2 Tèsàlonyà 3:3 - The New Testament in the Babanki language

³ Alì Nyìngòŋ ə gàʼa tèbe la ghò, ghə̀ nè to ali. Ghə̀ na nè tətyɨm ə təŋtə ə to ə bwoŋsə ghə̀ŋ fa kəvu ə Deblə̀.

2 Tèsàlonyà 3:3 ပူးပေါင်းရင်းမြစ်များ

Matìyò 5:37

Kənyʉ̀ kə ndiʼ wù byɨmə, wù byɨmə tò byɨmə, ndiʼ wù tènsə, wù tènsə tò tènsə. A sətsèn wu be nkwʉʼsə kənyʉ̀ à yì a kətʉ mu kə lù fà Deblə̀.”

Matìyò 6:13

Kə wu ghʉsə ə mwòmsə ə vi a yès, bwoŋsə yes fa ənyʉ̀ ə byɨvə. Byìʼì ando əfòyn ə wu ə soʼo tò wù, à kiʼì tò wù kiʼi kədyòʼ, nə̀ ə bayn ə ghoʼ ghə to məzhʉ ntsèm. Amèyn.’

Ŋwàʼlə̀ Luk 11:4

Lyèsə̀ ku nyʉ̀ byɨvə yès ando yès lyèsə̀ ku no məndo yì a ghə̀ ne mbyɨ à yès. Kə a ghʉsə la mwòmsə vì à yès.’”

Joyn 17:15

Ma ko jɨ̀mə̀ tebè la wù shisə vəwenə fa mbyi. Ma jɨ̀mə̀ la wù tuʼmə ə lyòmtə vəwenə fa Deblə̀.

1 Kolìntyàns 1:9

Nyìngòŋ ə ghʉ̀ no tèbe ghò, ghə̀ ne to ando ghə̀ yi ghʉ. A diʼ wen a ghə̀ dzàŋ ghə̀ŋ la ghə̀ŋ ndiʼ vye və Wàyn wen ə Bobo vəghəŋ Yesò Klistò amuʼ.

1 Kolìntyàns 10:13

Nò mwomsə ə tsen ghə̀ ko diʼ a ghə̀ vì a ghə̀ŋ ko andiʼ la ghə̀ tɨmə vì a wìʼ. Nyìngòŋ ə tuʼmə. Ghə̀ ko a moʼtə la mwòmsə̀ ə vi a ghə̀ to chò kədyòʼ ə kəŋkə̀. Əmwòmsə̀ ə sətsèn vì a ghə̀ŋ, ghə̀ a diʼ ji yì a ghə̀ŋ nyɨŋ fa tsù, ko mwòmsə̀ na yi a to ghoʼ ghə̀ŋ.

1 Tèsàlonyà 5:24

Nyìngòŋ ə dzàŋ li ghə̀ŋ la ghə̀ŋ nə̀ diʼ viʼi wen, yès kɨ la kə na diʼ to ali byìʼì ando ghə̀ ko tɨmə gàʼ kənyʉ̀, ə faŋ ke nè.

2 Tèsàlonyà 2:17

Ghə̀ a nè ghə̀ŋ kiʼi ətyɨm ə zhʉ̀təghə nə̀ kədyoʼkə ə nè nyʉ̀ ə jùŋə və be gaʼa to nyʉ̀ ə jùŋə to məzhʉ̀ ə tsèm.

2 Timotì 4:18

Mà kɨ la Bobo a mbwòŋsə̀ mò no fa nyʉ̀ byɨvə no tsèm ə bè lyɨ̀ mò ə mà shɨ̀tə̀ jèʼ kwen akəshi kə fòyn ə̀ wen a kaŋ. Viʼi ə nkuʼsə wen no məzhʉ ntsèm. Amèyn.

1 Bità 5:10

Ghə̀ŋ a nyenə ngəʼ to fəshyinə fə zhʉ̀ alə̀, ə Nyìngòŋ ə tisə ghə̀ŋ, ə ku kədyòʼ a ghə̀ŋ, a kə nè la ghə̀ŋ ə to no nànto. Ghə̀ diʼ Nyìngòŋ, kusə shinsə no nànto. A ndzàŋ wen ə dzàŋ ghə̀ŋ la ghə̀ŋ vi kwen a wen a tyi əbayn ə ghoʼoghə chò fa Yesò, a diʼ əbayn, ko andiʼ la ghə̀ lu mè.

2 Bità 2:9

Kə le diʼi la Bobo ə kɨ ji yì a ghə̀ zizi ghə̀ bwoŋsə viʼi wen fa tsù fa ngəʼsə vəwenə, kɨ ji yì a ghə̀ zizi ghə̀ ghaʼ ghʉ̀ viʼi və byɨvə fa tsù ə zàʼa fa kətsi kə nsòʼ.

Ŋwàʼlə̀ Jud 1:24

Vəghəŋ ə nkuʼsə Nyìngòŋ yi a ghə̀ kiʼi kədyòʼ ə ghaʼ ghə̀ŋ la kə ghə̀ŋ fəŋ, kiʼi kədyòʼ ə nè la ghə̀ŋ layn ə kwʉʼ kò ghə̀ŋ lu kiʼ Mbyɨ no fa pfen, be kiʼ kədyòʼ ə ghʉ̀ ghə̀ŋ a ntìntìn əbayn ə ghoʼo ghə̀ ə Nyìngòŋ, la ə saŋlə ə ghoʼo ghə̀ ə ndiʼ a ghə̀ŋ.