2 Tèsàlonyà 3:10 - The New Testament in the Babanki language

¹⁰ A ndiʼ tèbè ando vəghəŋ bo diʼ amuʼ, yès gàʼ a ghə̀ŋ la, “A tyen no ndo la ghə̀ ko shyèʼè, kə wìʼ fa ghə̀ŋ a ku kəfo la ghə̀ zhɨ̀.”

2 Tèsàlonyà 3:10 ပူးပေါင်းရင်းမြစ်များ

Ŋwàʼlə̀ Luk 24:44

Ghə̀ mù gàʼ a vəwenə la “Venə diʼi nyʉ̀ a ma gàʼli a ghə̀ŋ ando ma mbu ndiʼ vəghəŋ la nyʉ̀ tsèm a kə ndiʼ a soʼo Mosìs, ə nə̀ nyʉ̀ a nshə̀ʼtə̀sə nyoʼo li bènə̀ Salms diʼi lu fʉ̀.”

Joyn 16:4

Mà shə̀ʼtə nyʉ̀ a venə a ghə̀ŋ alə, ku kətyiftə ndiʼ əzhʉ̀ na kwʉʼ, ghə̀ŋ sə nè, ghə̀ŋ ə̀ kwoʼtə ando mà tə shə̀ʼtə̀ a ghə̀ŋ. “Mà ko tə shə̀ʼtə̀ nyʉ̀ venə a ghə̀ŋ fa ambì byìʼàndo mà bo tə diʼ vəghəŋ amuʼ.

Shwèʼ 20:18

Vəwenə nè vì ghə̀ gàʼ à vəwenə la, Ghə̀ŋ kɨ li ando mà ntsi bè shwèʼ à ghə̀ŋ a ntìntìn tò fa mbì kətsì ando mà mvi a loʼ Asìyà.

1 Tèsàlonyà 3:4

Ghə̀ŋ nkɨli nyʉ na vyi byìʼì ando à ə ndiʼ ando vəghəŋ ə mbo diʼ to a muʼ, yes ə shə̀ʼtə̀ a ghə̀ŋ to fa chʉʼ na ghèn la, və be lù ku ngəʼ a vəghəŋ, kə tə jèʼ ə kwʉʼ to ando ghə̀ŋ ə kɨ.

1 Tèsàlonyà 4:11

Ghə̀ŋ mwomsə no nə̀ kədyòʼ kə ə wʉ̀ la wìʼ fa ghə̀ŋ ko lu se tebè a ntaŋ akəshi. Kə ghə̀ŋ ne nkwensə əchʉ a nyʉ̀ viʼi. Ghə̀ŋ shyèʼ nə̀ avu ghəŋə ə kiʼi fo vi a ghə̀ŋ kəŋ. Ghə̀ŋ nè to ando yes ə ngàʼa la ghə̀ŋ ə nè.

2 Tèsàlonyà 2:5

Ma kɨli la ghə̀ŋ bo kwoʼtə ando ma ngàʼa nyʉ̀ na venə a ghə̀ŋ ando vəghəŋ ə bo diʼ amuʼ