2 Tèsàlonyà 3:15 - The New Testament in the Babanki language

¹⁵ Alì kə ghə̀ŋ na nè nyʉ̀ a wen alə̀ ando ghə̀ŋ nè a viʼi kəbàyn ghə̀ŋ, ghə̀ŋ ə boŋsə ku kətyiftə a wen to ando ghə̀ŋ kù a lèmə̀ ghə̀ŋ.

2 Tèsàlonyà 3:15 ပူးပေါင်းရင်းမြစ်များ

Matìyò 18:15

Yesò bè gàʼ la “Lèmə̀ wù sətsèn nè mbyɨ à wù, wu dyʉ̀ yenə wen ə̀ shə̀ʼtə̀ kənyʉ̀ akì à wen a ghə̀ byɨsə̀. Wù nè sə ngàʼà andìʼ tò wenə̀ wen və bò. A sətsèn ghə̀ zhʉtə, mu kə diʼ la wù bwensə̀ li nkiʼi wen.

1 Kolìntyàns 4:14

Ma ko nyoʼo tebè nyʉ̀ venə alə̀ ndi diʼsə kətʉ kəŋkə̀, ma boŋsə nyòʼtə̀ ə ziʼi ghə̀ŋ to nə̀ vunə əkòŋ ə mò.

1 Kolìntyàns 5:5

ghə̀ŋ diʼ ku wìʼ na ghèn a Satan, ghə̀ byɨbsə kətsoʼ kə əwèn ə wen, ndiʼ və lù bwoŋsə kəzhwì kə wen a kətsi yi a Bobo Yesò lu bwenə vì.

2 Kolìntyàns 10:8

Bobo ku li kədyòʼ a mò a ghə̀ŋ a kətʉ̀, mu mà sətsèn ə nkumə tebe kədyʉ̀ʼ kumə kədyòʼ na kì, ko ma diʼsə kətʉ byìʼì ando ghə̀ ku la mà kwisə ghə̀ŋ a ghə̀ŋ a byɨmə nə̀ kəwenkə, ghə̀ ko ku la ma mbyɨsə ghə̀ŋ byɨsə nə̀ kəwenkə

2 Kolìntyàns 13:10

Ma nyoʼo ŋwàʼlə̀ ghèn la ghə̀ vi a ghə̀ŋ a ambì mibu mà sə vi, ndi mà sə vi mu ghə̀ŋ kwitə li, ko ma be a diʼ kədyòʼ kòmkə a ghə̀ŋ. Ghə̀ŋ kɨli la kədyòʼ kì a Nyìngòŋ ə kù a mò diʼ la mà nkwisə ghə̀ŋ kwisə nə̀ kəwenkə, ghə̀ ko ku la mà byɨbsə ghə̀ŋ byɨbsə nə̀ kəwenkə.

Gàlesìyà 6:1

Vəlemə vwomə a byɨmə, wìʼ fa ghə̀ŋ sətsen nè no tèbe mbyɨ ə kò, ghə̀ŋ vətsenvə vi a kəzhwì kə Ŋwoʼkə tisə ghə̀ŋ, ghə̀ŋ mwomsə ə diʼ ji tɨmə. Ghə̀ŋ sə ne alə ghə̀ŋ to no nə̀ mbwaʼmə. Ghə̀ŋ sə diʼ, ghə̀ŋ tùʼmə̀ nə̀ təwen ə təŋtə abwen ali, ghə̀ŋ be fəŋ a mwomsə.

1 Tèsàlonyà 5:14

Yes ə sensə tamə ghə̀ŋ a vəlemə la, ghə̀ŋ ku kətyiftə a viʼi vyi a və ko kòŋ tebè ə nə̀ shyèʼ, ə nè la viʼi və fwàynkəvə ə nkiʼ tətyɨm tə totə, ə gyàmtə̀ viʼi vyi a vəwenə ə kəŋ ə gyamtə. Ghə̀ŋ ə kiʼ əkwiʼ ətyɨm no tèbe a ndò.

2 Tèsàlonyà 3:13

A ghə̀ŋ a vəlemə, kə ghə̀ŋ bwaʼ, ghə̀ŋ ə nè to nyʉ̀ ə jùŋə və.

2 Tèsàlonyà 3:6

Yès ə gàʼa a ghə̀ŋ a kədyòʼ ə Bobo vəghəŋ Yesò Klistò a vəlemə la, kə ghə̀ŋ nə̀ jèʼè nə̀ viʼi və byɨməvə vi a və bwaʼa, ko və nè tebè kənyʉ̀ ki a yès tə ziʼi ghə̀ŋ la ghə̀ŋ ə nè.

Taytùs 3:10

Wìʼ ə mvì nə̀ kəngə̀sə̀ kə, wu pfàntə̀ wen əzaʼa aghayn à bò. Wìʼ ayì faŋ ke kwitə, wù ghʉ̀sə dyʉ̀ nə̀ wen,