2 Tèsàlonyà 2:2 - The New Testament in the Babanki language

² kə ghə̀ŋ ne moʼtə viʼi vyi a və diʼi la kətsi kì a Bobo lù vi sə diʼ mù kə vi li, ə fwàynsə ghə̀ŋ ə be boŋsə biʼ kətʉ̀ ə kəŋkə̀. Kənyʉ̀ na kènkə zizi kə ə ndiʼ mu à gàʼ wìʼ, diʼ la ghə̀ shə̀ʼtə̀ ntɨm mu ghə̀ lù fa Nyìngòŋ, zhʉ tseghə kə diʼ mu a tə fʉ̀ ziʼi ə tsen ghə̀, zhʉ tseghə kə nə̀ diʼ mù wìʼ shə̀ʼtə̀ ə gàʼ la kə fʉ a ŋwàʼlə̀ mu a nyoʼ yès ə tɨm a ghə̀ŋ.

2 Tèsàlonyà 2:2 ပူးပေါင်းရင်းမြစ်များ

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Ŋwàʼlə̀ Mak 13:7

Ghə̀ŋ sətsèn zhʉ̀ la və temə ghoŋ kəghaf bè zhʉ̀ la tətsentə boʼsə vì, kə ghə̀ŋ à fàyn byìʼàndo nyʉ̀ a venə diʼi lyɨ̀ kəshi mibu kənsèsə̀ kə mbi kə sə vì.

Ŋwàʼlə̀ Luk 21:19

Mətɨmə ghə̀ŋ a nkàyn a ghə̀ŋ a byɨmə lu nè ghə̀ŋ bwoŋ.”

Ŋwàʼlə̀ Luk 21:9

Ghə̀ŋ sətsèn zhʉ la təghoŋ tə sə̀ fʉ̀ bènə̀ la təsoyn tə sə fʉ̀, kə ghə̀ŋ à fàyn la kənsèsə̀ kə mbyi kə boʼsə li byiʼàndo nyʉ̀ a venə diʼi lyɨ̀ kəshi a mbì”.

Joyn 14:1

Yesò gàʼ a ndzɨ̀mtə̀sə bàm ə wensə la, “kə ghə̀ŋ nə̀ femsə təwen ə təŋtə. Ghə̀ŋ byɨmə a Nyìngòŋ, ə be byɨmə a mò.

Joyn 14:27

“Ma lù moʼtə mbwaʼmə ghom a ghə̀ŋ. Ma kù mbwaʼmə ghom a ghə̀ŋ. Ma ko kù mbwaʼmə ghèn a ghə̀ŋ to ando mbyi nə̀ ku. Kə ghə̀ŋ be zhuŋsə̀ təwen ə təŋtə, kə ghə̀ŋ be fwaynə.

1 Kolìntyàns 1:8

Ghə̀ a ne la ghə̀ŋ ə nkiʼi kədyòʼ ə zàʼa fa kəmwètə ndi kə wìʼ lù ghàm ghə̀ŋ a kətsi yi a Bobo vəghəŋ Yesò Klistò lu bwenə vì.

1 Kolìntyàns 14:32

Viʼi vi a və kiʼi kəku nshə̀ʼtə̀ ntɨm mu ghə̀ lù fa Nyìngòŋ diʼ nshɨtə kɨ ə ghaʼ ntɨm ayi.

1 Kolìntyàns 7:26

Ma kwòʼtə̀ la, kə bòŋ la wìʼ faŋ to ali byìʼì ando mbyi diʼ luwen mu ghə̀ byif li.

Efisyàns 5:6

Kə wìʼ ə lu lobtə ghə̀ŋ nə̀ gàʼà ə zɨmghə. A diʼ byìʼì nyʉ̀ a venə a Nyìngòŋ ə fwisə tin a viʼi vyi a və ko zhʉ wen.

1 Tèsàlonyà 3:3

be nè la kə wìʼ fa ghə̀ŋ na faŋ ko ghə̀ be ə choʼsə Yesò byìʼì ngəʼ yì a viʼi ə ku a wen. Nò ghə̀ŋ ə kɨ la ngəʼ na sensə diʼ vi a vəghəŋ.

1 Tèsàlonyà 4:15

Kənyʉ̀ ki a yes ə ziʼi a ghə̀ŋ diʼ to kənyʉ̀ ki a Bobo ə ziʼi. Vəghəŋ vi a və bo tsì a mbi ko lə yen Yesò ambì ə viʼi vyi a və pfʉkə li a kətsi yi a ghə̀ bwenə vi.

1 Tèsàlonyà 5:2

Yes ə gàʼa alə̀ byìʼì ando ghə̀ŋ ə kɨ fa ghə̀ŋ ngeŋsə la, kətsi kì a Bobo lu bwenə vi lu kwʉ̀ʼ, ko wìʼ ə kɨ, ghə̀ lu vi ndə̀ŋndəŋ ando tsòŋ nə̀ vi nətʉʼ.

2 Tèsàlonyà 2:15

Yès sə gaʼa a ghə̀ŋ a vəlemə la, ghə̀ŋ ghaʼ əbyɨmə ə ghəŋə, kə ghə̀ŋ a byɨmə la wìʼ ə nè, ghə̀ŋ moʼtə ziʼi nəmwèʼè yì a yès ə nziʼi a ghə̀ŋ lì ə be nyòʼ a ghə̀ŋ a ŋwàʼlə̀ lì.

2 Tèsàlonyà 3:17

A nyòʼò to mò Bol nyoʼtə ətoŋtə akəshi ghèn luwen a ghə̀ŋ nə̀ kəvu ə komkə. A le nchwi yì a ma nyoʼo əzhiʼ ə ghomə no tebe a ŋwàʼlə̀ ə kò, ma ghʉ̀.

Kəmwetə 19:20

Və ghaʼ nyàm ətoʼ yì wenə̀ nshə̀ʼtə̀ kənlobtə yì a ghə̀ ə̀ ndìʼì əchwitə ndzɨ̀ŋsə lobtə̀ viʼi vyi a və̀ nku əchwitə à vəwenə bènə̀ ə̀vi a və̀ nghoʼsə̀ kənshyə̀ʼsə̀ kə wen à wen ə shɨ lì. Və mòʼ ə̀ shìʼsə vəwenə venə vəbò a nkwòŋ ə̀ zhìʼ mu və we li məkàyn tsu, vəwenə bu diʼ tò vəto.