2 Tèsàlonyà 3:14 - The New Testament in the Babanki language

¹⁴ Wìʼ ə sətsen ə tensə la ghə̀ ko nè tebè kənyʉ̀ ki a yès nyòʼ a ghə̀ŋ a ŋwàʼlə̀ ashə, ghə̀ŋ ghʉ̀ əshɨ a wenə wen. Ghə̀ŋ ghʉ̀ ali, kə ghə̀ŋ na be nè tèbè nyʉ̀ ghə̀ŋ vəwenə ndi kətʉ kə wen kəndiʼ.

2 Tèsàlonyà 3:14 ပူးပေါင်းရင်းမြစ်များ

Matìyò 18:17

Ghə̀ŋ sətsèn dyʉ̀ tsèntə̀ gàʼ à wen, ghə̀ be tyèn tò tyenə la ghə̀ ko a zhʉtə, wu lyɨ kənyʉ̀ akì dyʉ̀ nə̀ kəwenkə a ntsèntə̀ viʼi vəbyɨməvə. Ghə̀ sətsèn bè tyen tò tyenə la ghə̀ ko a zhʉtə kənyʉ̀ a ntsèntə̀ gàʼà, wu ghʉ̀ la ghə̀ sə diʼ à wù to nə̀ wù kətɨm ko wù tinə kənsè.”

Lumans 16:17

Ma sensə ghə̀ŋ no nànto a vəlemə vwomə la ghə̀ŋ ə tuʼmə kumə viʼi vyi a və vì nə̀ kəgəsə kə a ghə̀ŋ a ntìntìn, nə̀ʼsə̀ əbyɨmə ə ghəŋə. Vəwenə ə fɨŋə əziʼi yi a və ə ziʼi ghə̀ŋ tsu. Ma ə gàʼa la kə ghə̀ŋ a zhɨmə vye vəwenə!

1 Kolìntyàns 4:14

Ma ko nyoʼo tebè nyʉ̀ venə alə̀ ndi diʼsə kətʉ kəŋkə̀, ma boŋsə nyòʼtə̀ ə ziʼi ghə̀ŋ to nə̀ vunə əkòŋ ə mò.

1 Kolìntyàns 5:11

Ma tə boŋsə nyòʼ ə gàʼ la, kə ghə̀ŋ ə̀ ntsèntə̀ vye wìʼ a ghə̀ gàʼa la yi diʼ wu byɨmə ali tsi ntsìnə̀ kəfwaʼlə a nə̀ ə dzɨ̀mtə̀ ki kò lʉ̀mə, bàŋbàŋ, ghə̀ be kuʼsə nshəʼsə. Ma gàʼa la kə ghə̀ŋ ne ntsèntə̀ vye viʼi vyi a və ghamə, be nyʉ chòsə̀ məlyʉ̀ʼ bomə, ko və tsoŋ. Kə ghə̀ŋ a mwomsə tebè mwomsə zhɨ̀ vye nki viʼi a venə.

1 Kolìntyàns 5:9

Ma tə nyòʼò a ghə̀ŋ la kə ghə̀ŋ ne tsèntə vye viʼi vyi a və tsi ətsìnə̀sə kəfwaʼlə.

2 Kolìntyàns 10:6

Ghə̀ŋ ne diʼi a yès no zhʉ̀ko la ghə̀ŋ sə zhʉ, to fa Klistò, yès mu ku ngəʼ a viʼi a ghə̀ŋ a ntìntìn a və ko zhʉ fa Wen.

2 Kolìntyàns 2:9

Mà tə nyoʼo ŋwàʼlə̀ a yì a ghə̀ŋ ndi yen la, ghə̀ŋ zhʉ̀ mò to nyʉ̀ ə tsèm mu lo.

2 Kolìntyàns 7:15

A lə kənyʉ̀ ki a ghə̀ sə kwòʼtə̀ luwen ando ghə̀ŋ tə zhʉ wen be kwòʼtə̀ ando ghə̀ŋ nshisə wen tsəŋtə fwàynə̀, kòŋ ə wen a ghə̀ŋ ə sə kwi dyʉ̀ to nə̀ mbì.

Filìbàyns 2:12

Luwen a vəlèmə̀ və kòŋ ə̀ mò, ando ghə̀ŋ tə zhʉ gɨ̀ ghom, ando mà ndiʼ vəghəŋ, kə a mbòŋsə̀ bòŋə̀ no nkàyn la ghə̀ŋ ntùʼtə̀ zhʉ gɨ̀ ghom ando mà ko bè diʼ vəghəŋ. Ghə̀ŋ myetə nè əshyèʼ yi a ghə̀ faŋə̀ nə̀ gumlə ghə bènə̀ fwàyn ə Nyìngòŋ ndi Nyìngòŋ myetə li bwoŋsə̀ ghə̀ŋ.

Kòlòsyàns 4:16

Ghə̀ŋ dzàŋ ŋwàʼlə̀ ghèn a ghə̀ŋ a ntìntìn, ghə̀ŋ nè və dyʉ̀ dzàŋ a ənòyn ə viʼi və byɨməvə vi a və diʼ a Làdisìyà. Ghə̀ŋ bè dzàŋ yi a mà nyoʼo, ghə̀ diʼ ə lù fa Làdisìyà ə vi a ghə̀ŋ.

1 Tèsàlonyà 4:8

A sətsen a tensə no ndo tensə kənyʉ̀ ki a yes ə ziʼi, ghə̀ tensə Nyìngòŋ a ghə̀ ku kəzhwì kə Ŋwoʼkə a ghə̀ŋ.

2 Tèsàlonyà 3:6

Yès ə gàʼa a ghə̀ŋ a kədyòʼ ə Bobo vəghəŋ Yesò Klistò a vəlemə la, kə ghə̀ŋ nə̀ jèʼè nə̀ viʼi və byɨməvə vi a və bwaʼa, ko və nè tebè kənyʉ̀ ki a yès tə ziʼi ghə̀ŋ la ghə̀ŋ ə nè.

Taytùs 2:8

Ə ndìʼsə̀ tò kənyʉ̀ a kə diʼì nəmwèʼè ndiʼi kə viʼi be a nkiʼi kənyʉ̀ əgàʼ byìʼì kəwenkə ndi ətʉ viʼi kəbàyn ə vəghəŋ ndiʼ ando vəwenə ko be a kiʼi kənyʉ̀ kəbyɨkə gàʼ byìʼì vəghəŋ.

Taytùs 3:10

Wìʼ ə mvì nə̀ kəngə̀sə̀ kə, wu pfàntə̀ wen əzaʼa aghayn à bò. Wìʼ ayì faŋ ke kwitə, wù ghʉ̀sə dyʉ̀ nə̀ wen,

Filimùyn 1:21

Ma kɨli no nəmwèʼè la to ando ma tɨmə ŋwàʼlə̀ ghèn a wù lə, la wù a nè to ando mà gàʼà, ə sə nè, ə nè chò tebè ando ma kəŋə.

Hibùlù 13:17

Ghə̀ŋ nzhʉ to fa viʼi vyi a və tisə ghə̀ŋ, kə ghə̀ŋ nə̀ to kətʉ a vəwenə. Vəwenə tuʼmə nə̀ ghə̀ŋ, diʼ lù taŋ əchʉ̀ vəwenə a Nyìngòŋ kumə shwèʼè a ghenə. Ghə̀ŋ sətsen ə̀ nzhʉ to fa vəwenə, kə a gyàmtə̀ vəwenə nè shwèʼè nə̀ saŋlə, kə be a boŋ ə gyàmtə̀ ghə̀ŋ.

2 Joyn 1:10

A sətsèn wìʼ vi à ghə̀ŋ ke ə mvì nə̀ əziʼi aghenə kə ghə̀ŋ à shìsə wen ko toŋtə tè wen.