babanki language

⁴ Bobo nè li yès sə kiʼi əchoʼsə a ghə̀ŋ la ghə̀ŋ tsi to ando yès ngàʼ la ghə̀ŋ ə ntsi be diʼ ə faŋ ə̀ ntsi dyʉ̀ to ali.

2 Tèsàlonyà 3:4 ပူးပေါင်းရင်းမြစ်များ

Matìyò 28:20

ghə̀ŋ nziʼì vəwenə la vəwenə nghʉ nyʉ̀ vyi no tsèm a mà tə̀ gàʼ la ghə̀ŋ nè. Ghə̀ŋ nkɨ la mà ndiʼ vəghəŋ no məzhʉ̀ ntsèm.”

Lumans 15:14

Ma kɨ no fa mo a tyɨm a vəlemə vwomə la ghə̀ŋ shɨtə tsi to no ntsìnə̀ ə jùŋ, kɨ mwetə to no kənyʉ̀ kì a kə diʼ nəmwèʼè be kwʉ̀ʼʉ̀ ə ziʼi təwen ə təŋtə.

Lumans 15:18

Mà zizi ko ma lu mwomsə ə gàʼ kənyʉ̀ a bwen to kikə a Yesò ə nè chò fa a mo. Ghə̀ nè li ma lyɨ ə dyʉ̀ nə̀ viʼi ətɨm ashɨ Nyìngòŋ, vəwenə sə zhʉ to fa wen, a diʼ byìʼì ə nyʉ̀ vyi a mà gàʼa nə̀ vi a mà nè.

Lumans 2:7

Nyìngòŋ ə lu ku əbwòŋ yì a ghə̀ ko lu mè a viʼi vyi a və ghaʼa tyɨm ati shwèʼè ə jùŋ ghə̀, kəŋ to la ghə̀ ku əghoʼ a vəwenə nə̀ zhiʼ ə jùŋ ghə̀. Viʼi a vyi lu kiʼi əbwòŋ a ghèn nə̀.

1 Kolìntyàns 14:37

Wìʼ sətsen ə kwoʼtə la ghə̀ diʼ nshə̀ʼtə̀ kò ghə̀ kiʼi Kəzhwì kə Ŋwoʼkə, ghə̀ kɨ la kənyʉ̀ ki a ma gàʼà a ghə̀ŋ diʼ mu à gàʼ Bobo.

1 Kolìntyàns 7:19

Ə shɨtə ndyə̀ wìʼ ko ə faŋ ke shɨtə, kə ko kiʼi kənyʉ̀ ə nè. Kənyʉ̀ kə tokə diʼ to ə ghʉ̀ təsoʼ tə Nyìngòŋ.

2 Kolìntyàns 2:3

A lə kənyʉ̀ ki a mà tə boŋsə nyòʼ ŋwàʼlə̀. Ndi kə ma ne sə vi, ghə̀ŋ a ghə̀ŋ yi ndiʼ boŋsə ne la ma nsaŋlə̀ boŋsə ne ma nkwoʼ mbyi. Ma kɨli nəmwèʼè la saŋlə ghə̀ŋ nè ma saŋlə.

2 Kolìntyàns 2:9

Mà tə nyoʼo ŋwàʼlə̀ a yì a ghə̀ŋ ndi yen la, ghə̀ŋ zhʉ̀ mò to nyʉ̀ ə tsèm mu lo.

2 Kolìntyàns 8:22

Yès a sə tɨmə vəwenə be tɨmə boʼsə nə̀ lèmə̀ yès ə tsen, ghə̀ diʼ mù yès mwomsə li wen, ghə̀ ndiʼi a yès to aghayn aghayn la ghə̀ kòŋ ə ngyàmtə̀, be ndiʼi mwetə luwen ando ghə̀ choʼsə ghə̀ŋ no nànto la ghə̀ kòŋ ə gyàmtə̀ ghə̀ŋ.

Gàlesìyà 5:10

Ma kɨli la ando vəghəŋ sə tsèntə diʼ to kənyʉ̀ kə mùʼ vəghəŋ və Bobo, la ghə̀ŋ ko a ndzɨ̀mtə̀ kənyʉ̀ kə wìʼ, a bwen to kənyʉ̀ ki a ma gàʼà, Nyìngòŋ ə na ku ngəʼ a wìʼ yi a ghə̀ nfɨŋsə ghə̀ŋ, kò à diʼ no tebè ndò.

Filìbàyns 1:6

Ma be ku alə̀ byìʼì ando ma kɨli nəmwèʼè la shyèʼ ə jùŋghə ghenə a Nyìngòŋ ə zìtə̀ a ghə̀ŋ a ntìntìn lə dyʉ̀ to nə̀ mbì ə zàʼa fa kətsi yi a Yesò Klistò lù bwenə vì.

Filìbàyns 2:12

Luwen a vəlèmə̀ və kòŋ ə̀ mò, ando ghə̀ŋ tə zhʉ gɨ̀ ghom, ando mà ndiʼ vəghəŋ, kə a mbòŋsə̀ bòŋə̀ no nkàyn la ghə̀ŋ ntùʼtə̀ zhʉ gɨ̀ ghom ando mà ko bè diʼ vəghəŋ. Ghə̀ŋ myetə nè əshyèʼ yi a ghə̀ faŋə̀ nə̀ gumlə ghə bènə̀ fwàyn ə Nyìngòŋ ndi Nyìngòŋ myetə li bwoŋsə̀ ghə̀ŋ.

1 Tèsàlonyà 4:10

Ghə̀ŋ sə diʼ mù ghə̀ŋ diʼi li kòŋ na yənə a vəlemə vəŋə və tsèm alòʼ ə Màsìdonìyà, yes sə sensə ghə̀ŋ a vəlemə la, ghə̀ŋ ə koŋə chò no fa li.

2 Tèsàlonyà 3:12

Yès ə gàʼa a viʼi na venə a kədyòʼ ə Bobo Yesò Klistò, gàʼa to no nə̀ kədyoʼkə la, vəwenə shɨtə tsi to ando viʼi diʼ ə tsi, shyèʼ ə kiʼi kəfo ə gyàmtə̀ təwen tə vəwenə tsu.

2 Tèsàlonyà 3:6

Yès ə gàʼa a ghə̀ŋ a kədyòʼ ə Bobo vəghəŋ Yesò Klistò a vəlemə la, kə ghə̀ŋ nə̀ jèʼè nə̀ viʼi və byɨməvə vi a və bwaʼa, ko və nè tebè kənyʉ̀ ki a yès tə ziʼi ghə̀ŋ la ghə̀ŋ ə nè.

Filimùyn 1:21

Ma kɨli no nəmwèʼè la to ando ma tɨmə ŋwàʼlə̀ ghèn a wù lə, la wù a nè to ando mà gàʼà, ə sə nè, ə nè chò tebè ando ma kəŋə.